Bayram Mustafayev

Vikipediya, açıq ensiklopediya
Jump to navigation Jump to search
Judo pictogram.svg Bayram Mustafayev Judo pictogram.svg
Bayram Mustafayev at the 2012 Summer Paralympics.jpg Bayram Mustafayev 2012 Yay Olimpiya Oyunlarında
Şəxsi məlumatları
Tam adı Bayram Bəxtiyar oğlu Mustafayev
Vətəndaşlığı azərbaycanlı
Doğum tarixi 23 may 1987 (1987-05-23) (32 yaş)
Doğum yeri Bakı, Azərbaycan
Məşqçisi Bəxtiyar Mustafayev
İxtiyar Mustafayev
Boyu 170 sm
Çəkisi 66 kq
İdman növü Judo pictogram.svg Para-cüdo

Bayram Mustafayev (tam adı: Bayram Bəxtiyar oğlu Mustafayev; d. 23 may 1987, Bakı, Azərbaycan) — Azərbaycanlı cüdoçu. Bayram Mustafayev, 2016-cı ildə baş tutan XV Yay Paralimpiya Oyunlarının və 2017-ci ildə keçirilən IV İslam Həmrəyliyi Oyunlarının gümüş medalına sahib olub. Bayram Mustafayev Krouli, Eger və Odivelaşda keçirilən Avropa çempionatlarında qızıl, Uolsollda keçirilən Avropa Çempionatında isə gümüş medal qazanıb. Mustafayev 2014-cü ildə Koloradoda keçirilən Dünya Çempionatının qalibi olub.

Cüdoçu Azərbaycan yığmasında 2010-cu ildən para-cüdoçu kimi çıxış edir. O, XV Yay Paralimpiya Oyunlarında qazandığı uğura görə III dərəcəli "Vətənə xidmətə görə" ordeni‎ ilə təltif edilib.[1] Bayram həmin ildəcə Gənclər və İdman Nazirliyinin versiyasına görə 2016-cı il "İlin ən yaxşıları" mükafatının nominasiyasında fəxri diplomla mükafatlandırılıb.[2]

Həyatı[redaktə | əsas redaktə]

Bayram Mustafayev 1987-ci il may ayının 23-də Bakı şəhərinin Əmircan qəsəbəsində anadan olub. Uşaqlıqdan idmana həvəs göstərən Bayram, 1998-ci ildə 11 yaşı olarkən cüdo idman növünə "Neftçi" idman klubu ilə başladı.[3] 2010-cu ildə zədə aldıqdan sonra paralimpiya üzrə cüdo yarışlarında iştirak etdi. Bayramın şəxsi məşqçiləri Bəxtiyar və İxtiyar Mustafayevlərdir. Mustafayev 170 sm boya və 66 kq çəkiyə malikdir.[4]

Karyerası[redaktə | əsas redaktə]

2011-2013-cü illər[redaktə | əsas redaktə]

2011 Avropa Çempionatı[redaktə | əsas redaktə]

2013 Avropa Çempionatı[redaktə | əsas redaktə]

2014-2015-ci illər[redaktə | əsas redaktə]

2015 Avropa Çempionatı[redaktə | əsas redaktə]

2014 Dünya Çempionatından sonra, Bayram Mustafayev mövsümün daha bir önəmli yarışına qatıldı. Mustafayev 2016-cı ildə Braziliyanın Rio-de-Janeyro şəhərində baş tutan 2016 Yay Paralimpiya Oyunlarına lisenziya xarakterli Avropa Çempionatında qüvvəsini sınadı.[5] 25-30 noyabr aralığında Portuqaliyanın Odivelaş şəhərində keçirilən Avropa çempionatında,[5] Mustafayev 1/16 və 1/8 final mərhələlərində rəqibi olmadığından azad oldu. 1/4 final mərhələsində onun rəqibi İspaniya təmsilçisi Daniel Qavila idi.[6] Rəqibini məğlub edən cüdoçu yarım-final mərhələsinə adladı.[6] Yarım-final mərhələsində o, rusiyalı cüdoçu Viktor Rudenko ilə qarşılaşdı.[6] Bayram Mustafayev yarım-final rəqibini də məğlubiyyətə uğradaraq, uğurlu seriyasının davamını gətirdi.[6] Finalda isə o, 2012-ci ildə Londonda baş tutmuş Yay Paralimpiya Oyunlarının qızıl medalına layiq görülmüş, rusiya nümayəndəsi David Xoravla üz-üzə gəldi.[7] Ukraynalı beynəlxalq səviyyəli idman ustası[8] David Xorav final görüşündə qalibiyyəti əldən verdi.[9]

Bayram Mustafayev noyabrın 28-də qızıl medala yiyələndi. Bayram Mustafayev Rio-de-Janeyro Paralimpiyadasına lisenziya əldə etdi.[10] Həmçinin Mustafayev karyerasında üçüncü dəfə olaraq Avropa Çempionu oldu.[11][12] Çempionatda Azərbaycan yığması ümumi hesabda üçüncü yeri tutdu. Birinci və ikinci yerləri Rusiya ilə Ukrayna komandaları bölüşdülər.[6] Sonuncu gün təşkil olunan komanda yarışında Azərbaycan yığması finalda Rusiyaya qalib gələrək Avropanın ən güclü komandası adına layiq görüldü. Paralimpiya Oyunlarına lisenziyanı Bayram Mustafayev daxil olmaqla, 7 idmançı qazandı.[13]

Bayram Mustafayev qalib olduğu gün onunla bərabər 60 kq çəki dərəcəsində Ramin İbrahimov, 100 kq çəki dərəcəsində Kənan Abdullaxanlı və 100+ kq çəki dərəcəsində İlham Zəkiyev mübarizə aparırdı.[14] Bayram Mustafayevin qazandığı medal Azərbaycan yığmasının Avropada qazandığı ilk qızıl medal idi. 2-ci qızıl medalı ikiqat paralimpiya çempionu İlham Zəkiyev, 3-cü medalı isə Ramil Qasımov yığmaya qazandırdı. Ramin İbrahimov gümüş, Kənan Abdullaxanlı bürünc medalla kifayətləndilər.[15]

2016-2017-ci illər[redaktə | əsas redaktə]

Rio-de-Janeyro Olimpiadası[redaktə | əsas redaktə]

Rio-de-Janeyro Paralimpiadasının final görüşü: Bayram Mustafayev (ağ geyimdə) və Özbəkistanlı Utxirjon Niqmatov (göy geyimdə)

Bayram Mustafayev 2016-cı ilin sentyabrında özünün ikinci Yay Paralimpiya Oyunlarına qatıldı. O, bundan əvvəl, 2012-ci ilin avqustunda Böyük Britaniyanın London şəhərində keçirilmiş Yay Paralimpiya Oyunlarında iştirak etmişdi.[16] Avqustun 29-da Yay Paralimpiya Oyunlarının açılışı mərasimi baş tutdu.[17] Bayram Mustafayev 66 kiloqram çəki dərəcəsində mübarizə aparırdı. 1/16 mərhələdən azad olan cüdoçu, ilk görüşündə rusiyalı Viktor Rudenkoya qalib gəldi.[18] Digər mərhələ adlayan cüdoçu, çin nümayəndəsi Xu Jao ilə qarşılaşdı. Gərgin keçən mübarizədə Xu Jao yuko xalı qazanaraq görüşdən qalib ayrıldı.[19] Məğlub olan Mustafayev mübarizəni erkən dayandırdı.[20]

İyulun 18-də Braziliyanın Rio-de-Janeyro şəhərində keçirilən XXXI Yay Olimpiya OyunlarıXV Yay Paralimpiya Oyunlarında iştirak edəcək Azərbaycan nümayəndə heyətinin rəsmi yolasalma mərasimi keçirildi.[21] Mərasimdə Azərbaycan RespublikasınınMilli Olimpiya Komitəsinin prezidenti İlham Əliyev iştirak etdi. Dövlət başçısı çıxış edərək nitq söylədi.[22] Daha sonra 2 qat Paralimpiya çempionu İlham Zəkiyev, Gənclər və İdman naziri Azad Rəhimov, yunan-roma güləşi üzrə yığma komandanın məşqçisi Akif Əliyev və Dünya çempionu Rəsul Çunayev çıxış etdilər.[23]

Bayram Mustafayev "Rio-2016" Paralimpiya Oyunlarının mükafatlandırma mərasimində.

Bayram Mustafayev sentyabrın 8-i mübarizəyə qoşuldu. O, 1/16 və 1/8 final mərhələlərindən azad oldu. 1/4 final mərhələsində onun rəqibi braziliyalı Halison Oliveyra Boto idi. Görüş ərzində Mustafayev vaza-ari xalı qazanaraq qalib oldu.[24] Yarım-final mərhələsində o, yaponiyalı cüdoçu Satoji Fujimoto ilə üz-üzə gəldi.[25] Mustafayev rəqibi üzərində ippon fəndi ilə qələbə qazandı və yarışların həlledici final görüşünə adladı.[26] Final görüşündə o, Özbəkistan nümayəndəsi Utxirjon Niqmatov ilə qarşılaşdı. Görüşün başlanğıcında rəqibindən vaza-ari xalı alan Niqmatov, görüşün sonunda Mustafayevin əli üzərində sındırıcı fənd tətbiq etdi.[27] Mustafayev təslim olduğu üçün Niqmatov XV Yay Paralimpiya Oyunlarının qalibi oldu.[28] Bayram Mustafayev isə yarışların gümüş medalına layiq görüldü. Onun qazandığı medal, Azərbaycan yığmasının Rio-de-Janeyro Paralimpiyadasında ilk medalı oldu.[28][29]

Paralimpiyada bitdikdən sonra Bayram Mustafayev sentyabrın 22-də digər idmançılar ilə birlikdə vətənə qayıtdı. İdmançılar Heydər Əliyev adına Beynəlxalq Hava Limanında izdihamla qarşılandılar. Sentyabrın 23-də İlham Əliyev Rio-de-Janeyro Paralimpiyadasında idmançılar və onların məşqçiləri ilə görüşdü. Əliyev mərasimdə nitq söylədi. Nitqdən sonra uğurla çıxış etmiş idmançılara və məşqçilərə dövlət təltiflərinin verilmə mərasimi baş tutdu. İlham Əliyev Paralimpiyadada 1 qızıl, 8 gümüş, 2 bürünc medal qazanmış idmançıları və məşqçiləri təltif etdi.[30]

Prezident İlham Əliyevin 21 sentyabr 2016-cı il tarixli sərəncamına əsasən, Mustafayev Bayram Bəxtiyar oğlu XV Yay Paralimpiya Oyunlarında qazandığı yüksək nailiyyətinə, habelə Azərbaycan idmanının inkişafındakı xidmətlərinə görə 3-cü dərəcəli "Vətənə xidmətə görə" ordeni ilə təltif edildi.[1][31] Bayram Mustafayev, "Buta Sarayında" təşkil edilən mərasimdə Gənclər və İdman nazirliyinin hər ilin sonunda təqdim etdiyi "İlin ən yaxşıları" nominasiyasında fəxri diplomla təltif olundu.[2][32] Ona dövlət başçısı tərəfindən müvafiq sərəncama əsasən, qazandığı gümüş medal üçün 100 000 pul məbləği verildi.[33]

IV İslam Həmrəyliyi Oyunları[redaktə | əsas redaktə]

Bayram Mustafayev və Elçin Talıbov IV İslam Həmrəyliyi Oyunlarının final qarşılaşmasında.

Bayram Mustafayev 2017-ci ildə ilk əsas yarışına Bakı şəhərində keçirilən İslam Həmrəyliyi Oyunları çərçivəsində qatıldı.[3] Mustafayev yarışa qatılmazdan əvvəl İsmayıllı İdman Kompleksində, kompleksin direktoru Tofiq Hümbətov və baş məşqçi İbrahim İbrahimovun rəhbərliyi altında təlim-məşq toplantıları keçirdi.[3] Onunla birgə burada Milli Olimpiya Komitəsinin üzvləri Ramin İbrahimov, Afaq Sultanova, Ramil Qasımov, Rövşən Səfərov da var idi.[3][4]

Oyunlar başlamazdan öncə İslam Həmrəyliyi oyunlarında mübarizə aparacaq paralimpiyaçıların adları açıqlandı.[34][35] Cüdo idman növü üzrə Heydər Əliyev adına İdman Arenasında mübarizə aparanlar sırasında Bayram Mustafayev də var idi. 66 kq çəki dərəcəsində mübarizə aparan Mustafayev, 1/16, 1/8, 1/4 final mərhələlərində rəqibi tapılmadığı üçün yarım-final mərhələsindən tatamiyə çıxmağa başladı.[36] Onun ilk rəqibi əlcəzairli Mohammed Kamel Bellabası idi. Cüdoçu rəqibi üzərində ippon fəndi tətbiq edərək inamlı qələbə qazandı və final görüşünə adladı.[37] Finalda onun rəqibi Azərbaycan təmsilçisi Elçin Talıbov oldu. Elçin Talıbovun 1/4 final mərhələsində rəqibi Bayram Mustafayevin Rio-de-Janeyro Olimpiadasında məğlub olduğu Utxirjon Niqmatov idi.[38] Niqmatov tatamiyə çıxmadığı üçün texniki olaraq qələbə Talıbova verilmişdi. O, yarım-finalda isə Türkiyə idmançısı Rəcəb Çiftçi ilə üz-üzə gələrək onu 2-0 məğlub etmişdi. Nəticədə iki cüdoçu finalda qarşılaşmışdılar.[39]

Mayın 14-də həlledici qarşılaşma baş tutdu. Görüş ərzində hər iki tərəf xal ala bilmədi.[40] Mustafayev isə görüşün sonlarına yaxın xəbərdarlıq aldı. Gərgin keçən qarşılaşmanın sonunda Avropa mükafatçısı Elçin Talıbov vaza-ari xalı qazandı. Nəticədə o, 2017 İslam Həmrəyliyi Oyunlarının qalibi oldu. Bayram Mustafayev isə gümüş medal qazandı.[41][42][43] Bu çəkidə bürünc medala türkiyəli Rəcəb Çiftçi sahib oldu.[44] Mükafatlandırma mərasimində Bayram Mustafayevə gümüş medalı Dünya Taekvondo Federasiyanın vitse-prezidenti, Azərbaycan Boks və Taekvondo Federasiyalarının prezidentdi Kəmaləddin Heydərov təqdim etdi. Mərasimin sonunda Azərbaycanın üçrəngli bayrağı qaldırılıb, Azərbaycanın dövlət himni səsləndirildi.[45] IV İslam Həmrəyliyi Oyunlarında qazandığı uğura görə Bayram Mustafayevə, prezidentin müvafiq sərəncamı ilə 50 000 manat pul məbləği verildi.[46]

Bayram Mustafayev İslam Həmrəyliyi Oyunlarından sonra, 4-6 avqust tarixlərində İngiltərənin Uolsoll şəhərində keçirilən Avropa Çempionatına qatıldı. O, 1/8 final mərhələsindən mübarizəyə qoşuldu.[47] Onun ilk rəqəbi gürcüstanlı cüdoçu Georgi Qamcaşvili oldu.[47] Bayram Mustafayev rəqibi üzərində vaza-ari xalı qazanaraq 1/4 final mərhələsinə vəsiqə qazandı.[47] 1/4 final mərhələsində rəqib tatamiyə çıxmaqdan imtina etdiyi üçün Mustafayev qalib elan olundu.[47] Final görüşünün bir addımlığında o, türkiyəli Rəcəb Çiftçi ilə qarşılaşdı.[47] Bayram Mustafayev Rəcəb Çiftçi üzərində iki vaza-ari xalı qazandı və final görüşünə adladı.[47] Finaldakı rəqib David Xarovanı, Mustafayev qalib olduğu Avropa Çempionatlarında məğlub etmişdi. Görüşün ortalarında David Xarov ippon fəndi ilə Bayram Mustafayevi məğlub etdi.[48] Mustafayev karyerasında ilk dəfə olaraq Avropa Çempionatının gümüş medalına layiq görüldü.[48] Çünki o, qatıldığı bütün Avropa Çempionatlarının qalibi olmuşdu.[48] Bayram Mustafayev bununla 2016-2017-ci illərdə qatıldığı bütün yarışların gümüş medalına sahib oldu.[48]

Dövlət təltifləri[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 Azərbaycan Respublikasının prezidentinin rəsmi saytı. "XV Yay Paralimpiya Oyunları qaliblərinin və Azərbaycan idmanının inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 21 sentyabr 2016-cı il tarixli 2348 nömrəli Sərəncamı."(azərb.)). president.az (21 sentyabr 2016). 30 avqust 2017 tarixində arxivləşdirilib. İstifadə tarixi: 29 avqust 2018.
  2. 2,0 2,1 2,2 "İdmanda ilin ən yaxşıları müəyyənləşdi"(azərb.)). avropa.info (26 dekabr 2016).
  3. 3,0 3,1 3,2 3,3 Əli Səlimov. İslamiada paralimpiyaçılara qələbə meydanı olacaq. İsmayıllı İdman Olimpiya Kompleksində gərgin məşqlər gedir.-Azərbaycan.-2017-.s.4.
  4. 4,0 4,1 "İslamia üçün gərgin məşqlər gedir"(azərb.)). Azərbaycan. azerbaijan-news.az (30 aprel 2018).
  5. 5,0 5,1 "IBSA Judo European Championships 2015: For Blind and Visually Impaired"(ing.)). ibsasport.org (28 sentyabr 2013).
  6. 6,0 6,1 6,2 6,3 6,4 Azərbaycan Dövlət İnformasiya Agentliyi. "Paralimpiyaçı cüdoçularımızın Avropa çempionatında uğuru"(azərb.)). portal.azertag.az (30 noyabr 2015).
  7. "İlham Zəkiyev altıncı dəfə Avropa çempionu oldu"(azərb.)). dsport.az (28 noyabr 2015).
  8. "Паралимпийцы из Ровенщины будут получать «президентские» стипендии"(rus.)). topnews.rv.ua (1 iyul 2017).
  9. "IBSA Judo European Championships 2015: Results"(ing.)). ibsasport.org (28 noyabr 2015).
  10. "İlham Zəkiyev altıncı dəfə Avropa çempionu oldu"(azərb.)). sportline.az (28 noyabr 2015).
  11. "İlham Zəkiyev 6 qat Avropa çempionu oldu"(azərb.)). oxu.az (28 noyabr 2015).
  12. "Judo results IBSA World Championships and Games Antalya 2011"(ing.)). ibsa.es (30 iyun 2012). 30 avqust 2018 tarixində arxivləşdirilib. İstifadə tarixi: 30 avqust 2018.
  13. "Paralimpiyaçı cüdoçularımız Avropa çempionatında 8 medal qazandılar"(azərb.)). neftchi.org (30 noyabr 2015).
  14. Aygün. "İlham Zəkiyev 6-cı dəfə Avropa çempionu oldu"(azərb.)). publika.az (28 noyabr 2015).
  15. "İlham Zəkiyev 6-cı dəfə Avropa çempionu oldu"(azərb.)). news.milli.az (28 noyabr 2015).
  16. Azərbaycan Dövlət İnformasiya Agentliyi. "Londonda Paralimpiya oyunları başlanır"(azərb.)). portal.azertag.az (29 avqust 2012).
  17. Azərbaycan Dövlət İnformasiya Agentliyi. "XIV London Yay Paralimpiya Oyunlarının təntənəli açılışı olmuşdur"(azərb.)). azertag.az (30 avqust 2012).
  18. Azərbaycan Dövlət İnformasiya Agentliyi. "Bayram Mustafayev London Paralimpiya Oyunlarının növbəti mərhələsinə vəsiqə qazanmışdır"(azərb.)). azertag.az (30 avqust 2012).
  19. İdman Azərbaycan. "Bayram Mustafayev məğlub oldu"(azərb.)). idmantv.az (30 avqust 2012).
  20. "Bayram Mustafayev London Paralimpiya Oyunlarında məğlub oldu"(azərb.)). news.milli.az (30 avqust 2012).
  21. "Olimpiyaçılarımız üçün yolasalma mərasimi keçirildi"(azərb.)). sportnet.az (18 iyul 2016).
  22. Azərbaycan Respublikasının Prezidentinin rəsmi saytı. "İlham Əliyev XXXI Yay Olimpiya Oyunlarında iştirak edəcək Azərbaycan nümayəndə heyətinin yolasalma mərasimində iştirak edib"(azərb.)). president.az (18 iyul 2016). 25 iyul 2018 tarixində arxivləşdirilib. İstifadə tarixi: 29 avqust 2018.
  23. Azərbaycan Dövlət İnformasiya Agentliyi. "İlham Əliyev, Braziliyanın Rio-de-Janeyro şəhərində baş tutacaq XXXI Yay Olimpiya Oyunları və XV Yay Paralimpiya Oyunlarına qatılacaq Azərbaycan nümayəndə heyətinin yolasalma mərasiminə qatılıb."(azərb.)). azertag.az (18 iyul 2016). 30 avqust 2017 tarixində arxivləşdirilib. İstifadə tarixi: 29 avqust 2018.
  24. "Paralimpiyaçılarımızdan biri finalda, digəri bürünc uğrunda yarışacaq"(azərb.)). sportnet.az (8 sentyabr 2016).
  25. "Mustafayev Azərbaycana Rio Paralimpiadasında ilk medalı qazandırdı"(azərb.)). sportfm.az (9 sentyabr 2016).
  26. "Azərbaycan cüdoçusu Bayram Mustafayev (66 kq) “Rio-2016” Yay Paralimpiya Oyunlarında final mərhələsinə yüksəlib."(azərb.)). a24.az (8 sentyabr 2016).
  27. "Rio-2016: Paralimpiyaçımız gümüş medal qazandı"(azərb.)). oxu.az (9 sentyabr 2016).
  28. 28,0 28,1 Azərbaycan Cüdo Federasiyasının rəsmi saytı. "Cüdoçumuz Rio Paralimpiadasında Azərbaycana ilk medalı qazandırdı"(azərb.)). judo.az (9 sentyabr 2016).
  29. Azərbaycan Dövlət İnformasiya Agentliyi. "Bayram Mustafayev XV Yay Paralimpiya Oyunlarında Azərbaycana ilk medalı qazandırıb"(azərb.)). azertag.az (9 sentyabr 2016).
  30. "Prezident vətənə qayıdan paralimpiyaçılarla görüşüb"(azərb.)). sputnik.az (23 sentyabr 2016).
  31. "Prezident bu şəxslərlə bağlı sərəncam verdi - SİYAHI"(azərb.)). mia.az (21 sentyabr 2016).
  32. "İdman sahəsində ilin ən yaxşıları məlum oldu – SİYAHI"(azərb.)). azpolitika.info (26 dekabr 2016).
  33. Vüsal Bağırlı. "İlham Əliyev olimpiya mükafatçıları üçün pul mükafatı ayırdı - MƏBLƏĞ"(azərb.)). qaynarinfo.az (1 sentyabr 2016).
  34. "IV İslam Həmrəyliyi Oyunlarında mübarizə aparacaq Azərbaycan paralimpiya millisinin heyəti açıqlanıb"(azərb.)). azertag.az (4 may 2017).
  35. "IV İslam Həmrəyliyi Oyunlarında mübarizə aparacaq Azərbaycan paralimpiya millisinin heyəti açıqlanıb"(azərb.)). ikisahil.az (4 may 2017).
  36. "Paracüdoçularımızın medal mübarizəsi - Fotolar"(azərb.)). teleqraf.com (14 may 2017).
  37. "İslamiadada 14 may: 14 qızıl, 14 gümüş və bürünc"(azərb.)). sportinfo.az (15 may 2017).
  38. "İslamiada: 4 cüdoçumuz finalda"(azərb.)). axar.az (14 may 2017).
  39. "İslamiada: İlham Zəkiyev finala çıxa bilmədi"(azərb.)). sportnet.az (14 may 2017).
  40. "Paracüdo yarışlarının ikinci günündə Azərbaycanın ilk qızıl medalını Elçin Talıbov əldə edib"(azərb.)). portal.azertag.az (14 may 2017).
  41. "Paracüdoçularımızdan 7 medal - Fotolar"(azərb.)). qafqazinfo.az (14 may 2017).
  42. "Elçin Talıbov paracüdo üzrə yarışların qalibi oldu"(azərb.)). regionxeberleri.com (14 may 2017).
  43. "Elçin Talıbov paracüdo üzrə yarışların qalibi olub"(azərb.)). xalqinfo.az (14 may 2017).
  44. "Çiftçi, Bronz madalya aldı"(türk.)). batmanhabergazete.com (6 iyun 2017).
  45. "Paracüdo yarışlarının ikinci günündə Azərbaycanın ilk qızıl medalını Elçin Talıbov əldə edib"(azərb.)). azertag.az (14 may 2017).
  46. "İslamiadanın qaliblərinə veriləcək pul açıqlandı - 150 min"(azərb.)). istipress.com (15 may 2017).
  47. 47,0 47,1 47,2 47,3 47,4 47,5 ""IBSA Judo European Championships 2017: Results""(ing.)). ibsasport.org.
  48. 48,0 48,1 48,2 48,3 "Azerbaijan win both team titles at IBSA Judo Europeans"(ing.)). paralympic.org (6 avqust 2017).

Həmçinin bax[redaktə | əsas redaktə]