Həzrə (Qusar)

Kənd Həzrə Qusar rayonu Ölkə AzərbaycanAzərbaycan Rayon Qusar rayonu Koordinatlar 41°30′45″N 48°15′17″E Əhalisi 1.356 Saat qurşağı UTC+04:00 Xəritəni aç/bağla

Həzrə — Azərbaycan Respublikasının Qusar rayonunun inzibati ərazi vahidində kənd.

Tarixi

• Kənd 1999-cu ildə yaradılmışdır.

Coğrafiyası

• Həzrə sovetliyinin mərkəzi. Rayon mərkəzindən 24 km şimal-qərbdə, Qusar maili düzənliyindədir.

Toponimikası

• Həzrə oyk, sadə.
• Qəbələ r-nunun Vəndam i.ə.v.-də kənd. Alazan-Əyriçay çökəkliyindədir. Keçmiş adı Vəndam Həzrəsi olmuşdur. Kənddə yerli əhalinin Övliya türbələri adlandırdığı, XIV əsrə aid müqəddəs hesab edilən Şeyx Bədrəddin və Şeyx Mənsur türbələri var. Kəndin adı həmin türbələrlə bağlıdır. Ərəb dilində həzr "ocaq, pir" deməkdir;
• Qusar r-nunun eyniadlı i.ə.v.-də kənd. Qusar maili düzənliyindədir. Keçmiş adı Quryan olmuşdur. Yaşayış məntəqəsinin adı ərəb dilindəki həzr (ocaq, pir) sözü ilə bağlıdır. Oykonim kəndin ərazisindəki məscidlə və bu məsciddə dəfn edilmiş Şeyx Cüneydin qəbri ilə əlaqədardır. Qızılbaş tayfalarına arxalanan Şeyx Cüneyd (1447-60) "din uğrunda mübarizə" şüarı ilə Dağıstana hərbi yürüşlər təşkil edirdi. 1460-cı ildə Samur çayı sahilində, bu kəndin yerində Şirvanşah I Xəlilullahın (1417-62) qoşunları onu məğlub etdi, Şeyx öldürüldü. Şiələr Şeyx Cüneydi orada dəfn etdilər. Səfəvilər hakimiyyətə keçdikdən sonra 1544-cü ildə Şeyx Cüneydin qəbri üstündə məscid tikdirmişdilər. Sonralar Səfəvi I Təhmasibin (1524-76) orada saldığı kənd də Həzrə adlandırılmışdı.

Əhalisi

• 2009-cu ilin siyahıyaalınmasına əsasən kəndə 1454 nəfər əhali yaşayır.

Abidələri

• Arxeoloji abidələrdən e.ə. I minilliyə aid kurqan var. Memarlıq abidələrindən Şeyx Cüneyd türbəsi mühafizə olunmuşdur.

Həmçinin bax

• Qusar rayonu

Xarici keçidlər

• Azərbaycan Respublikası Qusar Rayon İcra Hakimiyyəti