Yeni füyuzat (jurnal)

Vikipediya, azad ensiklopediya
Jump to navigation Jump to search
Yeni füyuzat
یئنی فیوضات
"Yeni füyüzat" məcmüsəsinin 2 noyabr 1910-cu il tarixli 3-cü nömrəsi.
"Yeni füyüzat" məcmüsəsinin 2 noyabr 1910-cu il tarixli 3-cü nömrəsi.
Baş redaktor Əhməd Kamal bəy
Növ ədəbi və ictimai jurnal
Təsisçi Əlipaşa Hüseynzadə
Təsis tarixi 18 oktyabr 1910
Qərargah Bakı şəhəri
Dil azərbaycanca

"Yeni füyuzat" — həftəlik ictimai-siyasi, ədəbi, şəkilli jurnal. 1910 il oktyabrın 18-dən 1911 il martın 15-dək Bakıda Azərbaycan dilində nəşr edilmişdir. Cəmi 21 nömrəsi çıxmışdır.[1]

Haqqında[redaktə | mənbəni redaktə et]

"Yeni füyuzat" 1910–1911-ci illərdə Bakıda Azərbaycan dilində nəşr edilən həftəlik ədəbi, siyasi, ictimai illüstrasiyalı jurnal. Jurnalın naşiri və məsul redaktoru Əlipaşa Hüseynzadə (Səbur), baş redaktoru Əhməd Kamal idi. Jurnal Azərbaycan milli burjuaziyasının mənafeyinə xidmət edirdi. "Yeni füyuzat"ın səhifələrində M.Ə.Sabir, Ə.Qəmküsar, A.Şaiq, Ə.Kamal, Ə.Münzib, Axund Yusif Talıbzadə, Ə.Hüseynzadə, Namiq Kamal, Əli Mişan, Məhəmmədsadıq Axundov, Ə.Səbri və başqalarının bədii və publisist yazıları dərc olunmuşdur. 1911-ci il martın 19-da naşirin və baş redaktorun evində axtarış aparılmış, naşir və məsul redaktor Əlipaşa Hüseynzadə Həştərxana sürgün olunmuş, baş redaktor Əhməd Kamal isə Rusiya hüdudlarından çıxarılıb vətəni Türkiyəyə göndərilmiş, bununla da "Yeni füyuzat"ın fəaliyyəti dayandırılmışdı.[2]

2010-cu ildə jurnalın bütün materialları transliterasiya edilərək kitab halında nəşr edilmişdir (bax: "Yeni füyuzat" jurnalı (1910-1911-ci illər). Çapa hazırlayan və ön sözün müəllifi Hüseyn Həşimli. Bakı: Elm və təhsil, 2010, 448 səh.).

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. "Yeni füyuzat"ın yeni həyatı. "Yeni füyuzat" jurnalı (1910-1911-ci illər). Çapa hazırlayan və ön sözün müəllifi Hüseyn Həşimli. Bakı: Elm və təhsil, 2010, səh. 4
  2. "Yeni Füyuzat // Azərbaycan Prezidentinin İşlər İdarəsinin Siyasi Sənədlər Arxivi". 2022-03-31 tarixində arxivləşdirilib. İstifadə tarixi: 2018-05-09.