Rüfət İsmayıl

Vikipediya, azad ensiklopediya
Naviqasiyaya keç Axtarışa keç
Rüfət İsmayılov ilə səhv salmayın.
Rüfət İsmayıl
Doğum tarixi 2 fevral 1981(1981-02-02) (43 yaş)
Doğum yeri
Milliyyəti azərbaycanlı
Təhsili Azərbaycan Ali Diplomatiya Kolleci
Höte Universiteti
Esmod Vakko Tasarım Okulu
Fəaliyyəti dəb dizayneri, iş adamı
afffair.com/site

Rüfət Əli oğlu İsmayılov, daha çox Rüfət İsmayıl olaraq tanınır (2 fevral 1981, Bakı) — Azərbaycan modelyeri, modeli,[1][2] sahibkarı, biznesmeni. Beynəlxalq arenada Türkiyə və Azərbaycanın rəsmi moda elçisi olan Rüfət İsmayıl "AFFFAİR" tekstil şirkətinin qurucusu, "AFFFAİR" brendinin yaradıcısıdır. O, ilk və Azərbaycan dizayneridir ki, kolleksiyaları Dubay, İstanbul, Tehran, Beyrut, Nyu-York, Florensiya və Buxarest moda həftələrində nümayiş etdirilmişdir.[3][4]

Erkən illəri və təhsili

[redaktə | mənbəni redaktə et]

Rüfət Əli oğlu İsmayılov 2 fevral 1981-ci ildə Azərbaycan SSR-nin paytaxtı Bakı şəhərində, Əli İsmayılov və Dilbər Topçubaşovanın ailəsində anadan olmuşdur.[5] Nigar Topçubaşovanın qardaşıdır. Rüfət İsmayıl 1986–1996-cı illərdə Bakı şəhəri Nərimanov rayonu 20 saylı orta ümumtəhsil məktəbinin 10 sinfini bitirmiş, eyni zamanda 1987–1995-ci illərdə Nərimanov rayonu 16 saylı Musiqi Məktəbində musiqi təhsili almış, fortepiano üzrə 8-ci sinfini bitirmişdir. O, 1994-cü ildə Osman Mirzəyev adına Jurnalistika kursuna da yazılaraq, oranı da fərqlənmə diplomu ilə bitirmişdir. 1996–2001-ci illərdə Azərbaycan Ali Diplomatiya Kollecinin Beynəlxalq Əlaqələr fakutəsindən məzun olmuş, 2002–2007-ci illərdə Almaniyanın Höte Universitetinin Beynəlxalq Əlaqələr fakültəsini bitirmişdir. Rüfət İsmayıl həmçinin, 2013–2014-cü illərdə Türkiyənin Esmod Vakko Tasarım Okulunda Tasarım və Modelist ixtisası üzrə təhsil almışdır. Azərbaycan, türk, rus, alman, flaman və ingilis dillərini bilir.

Fəaliyyəti

[redaktə | mənbəni redaktə et]

Moda

[redaktə | mənbəni redaktə et]

Rüfət İsmayıl 19 yaşında Niderlandın Amsterdam şəhərinə köçmüş, gənc yaşlarında Valentin Yudaşkin, Pako Raban və bir çox məşhur dizaynerlərlə çalışmağa başlamışdır.[5] O, yeniyetməlik illərində moda evlərində modellik etməyə başlamış, 2000-ci ildə Azərbaycanın "Ən Yaxşı Modeli" adına layiq görülmüşdür.[6] Rüfət İsmayıl 2014-cü ildə öz brendini yaratmaq qərarına gəlmiş, Milanda "Afffair.fff" kişi kolleksiyasını hazırlamışdır.[5] O, "AFFFAİR" tekstil şirkətinin qurucusu, "AFFFAİR" brendinin yaradıcısıdır.[7][8] Rüfət İsmayıl Türkiyənin İstanbul şəhərində yaşayır,[6][9] Türkiyənin "ən yaxşı dizayneri" adına layiq görülmüşdür.[5] Rüfət İsmayılın kolleksiyası "Pitti Uomo" sərgisində də təqdim olunmuşdur. 2019-cu ildə Rumıniyanın "Fashion TV" kanalı onu Avropanın ən yaxşı dizayneri hesab etmişdir.[3] Onun yaratdığı moda kolleksiyaları dünyanın aparıcı moda nəşrlərində, o cümlədən İtaliyanın "Vogue" jurnalında yer almışdır.[10] 2019-cu ildə "Men's Health" kişi jurnalının siması olan ilk azərbaycanlı kimi tarixə düşmüşdür.[11] Həmin ilin fevralında dizaynerin "Kəpənək Effekti" adlı kolleksiyası Nyu-Yorkda nümayiş olunmuş,[12] həmçinin Nyu York Moda Həftəsində özünün "Afffair Khari Bulbul flower" kolleksiyasını təqdim etmişdir.[13]

Rüfət İsmayıl həmin ilin sentyabrında türkiyəli aktrisa Nəbahat Çehrə ilə yeni kolleksiyasını təqdim etmişdir.[10] Həmçinin o, eyni il Türkiyənin "Star TV" telekanalında yayımlanan "Menajerimi Ara" serialında yer almışdır.[14] Onun "AFFFAİR" brendinin 2020–2021-ci il payız/qış mövsümünə aid kolleksiyası Parisdə moda həftəsində təqdim edilmişdir. Koronavirus təhlükəsinə görə Dubayda "Fashion Forward" moda həftəsində Rüfət İsmayılın kolleksiyası rəqəmsal formatda təqdim edilmişdir. 10–15 aprel tarixlərində isə Londonda təqdimatı olmuşdur.[15] 2021-ci ilin oktyabrında onun Azərbaycan xalçalarına, mədəniyyəti və İkinci Qarabağ müharibəsində qələbəsinə həsr etdiyi "Sumax" adlanan "Haute Couture" kolleksiyası Parisdə təqdim edilmişdir.[6] Heydər Əliyev Fondunun və Diasporla İş üzrə Dövlət Komitəsinin dəstəyi ilə həyata keçirilən "Sumax" kolleksiyasına Çələbi, Xanlıq, Nəlbəki-gül naxışları və Azərbaycan xalçalarının zəngin motivləri əsasında hazırlanan 21 geyim daxildir.[16]

Rüfət İsmayılovun ulduz alıcıları arasında Beyons, Cennifer Lopez, Paris Hilton, Ariana Qrande, Lil Kim, Cordana Hyuston, Alan Tapiqliana, Aşanti, Dua Lipa, Loren Xureqi, Kristina Agilera və başqalarını var.[17][18] O, Azərbaycanda əsasən Aygün Kazımova ilə əməkdaşlıq edərək onun üçün libaslar hazırlayır.[3][19] Bundan ələvə olaraq, Rüfət İsmayıl Azərbaycanın Birinci vitse-prezidenti Mehriban Əliyeva üçün geyimlər dizayn etmişdir.[20] Aşanti və "Inas X" LXI "Qremmi" mükafatlarında Rüfət İsmayılın dizayn etdiyi libasda iştirak etmişlər.[21] Azərbaycan təmsilçisi Samirə Əfəndinin 2021 Avroviziya Mahnı Müsabiqəsi səhnəsində çıxışı üçün nəzərdə tutulan geyiminin dizayneri olmuşdur.[19]

Digər

[redaktə | mənbəni redaktə et]

Rüfət İsmayıl 2020-ci ildə Azərbaycanda koronavirus pandemiyasına qarşı olan mübarizəyə qoşulmaq məqsədilə "LoveLife" adlı aksiyaya start vermişdir.[22]

İstinadlar

[redaktə | mənbəni redaktə et]
  1. ↑ "Afffair's glamorous spring '19 styles". amsterdamnews.com. amsterdamnews.com. 2019-07-06 tarixində arxivləşdirilib. İstifadə tarixi: 6 iyul 2019.
  2. ↑ ""Эффект бабочки" азербайджанского дизайнера произвел фурор в Нью-Йорке". sputniknews.ru. sputniknews.ru. 2019-07-06 tarixində arxivləşdirilib. İstifadə tarixi: 6 iyul 2019.
  3. ↑ 1 2 3 "Modelyer Rüfət İsmayıl yenə fərqlənməyi bacardı". Operativ 24 (az.). 25 iyun 2019. 2022-03-10 tarixində arxivləşdirilib. İstifadə tarixi: 10 mart 2022.
  4. ↑ "RÜFƏT İSMAYIL EFENDİ İLƏ ÇALIŞACAQ – QİYMƏTLİ DAŞLARDAN GEYİM". 12Xal (az.). 5 may 2021. 10 March 2022 tarixində arxivləşdirilib. İstifadə tarixi: 10 mart 2022.
  5. ↑ 1 2 3 4 Zəhra, Aytən. "Xaricdə yaşayan məşhur azərbaycanlılar - FOTOLAR (II HİSSƏ)". AzVision (az.). 25 noyabr 2019. 2022-03-10 tarixində arxivləşdirilib. İstifadə tarixi: 10 mart 2022.
  6. ↑ 1 2 3 Ağalarova, Şəhla. "Rüfət İsmayıl: "Sumax" kolleksiyasını ölkəmizin qələbəsinə həsr edirəm VİDEO". Azərbaycan Dövlət İnformasiya Agentliyi (az.). 4 oktyabr 2021. 2022-03-10 tarixində arxivləşdirilib. İstifadə tarixi: 10 mart 2022.
  7. ↑ "Dünya şöhrətli azərbaycanlı dizayner çılpaq xanımlarla - FOTO". Baku WS İnformasiya Agentliyi (az.). 2022-03-10 tarixində arxivləşdirilib. İstifadə tarixi: 10 mart 2022.
  8. ↑ "Afffair Runway New York Fashion Week:". Nargis Magazine (ingilis). 8 sentyabr 2018. 2022-03-12 tarixində arxivləşdirilib. İstifadə tarixi: 10 mart 2022.
  9. ↑ "Xaricdə yaşayan azərbaycanlılar ordumuza dəstək nümayiş etdirirlər". Ədalət (az.). 29 sentyabr 2020. 2022-03-10 tarixində arxivləşdirilib. İstifadə tarixi: 10 mart 2022.
  10. ↑ 1 2 İsmayılova, Ləman. "Rufat Ismayil presents new collection [PHOTO]". AzerNews (ingilis). 8 sentyabr 2020. 2022-03-10 tarixində arxivləşdirilib. İstifadə tarixi: 10 mart 2022.
  11. ↑ "Rüfət İsmayıl məşhur jurnalın siması oldu". Qafqazinfo (az.). 2022-03-10 tarixində arxivləşdirilib. İstifadə tarixi: 10 mart 2022.
  12. ↑ "Günay Musayeva Rüfət İsmayıl üçün ARIQLADI". Ölkə.az (az.). 6 fevral 2019. 2022-03-10 tarixində arxivləşdirilib. İstifadə tarixi: 10 mart 2022.
  13. ↑ "Rufat Ismayil Kicks Off NYFW With The Khari Bulbul Flower Of Karabakh, Azerbaijan". Turkish Journal (ingilis). 6 sentyabr 2019. 2022-03-10 tarixində arxivləşdirilib. İstifadə tarixi: 12 mart 2022.
  14. ↑ Həsənova, Rəqsanə. "Rüfət İsmayıl "Menejaremi ara" serialında... - Video". Teleqraf (az.). 15 dekabr 2020. 2022-03-10 tarixində arxivləşdirilib. İstifadə tarixi: 10 mart 2022.
  15. ↑ "Rüfət İsmayıl Paris Moda Həftəsində". Kreativ Azərbaycan (az.). 10 mart 2020. 2022-03-10 tarixində arxivləşdirilib. İstifadə tarixi: 10 mart 2022.
  16. ↑ Gülməmmədova, Ülviyyə. "Azərbaycanlı modelyer Parisdə "Sumax"la parladı". Sputnik (az.). 3 oktyabr 2021. 2022-03-10 tarixində arxivləşdirilib. İstifadə tarixi: 10 mart 2022.
  17. ↑ Doğan, Dilara. "Modacı Rufat İsmayil: Dünya starları tasarımcıların hakkını veriyor. Türk starları bedava giyinmenin derdinde". Posta (türk). 3 oktyabr 2020. 2022-03-12 tarixində arxivləşdirilib. İstifadə tarixi: 13 mart 2022.
  18. ↑ Vişnevetski, Feliks. "Кристина Агилера снялась для Vogue в платье от азербайджанского дизайнера - ФОТО". 1News (az.). 14 mart 2022. 2022-03-16 tarixində arxivləşdirilib. İstifadə tarixi: 16 mart 2022.
  19. ↑ 1 2 ""Avroviziya-2021"dəki təmsilçimizin geyimi məşhur modelyerə həvalə olundu". Modern.az (az.). 5 may 2021. 10 March 2022 tarixində arxivləşdirilib. İstifadə tarixi: 10 mart 2022.
  20. ↑ "Mehriban Əliyeva Rüfət İsmayılın kolleksiyasından geyindi - Foto". Xalq Xəbər (az.). 26 may 2017. 10 March 2022 tarixində arxivləşdirilib. İstifadə tarixi: 10 mart 2022.
  21. ↑ "Grammy'de Türk Modacı Rufat İsmayil İmzası". Türkiye Haber Ajansı (türk). 11 fevral 2019. 2022-03-12 tarixində arxivləşdirilib. İstifadə tarixi: 13 mart 2022.
  22. ↑ ""Həyatı sev" beynəlxalq xeyriyyə layihəsi başladı". Azərbaycan Respublikası Mədəniyyət Nazirliyi (az.). 15 aprel 2020. 2022-03-10 tarixində arxivləşdirilib. İstifadə tarixi: 10 mart 2022.

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Rüfət_İsmayıl&oldid=7099287"