Goranqalası dağı

Vikipediya, azad ensiklopediya
Jump to navigation Jump to search

Goranqalası dağı
Ölkə Azərbaycan Azərbaycan
VilayətŞərur rayonu
Dağ sistemiKiçik Qafqaz
Zirvə hündürlüyü1131,4 m m
Goranqalası dağı (Qafqaz)

Goranqalası dağı – Şərur rayonu ərazisində dağ (hünd. 1131,4 m). Dərələyəz silsiləsindən şimal-qərbə ayrılan Saraybulaq qolunun cənub-qərb istiqamətli Bəysal qövsvari şaxəsinin qurtaracağında zirvə. Arpa çayının  sol sahilində, Dizə kəndindən 1,5 km şimal-şərqdədir. Zirvəsi və cənub-qərb yamacı Alt Permin KuberqandıMurqab regiomərtəbələrinə aid QızılqayaŞahbulaq lay dəstələrinin əhəngdaşılarından, şimal-şərq yamacı isə Alt Karbonun Turne mərtəbəsinə aid Goranqalası lay dəstəsinin terrigen-karbonat süxurlarından təşkil olunmuş şərq yamacı sıldırımlı konusvari yüksəklikdir. Tektonik cəhətdən Şərur-Culfa qalxım zonasının Şərur seqmentinin şimal-qərbində müşahidə edilən Münhbalaoğlu-Qabaqdağ  sinklinalının şimal-şərq qanadında yerləşir. Zirvə hissəsində və yamaclarında çökmə süxurları yaran layvari doleritqabbro-dolerit kiçik intruziyaları açılır. [1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Goranqalası dağı". Naxçıvan Ensiklopediyası. I (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V.Y. Talıbov. 2005. səh. 596. ISBN 5-8066-1468-9.