Mumiya (film, 1932)

Vikipediya, açıq ensiklopediya
Keçid et: naviqasiya, axtar
Mumiya
The Mummy 1932 film poster.jpg
Orijinal ad: ing. The Mummy
Rejissor: Karl Froynd
Ssenari müəllifi: Nina Uilkoks Patnem
Riçard Şayer
Con L. Bolderston
Prodüser: Kar Lemple-kiçik
Rollarda: Boris Karloff
Zita Yohann
Devid Menners
Artur Bayron
Edvard Van Sloun
İlk baxış tarixi: Macəra
Döyüş
Triller
Qorxu
Fentezi
Komediya
Dil: İngilis dili
Ölkə: Flag of the United States.svg ABŞ
İstehsalçı qurum: Universal Studios
Vaxt: 73 dəqiqə
İl: 1932
0023245 IMDb səhifəsi

Mumiya (ing. The Mummy) - Karl Froynd tərəfindən çəkilən ABŞ filmidir.

Məzmun[redaktə]

1921-ci il. Britaniya muzeyinin Cozef Uemplin (Artur Bayron) başçılığı altında ekspedisiyası zamanı İmhotepin qəbri aşkar edilir. Cozef Uempl yanında assisent olan Ralf (Brembell Fletçer) Totun papirusundakı ilk yazını yazmağa başlayır. Əfsanəyə görə, bu yazı sayəsində İsida Osirisi diriltmişdir. Həmin yazının yarısını oxumaq İmhotepi canlandırmağa kifayət edir. İmhotep (Boris Karloff) adlı Antik Misir rahibi, arxeoloji qazıntıda mumiyasının olması əsnasında arkeoloqlardan birinin antik canlandırma tilsimini yüksək səslə oxuması nəticəsində yenidən canlanır. Totun əlyazmasını (papirusunu) alaraq arkeoloqlardan oğurlayaraq qaçmağı bacaran İmhotep, yaşadığı dövrdəki sevgilisi Şahzadə Anksenamun ruhunu taparaq Reinkarnasiya etmək üçün Qahirədə gəzməyə başlayır. Bu hadisədən Ralf dəli olacaq vəziyyətinə düşür.

İmhotep Ardat bəy cildində

1932-ci il. Britaniya muzeyi. Müasir bir Misirli arxeoloq olan Ardat bəy (İmhotep) arxeoloqlara Anksenamunun məzarını tapmaq üçün qazıntı lazım olan yeri göstərir. Məzarı tapan arxeoloqlar mumiyanı və xəzinələri Qahirə Misir Muzeyinə göndərirlər. İmhotep Anksunamunun tabutu yanında tilsimli sözlər deməyə başlayır. Bu zaman tilsimli sözlər Helenə təsir edir. Helen tilsim sayəsində Qahirə Misir Muzeyinə gəlir. Həmin müddətdə gözətçi Anksunamunun qəbri üzərində özgə bir şəxsiyyətin olduğunu görür. Gözətçi ondan papirusu almağı bacarır. Lakin onunla mübarizə apararaq ölür. Helen isə bura gələrək bağlı qapıları görür və huşsuz vəziyyətdə yerə uzanır. Papirus Cozef Uemplin əlinə keçir. Heleni isə Frenk və atası həkim Müller tapır. Helen ayılan zaman Frenki görür. Onlar bir-birinə aşiq olurlar.

Cozef Uempl bu papirusun nəyə qadir olduğunu 11 il əvvəl başa düşmüşdür. Bu səbəbdən Cozef Totun papirusunu yandırma istəyir. Lakin bu zaman Ardat bəyin tilsimi ilə üzləşir. Tilsim sayəsində Cozef həyatını itirir. Papirus yenidən Arda bəyin əlinə keçmişdir.

İmhotep şahzadəyə olduqca bənzəyən Helen Qrosvenor (Zita Yohann) adlı qadını görüncə, onunla evlənə bilmək üçün qadını mumiyalamağa cəhd edir. Buna görə də, Heleni qaçırmağa qərara gəlir. Frenk onun qarşısını almaq istəyir. Lakin tilsim nəticəsində ölümcül vəziyyətə düşür. Bu vəziyyətdən onu yalnız Tumar saxlayır. Atası Müller Frenkə deyir ki, İmhotep Heleni aparmalıdır. Ancaq bu zaman İmhotepin qaldğı yeri müəyyən etmək olar.

Bir neçə müddət keçdikdən sonra İmhotep Anksunamunun ruhunu azad etmək üçün onun ölüsünü yandırır. Helen isə ölmək istəmir. Lakin Ardat bəy onu öldürməlidir ki, Anksunamunu diriltsin. Bu zaman Frenk və atası Müller muzeyə girir. Tumar sayəsində onlara İmhotepin tilsimi təsir etmir. Keçmiş həyatlarını xatırlayaraq xilas olmaq üçün tanrı tərəfindən İsidaya yalvaran qadın sonunda ölümdən xilas olar. Bu dua ilə eyni zamanda İsida heykəlinə çıxan bir şüa, İmhotepə can verən tilsimini də yandıraraq yox edir. Beləcə, İmhotep bir sümük iliyinə çevrilir.

Xarici keçidlər[redaktə]