Qazangöldağ
| Qazangöldağ azərb. Qazangöldağ | |
| 39°11′39″ şm. e. 45°59′16″ ş. u. | |
| Ölkə |  Azərbaycan |
| Region | Naxçıvan Muxtar Respublikası |
| Rayon | Ordubad |
| Sıra dağlar | Kiçik Qafqaz |
| Dağ silsiləsi | Zəngəzur dağları |
| Zirvə hündürlüyü | 3829 m [1] |
 | Qazangöl, Göygöl |
 | Zəngəzur Milli Parkı |
Qazangöldağ (erm. Գազանալեր) — Azərbaycanın Ordubad rayonunda Azərbaycan-Ermənistan sərhədində yerləşən zirvə.
Coğrafiyası[redaktə | əsas redaktə]
Hündürlüyü 3829 m olan zirvə Kiçik Qafqaz dağlarının Zəngəzur dağ silsiləsində yerləşir.[1] Adı quruluşca mürəkkəb oronim[2] olan dağın şərq yamaclarında-Ermənistan ərazisində eyniadlı kiçik dağ gölü olan Qazangöl, qərb yamaclarında-Ordubad rayonu ərazisində isə Göygöl gölü yerləşir (hünd. 3829,2 m). Zəngəzur silsiləsinin suayırıcısinda zirvə. Nəsirvaz kəndindən 5 km-dək şimal-şərqdə, Nəsirvaz və Saqqarsu çaylarının mənbə hissəsindədir. Orta Eosenin yaşlı sönmüş vulkan boğazına cavab verən, aqlomerat və brekçiyavari andezit-porfirit lavalarından təşkil olunmuş, sıldırım yamaclı və kəskin parçalanmış piramidaya bənzər qayalıqdır. Tektonik cəhətdən Ordubad qarılma və Zəngəzur qalxma zonalarını ayıran Şərqi Ordubad dərinlik qırılması zonasında yerləşir. [3]
Həmçinin bax[redaktə | əsas redaktə]
İstinadlar[redaktə | əsas redaktə]
- ↑ 1,0 1,1 Qazangöldağ, Azerbaïdjan
- ↑ İbrahim Bayramov, «Qərbi Azərbaycanın türk mənşəli toponimləri», Bakı, "Elm", 2002.
- ↑ Qazangöldağ // Naxçıvan Ensiklopediyası / V.Y. Talıbov. — Təkmilləşdirilmiş və yenidən işlənmiş ikinci nəşr. — Naxçıvan: AMEA Naxçıvan bölməsi, 2005. — 2 cilddə. — I cild. — Səhifələrin sayı: 360. — Səh.: 596. — ISBN 5-8066-1468-9.
 Azərbaycanın dağ və zirvələri  | ||
|---|---|---|
| Böyük Qafqaz | Babadağ • Bazardüzü • Beşbarmaq • Gəmiqaya • Xınalıq |  |
| Kiçik Qafqaz | Alaqaya • Avey • Göyəzən • Keçəldağ • Kəpəz • Murovdağ • Qapıcıq • Gamışdağ • Şahdağ • İlandağ • Qazangöldağ • Küküdağ • Qırxqız | |
| Talış dağları | Gömürgöy • Qızyurdu | |
