Bakı Xəbər (qəzet)

Vikipediya, azad ensiklopediya
Jump to navigation Jump to search

Bakı-Xəbər - Gündəlik ictimai siyasi-qəzet.[redaktə | əsas redaktə]


“Bakı-Xəbər” qəzeti, Baki-xeber.com, Bakı-Xəbər TV...[redaktə | əsas redaktə]

“Bakı-Xəbər” 2003-cü il sentyabrın 4-dən Azərbaycanın paytaxtı Bakı şəhərində çap olunmağa başlamış gündəlik ictimai-siyasi, analitik qəzetdir. 2004-2005-ci illərdə öz dövriliyini artıraraq həftədə hətta yeddi dəfə çap olunsa da, hazırda həftədə beş dəfə fasiləsiz çap olunan az sayda Azərbaycan qəzetlərindən biridir. Qəzet 2003-cü ilin avqustunda və 2005 ci il mayın 15-də Azərbaycan Respublikası Ədliyyə Nazirliyi Hüquqi Şəxslərin Dövlət Qeydiyyatı üzrə Bakı Bölgə Şöbəsi tərəfindən Məhdud Məsuliyyətli Cəmiyyət (MMC) kimi, 2014-cü il mayın 6-da və 2016-cı il dekabrın 28-də isə redaksiyanın hüquqi ünvanının dəyişilməsi ilə əlaqədar Azərbaycan Respublikası Vergilər Nazirliyi yanında Bakı Vergilər Departamentinin Kommersiya Hüquqi Şəxslərin Dövlət Qeydiyyatı İdarəsi tərəfindən MMC kimi qeydiyyata alınıb. Azərbaycan dövlət büdcəsinə vergi ödəyicisidir.


Təsisçi və baş redaktor[redaktə | əsas redaktə]

“Bakı-Xəbər”in təsisçisi və baş redaktoru tanınmış ictimai-siyasi xadim Aydın Alqulu oğlu Quliyevdir. Aydın Quliyev 1960-cı ildə Naxçıvanda anadan olub, Azərbaycan Dövlət Universitetinin tarix fakültəsini fərqlənmə diplomu ilə bitirib. Azətbaycanda Milli Azadlıq Hərəkatının və 1988-ci ilin noyabrında Naxçıvanda erməni təcavüzü əleyhinə ilk xalq mitinqlərinin fəal işturakçılarından olub. 1997-ci ilədək Naxçıvan Elmi -Texniki İnformasiya və Təbliğat Mərkəzində, Naxçıvan Dövlət Pedaqoji Universitetində və Naxçıvan Ali Məclisində müxtəlif vəzifələrdə işləyib.1990-cı ildən başlayaraq "Ağrıdağ", "Ordubadın səsi", "Ülfət", "İki sahil", "Rezonans", "525-ci qəzet" kimi Azərbaycan və Naxçıvan miqyaslı mətbuat orqanlarında siyasi-publisustik və analitik məzmunlu məqalələrlə çıxış edib. Jurnalistika sahəsində 30 ilə yaxın təcrübəsi olan Aydın Quliyev 2001-ci ildən "hürriyyət" qəzetinə rəhbərlik edib, 2003-cü ildən isə “Bakı-Xəbər" qəzetində baş redaktor kimi çalışır. Azərbaycan Mətbuat Şurası İdarə Heyətinin üzvüdür. Politoloq və siyasi şərhçi kimi də tanınır. Azərbaycanda müstəqillik dövrünün ictimai-siyasi prosesləri barədə bir neçə kitabın və çoxsaylı analitik məqalələrin müəllifidir.


Qəzetin yaranma tarixi[redaktə | əsas redaktə]

“Bakı-Xəbər” qəzeti 2003-cü ildə rəsmi şəkildə müstəqil qəzet kimi təsis olunsa da, formal olaraq müxalif partiya qəzeti kimi fəaliyyətə başlayıb. 2007-ci il sentyabrın 4-dən siyasi partiyalı kursdan siyasi təmayülsüz müstəqil qəzet mövqeyinə keçid edib. Beləliklə, “Bakı-Xəbər”in tarixi 2003-2007 və 2007-ci ildən sonrakı mərhələni əhatə etməklə iki dövrdən ibarətdir. Birinci mərhələdə partiyalı qəzet, ikinci mərhələdə isə müstəqil, təmayülsüz cari informasiyalar və analitik xəbərlər istehsal edən və yayan orqan kimi fəaliyyət göstərir. “Bakı-Xəbər” redaksiyasında uzun illər boyu çalışmış çoxsaylı istedadlı jurnalistlər nəsli yetişib. Hazırda da özlərini qürurla “Bakı-Xəbər” yaradıcıllq məktəbinin yetirmələri sayan bu yaradıcı insanlar müxtəlif media orqanlarına uğurla rəhbərlik edirlər. Öz tarixi ərzində “Bakı-Xəbər” qəzeti Azərbaycan Mətbuat Şurasının, ictimai təşkilatların, QHT və siyasi partiyaların xeyli sayda mükafat və təltiflərinə layiq görülüb. “Demokratiya, güclü iqtisadiyyat Dağlıq Qarabağın açarıdır” devizini dəyişmir. “Bakı-Xəbər”in oxucu və izləyicilər auditoriyası əsasən yaradıcı ziyalılar, elm, təhsil, səhiyyə sahəsi və dövlət - siyasi elita təmsilçilərindən ibarətdir.


Fəaliyyətin genişlənməsi...[redaktə | əsas redaktə]

“Bakı-Xəbər” qəzeti bir sıra keyfiyyət yenilikləri ilə xarakterizə olunan inkişaf yolu keçib. Qəzetin online yenilənən saytı (baki-xeber.com), facebook, twitter, instaqram səhifələri, sosial şəbəkələr üzərindən yayımlanan televiziyası fəaliyyət göstərir. Qəzet hazırda cari xəbərlərin hazırlanması və yayımı ilə yanaşı olaraq, daha böyük üstünlüyü analitik iqtisadi, siyasi, sosial və beynəlxalq kontentlərə verir.


Beynəlxalq media inteqrasiya proseslərində iştirakı...[redaktə | əsas redaktə]

“Bakı-Xəbər” beynəlxalq media inteqrasiya proseslərindən də kənarda qalmır. Çoxsaylı beynəlxalq media konfranslarında, görüş və müzakirələrdə, səfərlərdə təmsil olunub. Azərbaycan Mətbuat Şurasının üzvüdür.


Ünvanı və telefonu[redaktə | əsas redaktə]

Azərbaycan, Bakı şəhəri, Mətbuat prospekti 529-cu məhəllə, Azərbaycan Nəşriyyatı, VI mərtəbə

Tel.: +994-12-510-87-4; +994-12-510-87-39; +994-12-510-87-38.