Qarabağ (qəzet, 1990)
| Qarabağ | |
|---|---|
| Növ | müstəqil qəzet |
| Format | A3 |
| Təsisçi | Redaksiyanın yaradıcı kollektivi |
| Baş redaktor | Çingiz Tofiqoğlu |
| Yaranma tarixi | İyul 1990 |
| Dil | Azərbaycan dilində |
| Qiymət | 40 qəpik |
| Səhifə | 16 |
| Ünvan |
Bakı ş. Mətbuat pr. 529-cu məhəllə "Azərbaycan" nəşriyyatı 3-ci mərtəbə 65-ci otaq Tel: (+99412) 510-56-22 Mob: (+994) 50-333-60-80 |
| Tiraj | 1500 |
Qarabağ — Azərbaycanda nəşr edilən müstəqil qəzet.
Tarixi[redaktə | mənbəni redaktə et]
"Qarabağ" qəzetinin ilk sayı 1990-cı ilin iyul ayında işıq üzü görmüşdür. Qəzet həmin ildə Azərbaycan KP MK Bürosunun qərarı ilə Dağlıq Qarabağ üzrə Respublika Təşkilat Komitəsinin orqanı olaraq həftəlik qəzet kimi təsis edilmişdir. Lakin az sonra - 1991-ci ilin noyabr ayında qəzetin yaradıcı kollektivi həmin təşkilatın fəaliyyətinin milli maraqlara zidd olduğunu nəzərə alıb onun təsisçiliyindən imtina etmiş müstəqil qəzet kimi nəşr olunmuşdur.
1993-cü ildən məlum hadisələrdən sonra "Qarabağ" qəzeti Bakıda nəşr olunur.
"Qarabağ" qəzetinin baş redaktoru Çingiz Tofiqoğlu, məsul katibi isə Samir Məmmədovdur. Qəzetin təsisçisi redaksiyanın yaradıcı kollektividir.
"Qarabağ" qəzeti redaksiyanın kompüter mərkəzində yığılır, səhifələnir və "Azərbaycan" nəşriyyatında çap olunur.
Fəaliyyəti[redaktə | mənbəni redaktə et]
“Qarabağ” qəzeti fəaliyyətə başladığı gündən hər zaman öz səhifələrində ermənilərin əlilə xalqımızın başına gətirilən müsibətlərdən, erməni vandalizmindən, qeyrətli vətən övladlarımızın qəhramanlıqlarından, torpaqlarımızın uğrunda şəhid olmuş Azərbaycanın qeyrətli oğul və qızlarından söhbət açır. Qarabağ həqiqətlərinin dünya ictimaiyyətinə çatdırılmasında müstəsna rol oynayan qəzetin arxivində Qarabağ müharibəsinin xronoloji tarixi bu gün də qorunmaqdadır.
Qəzetin səhifələrində Qarabağın tarixinə, maddi-mədəniyyət abidələrinə, tarixi şəxsiyyətlərinə, görkəmli elm, mədəniyyət xadimlərinə aid maraqlı məqalələr nəşr edilir.
Qəzetin səhifələrində məcburi köçkün həyatı yaşayan insanların həyatına aid yazılara da yer verilir.
Qəzet öz səhifələrində analitik yazılara da yer ayırır.
Mənbə[redaktə | mənbəni redaktə et]
- "Qarabağ" qəzeti
