Dəhnə dağı

Vikipediya, azad ensiklopediya
Jump to navigation Jump to search
Dəhnə dağı
Ümumi məlumatlar
Dağ sistemi Kiçik Qafqaz
Mütləq hündürlüyü 1154,2 m
Yerləşməsi
39°37′54″ şm. e. 44°49′57″ ş. u.
Ölkə Azərbaycan Azərbaycan
Rayon
Dəhnə dağı xəritədə
Dəhnə dağı
Dəhnə dağı

Dəhnə dağıŞərurSədərək rayonları sərhədində dağ (hünd. 1154,2 m). Naxçıvan dağarası çökəkliyinin şimal-qərbində,  Sədərək düzünün cənub-şərq kənarında, Araz çayının sol sahilində, Dəhnə-Vəlidağ tirəsinin cənub-qərb qurtaracağında zirvə. Dəmirçi kəndindən 8 km qərb-şimal-qərbdə, “Qurd qapısı” keçidindən 3 km cənub-qərbdədir. Zirvəsi Orta Devonun Eyfel mərtəbəsinə aid Qurdqapısı lay dəstəsinin, yamacları ondan yaşlı  Danzik lay dəstəsinin əhəngdaşı, qumdaşı, kvarsit, şist və argillitlərindən təşkil olunmuş yastı təpəli günbəzvari yüksəklikdir. Tektonik cəhətdən Naxçıvan qoyulma çökəkliyinin şimal-qərb qurtaracağında Şərur-Culfa qalxım zonasının Şərur seqmentinin gömülmüş cənub-qərb cinahında cavan çöküntülər altından yer səthinə çıxan Dəhnə-Vəlidağ qalxımının şimal-qərb qanadını mürəkkəbləşdirən ikincidərəcəli  Saraclıdağ sinklinalının nüvə hissəsində yerləşir. Yamaclarında şimal-qərbşimal-şərq istiqamətli fay və əks-fay qırılma pozulmaları izlənilir.   [1]

Həmçinin bax:[redaktə | əsas redaktə]

İstinadlar[redaktə | əsas redaktə]

  1. "Dəhnə dağı". Naxçıvan Ensiklopediyası. I (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V.Y. Talıbov. 2005. səh. 596. ISBN 5-8066-1468-9.