Qabaqdağ

Qabaqdağ
Ümumi məlumatlar
Dağ sistemi	Kiçik Qafqaz
Mütləq hündürlüyü	1719,5 m
Yerləşməsi
Ölkə	Azərbaycan
Rayon	Sədərək

Qabaqdağ – Sədərək rayonu ərazisində dağ (hünd. 1719,5 m). Dərələyəz silsiləsindən şimal-qərbə ayrılan Saraybulaq qolunun suayırıcısındakı Yağargədik yüksəkliyindən (2049,8 m) cənub-qərbə istiqamətlənmiş Ardıc şaxəsinin  suayırıcısında zirvə. Bağırsaqdərəsi çayının sol sahilində, Günnüt kəndindən 7,5 km cənubdadır. Üst Devonun Famen mərtəbəsinin alt yarımmərtəbəsinə  cavab verən eyniadlı lay dəstəsinin kvarsit və əhəngdaşılarından təşkil olunmuş hamar təpəli günbəzvari yüksəklikdir. Tektonik cəhətdən Şərur-Culfa qalxım zonasının Şərur seqmentinin şimal-qərb hissəsində izlənilən Münhbalaoğlu-Qabaqdağ sinklinalının nüvə hissəsində yerləşir.  Yamaclarından müxtəlif istiqamətli fay, fay-yerdəyişmə  və əks-fay qırılmaları keçir.

Həmçinin bax

• Abdal (dağ)
• Xarxat dağı
• Elti dağı
• Ağaverdi dağı