Qudyalçay

Vikipediya, azad ensiklopediya
Naviqasiyaya keçin Axtarışa keçin
Qudyalçay
Ölkə  Azərbaycan
Keçdiyi ərazilər Quba, Xaçmaz
Mənbəyi Böyük Qafqaz
Mənsəbi Xəzər dənizi
Uzunluğu 108 km
Su hövzəsi Xəzər dənizi
Hövzəsinin sahəsi 799 km²
Vikianbarın loqosu Vikianbarda əlaqəli mediafayllar
Azərbaycanın poçt markası üzərində Qudyalçay körpüsü

Qudyalçay — Azərbaycanda çay. QubaXaçmaz rayonları ərazisindən axıb Xəzər dənizinə tökülür.

Ümumi məlumat[redaktə | mənbəni redaktə et]

Uzunluğu 108 km, hövzəsinin sahəsi 799 km²-dir. Başlanğıcını Böyük Qafqaz silsiləsindəki Tufan dağının şimal yamacından (3000m) alır. Dağlıq sahədə çaya, soldan Doqquzul (uzunluğu 12 km), sağdan isə Ağçay (uzunluğu 24 km), qovuşur. Quba şəhərindən aşağı çay iki qola ayrılır: sağ qolu Qudyal, sol qolu isə Qimil adlanır.

Qudyalçay üzərində körpü

Axımının əsas hissəsi qar suları hesabına əmələ gəlir: 50%-ni qar, 32%-ni yeraltı, 18%-ni isə yağış suları təşkil edir. Qar suyu hesabına çayda aprel-iyul aylarında böyük daşqınlar əmələ gəlir. Bu dövrdə illik axımının 60-75%-i keçir. Orta illik su sərfi 6,85 kub m/san-dir. İllik axımın 26%-i yazda, 41%-i yayda, 21%-i payızda, 12%-i isə qışda keçir. Orta illik asılı gətirmələr sərfi 21.9 kq/san, lillənməsi isə 3200 q/kub m-dir. Suyu hidrokabonatlı-kalsiumlu olmaqla 300 mq/l minerallaşmaya malikdir.

Qudyalçayın aşağı axımından suvarma işlərində geniş istifadə olunur. Bundan başqa suyun bir qismi Samur-Abşeron su kanalına axıdılır. Quba şəhəri yaxınlığında çayın üzərində HES qurulmuşdur.[1]

Həmçinin bax[redaktə | mənbəni redaktə et]

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. "Xəzər dənizinə axan çaylar". AZƏRBAYCAN ÇAYLARI. 2006-09-22 tarixində arxivləşdirilib. İstifadə tarixi: 2007-10-05.

Xarici keçidlər[redaktə | mənbəni redaktə et]