Pişikdırnağı dağı

Vikipediya, azad ensiklopediya
(Pişikdırnağı səhifəsindən istiqamətləndirilmişdir)
Jump to navigation Jump to search

Pişikdırnağı
Ölkə Azərbaycan Azərbaycan
VilayətCulfa rayonu
Dağ sistemiKiçik Qafqaz
Zirvə hündürlüyü808,7 m
Pişikdırnağı dağı (Qafqaz)

Pişikdırnağı və ya PişikdərəsiNaxçıvan Muxtar Respublikasının Culfa rayonu ərazisində dağ. Arazın sol sahilindəki şimal-qərb istiqamətli alçaq tirənin suayrıcında, Arazkənddən 3,5 km qərbdədir (hünd. 808,7 m). Zəngəzur silsiləsindən cənub-qərbə ayrılan Dəmirlidağ-Göydağ qolunun cənub istiqamətli Gəvək şaxəsinin qurtaracağında, onun cənub-qərb yamacında təcrid olunmuş zirvədir. Araz çayının sol sahilində, Yaycı kəndindən 4 km-dək şərqdədir. Üst Paleosenin ZelandTanet mərtəbələrinə aid TürkeşOrdubad lay dəstələrinin terrigen-çökmə süxurlarından təşkil olunmuş günbəzvari yüksəklikdir. Tektonik cəhətdən Ordubad qarılma zonasının Paradaş seqmentinin cənub-qərb cinahına aid Darıdağ-Aza qalxımının şimal-şərq qurtaracağında, onun strukturunda iştirak edən ikincidərəcəli Dikdaş-Dəstə antiklinalının cənub-qərb qanadında yerləşir.[1]

Həmçinin bax:[redaktə | əsas redaktə]

İstinadlar[redaktə | əsas redaktə]

  1. "Pişikdırnağı dağı". Naxçıvan Ensiklopediyası. I (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V.Y. Talıbov. 2005. səh. 596. ISBN 5-8066-1468-9.