Qoçuludağ

Vikipediya, açıq ensiklopediya
Jump to navigation Jump to search

Qoçuludağ
Ölkə Azərbaycan Azərbaycan
VilayətŞərur
Dağ sistemiKiçik Qafqaz
Zirvə hündürlüyü1676 m
Qoçuludağ (Qafqaz)

QoçuludağAzərbaycanın Şərur rayonu ərazisində dağ (hünd. 1676,8 m). Dərələyəz silsiləsinin şimal-qərb yamacında yerləşir. Günbəzvari formadadır. Faruq Sümərin məlumatına görə XVI əsrin sonu XVII əsrin əvvəllərində Qoçulu Ustaclı oymağının obalarından biri idi.[1]

Dərələyəz silsiləsinin suayırıcısındakı Qaraquş yüksəkliyindən (hünd. 2600,5 m) qərbə ayrılan Rəmlər qolunun qurtaracağında zirvə. Tənənəm kəndindən 1 km şimal-şərqdədir. Üst Triasın Karni və Nori mərtəbələrinə aid Tənənəm lay dəstəsinin dolomit və əhəngdaşılarından təşkil olunmuş günbəzvari yüksəklikdir. Tektonik cəhətdən Şərur-Culfa qalxım zonasının Şərur seqmentinin cənub-şərq batım sahəsində müşahidə edilən Biləvə-Qoçuludağ sinklinalının nüvə hissəsində yerləşir. Qərb yamaclarından submeridional istiqamətli əks-fay üstəgəlmə qırılması keçir.

İstinadlar[redaktə | əsas redaktə]

  1. IV. Bölüm Şah Abbas Devri (995 – 1037 = 1587 – 1628). A — Büyük Oymaklar. 2 — Ustacalu. e) Koçulu, sayfa 162, 166.// Safevi Devletinin Kuruluşu ve Gelişmesinde Anadolu Türklerinin Rolü (Şah İsmail ile Halefleri ve Anadolu Türkleri). — Pr. Dr. Faruk Sümer. Selçuklu Tarih ve Medeniyeti Enstitüsü Yayınları, Tarih Dizisi No 2. Ankara: Güven Matbaası, 1976, 265 sayfa.

Ədəbiyyat[redaktə | əsas redaktə]

  • Naxçıvan Ensiklopediyası, AMEA, Bakı, 2002, 596 səh.