Qarovulxana dağı (Şahbuz)

Vikipediya, azad ensiklopediya
Jump to navigation Jump to search

Qarovulxana dağı
Ölkə Azərbaycan Azərbaycan
VilayətŞahbuz rayonu
Dağ sistemiKiçik Qafqaz
Zirvə hündürlüyü1840,8 m
Qarovulxana dağı (Şahbuz) (Qafqaz)

Qarovulxana dağı – Şahbuz rayonu ərazisində dağ (hünd. 1840,8 m).   Dərələyaz silsiləsinin suayırıcısındakı Səngər yüksəkliyindən (2915,8 m) cənuba ayrılan Qabaxtəpə qolunun cənub-qərb istiqamətli eyniadlı şaxəsində zirvə. Badamlı kəndindən   1,2  km  şimal-qərbdədir. Orta Eosenin Lütet mərtəbəsinin üst hissəsinə aid Biləv lay dəstəsinin vulkanogen-çökmə süxurlarından təşkil olunmuş,  yamacları erozion dərələrlə yarılmış günbəzvari yüksəklikdir. Tektonik cəhətdən Ordubad qarılma zonasının Şahbuz seqmentində, onun Nursu mərkəzi əyilməsinin strukturuna aid Nursu-Qabaqtəpə sinklinalının geniş cənub-qərb qanadında yerləşir. Yamacından şimal-şərqşimal-qərb istiqamətli fay və fay-yerdəyişmə qırılmaları keçir.[1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Qarovulxana dağı (Şahbuz)". Naxçıvan Ensiklopediyası. I (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V.Y. Talıbov. 2005. səh. 596. ISBN 5-8066-1468-9.