Rövşən Səfərov
Rövşən Səfərov | |
---|---|
| |
Şəxsi məlumatlar | |
Tam adı | Rövşən İlyas oğlu Səfərov |
Vətəndaşlığı | Azərbaycan |
Doğum tarixi | |
Doğum yeri | Neftçala, Azərbaycan SSR |
İdman növü | Cüdo |
Rövşən İlyas oğlu Səfərov (3 may 1988; Neftçala, Azərbaycan SSR) — Azərbaycanı təmsil edən cüdoçu. 2016-cı ildə XV Yay Paralimpiya Oyunlarında bürünc medala sahib olub.
Həyatı
[redaktə | mənbəni redaktə et]Rövşən Səfərov 1988-ci il mayın 3-də Neftçala şəhərində anadan olub.
Karyerası
[redaktə | mənbəni redaktə et]Rövşən Səfərov 2009-cu ildə Debretsen şəhərində (Macarıstan) baş tutan Avropa Çempionatlarının qalibi oldu. 2010-cu ildə isə Rövşən Səfərov Antalya şəhərində Dünya Çempionatını bürünc medalla başa vurdu.
Rövşən Səfərov 2012-ci ildə London şəhərində (Birləşmiş Krallıq) baş tutan XIV Yay Paralimpiya Oyunlarında mübarizə apardı. Paralimpiadanın birinci görüşündəcə Kuba nümayəndəsi İsao Kruz Alonsoya məğlub olan Rövşən Səfərov, turnirdə mübarizəsini dayandırdı.
Rövşən Səfərov 2014-cü ildə Kolorado Sprinqs şəhərində (ABŞ) Dünya Çempionatının bürünc medalına sahib oldu.
2015-ci ildə isə Odivelaş şəhərində (Portuqaliya) baş tutan Avropa Çempionatında Rövşən Səfərov, final görüşündə məğlub oldu və gümüş medala sahib olan.
Rövşən Səfərov 2016-cı ildə Rio-de-Janeyro şəhərində (Braziliya) baş tutan XV Yay Paralimpiya Oyunlarında mübarizə apardı. Təsnifat mərhələsində mərhələsində Belarus nümayəndəsi Alexander Kazluya ipponla qalib gələn Rövşən Səfərov, 1/4 final mərhələsində 2012-ci il Paralimpiya Oyunlarının qalibi olan Ukrayna nümayəndəsi Olexander Kosinva ipponla məğlub oldu və mübarizəni təsəlliverici qrupda davam elədi. Bu mərhələnin birinci görüşündə Rövşən Səfərov Argentina nümayəndəsi Xose Effrona ipponla qalib gəldi və bürünc medal uğrunda görüşə vəsiqə qazandı. Həlledici görüşdə onun rəqibi Birləşmiş Krallıq nümayəndəsi Conatan Dran oldu. Həmin görüşdə də rəqibinə ipponla qalib gələn Rövşən Səfərov, XV Yay Paralimpiya Oyunlarının bürünc medalına sahib oldu.
Azərbaycan Prezidenti İlham Əliyevin 21 sentyabr 2016-cı il tarixli Sərəncamına əsasən XV Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Rövşən İlyas oğlu Səfərov "Tərəqqi" medalı ilə təltif edildi.[1]
Rövşən Səfərov 2017-ci ilin mayında IV İslam Həmrəyliyi Oyunlarında mübarizə apardı və turniri bürünc medalla başa vurdu. Daha sonra o, 2017-ci ildə Uolsoll şəhərində (Birləşmiş Krallıq) baş tutan Avropa Çempionatının qalibi oldu.
Rövşən Səfərov həmdə 2018-ci ildə Odivelaş şəhərində (Portuqaliya) Dünya Çempionatınında mübarizə apardı və turnirin bürünc medalına sahib oldu.
İstinadlar
[redaktə | mənbəni redaktə et]- ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 21 sentyabr 2016-cı il tarixli Sərəncamı". www.azertag.az ( (az.)). 30.09.2022. Archived from the original on 2016-10-28. İstifadə tarixi: 30.09.2022.
- Yaşayan insanlar
- 3 mayda doğulanlar
- 1988-ci ildə doğulanlar
- "Tərəqqi" medalı ilə təltif edilənlər
- Əlifba sırasına görə idmançılar
- Azərbaycanın paralimpiya cüdoçuları
- 2012 Yay Paralimpiya Oyunlarında cüdoçular
- 2016 Yay Paralimpiya Oyunlarında cüdoçular
- 2016 Yay Paralimpiya Oyunlarında medal qazananlar
- Paralimpiya medalına sahib Azərbaycan idmançıları
- Azərbaycan paralimpiyaçıları