Balakişi bəy Ərəblinski

Vikipediya, azad ensiklopediya
Jump to navigation Jump to search
Balakişi bəy Ərəblinski
Ərəblinski Balakişi bəy Əli bəy oğlu
Arablinskiy Balakishi.jpg
Şəxsi məlumatlar
Doğum tarixi
Doğum yeri Tala, Car-Balakən camaatlığı
Vəfat tarixi
Vəfat yeri Dərbənd, Dağıstan vilayəti, Qafqaz canişinliyi, Rusiya imperiyası
Dəfn yeri
Vətəndaşlığı
Təhsili
  • Birinci Peterburq kadet korpusu[d]
Hərbi fəaliyyəti
Mənsubiyyəti Rusiya imperiyası
Rütbə general-leytenant
Döyüşlər
Təltifləri I dərəcəli Müqəddəs Stanislav ordeni I dərəcəli "Müqəddəs Anna" ordeni

Ərəblinski Balakişi bəy Əli bəy oğlu (1828-1902) — Rusiya İmperator Ordusunun zabiti, general-leytenant.

Həyatı[redaktə | mənbəni redaktə et]

Balakişi bəy Ərəblinski 1828-ci ildə Zaqatala mahalının Tala kəndində anadan olmuşdur. Mahal naibi Əli bəyin ailəsində böyüyən Balakişi bəy Sankt-Peterburqdakı birinci dərəcəli kadet korpusunu 1848-ci ildə müvəffəqiyyətlə bitirib kornet rütbəsi almışdır[1].

Müxtəlif hissələrdə qüsursuz xidmət edən Ərəblinski çox gənc yaşarında Polkovnik-leytenant rütbəsində briqada komandiri kimi məsul vəzifəyə irəli çəkilmişdir. Sonralar diviziya komandiri olan general-leytenant Balakişi Ərəblinski əlli illik xidmətində o vaxt Rusiyada olan bütün yürüş və döyüşlərdə iştirak etmişdir.

General-leytenant B. Ərəblinski Qafqazın müsəlman əhalisindən Rusiyada ilk ali hərbi təhsil alan Azərbaycan oğlu idi. 1896-cı ildə istefaya çıxan general-leytenant Balakişi Ərəblinski Dərbəndə qayıtmış, ömrünün axırına kimi orada yaşamış, imperator tərəfindən ona hədiyyə olunan torpaq sahəsinə başçılıq etmişdir. Yerli əhali arasındakı gözəl insani keyfiyyətləri ilə hədsiz hörmət qazanmış general-leytenant Balakişi Ərəblinskinin şərəfinə adlandırılan Dərbənd yaxınlığındakı kənd və stansya indi də onun adını daşıyır. O, 1902-ci ilin yanvarında vəfat etmiş və Dərbəndin qədim müsəlman qəbiristanlığında dəfn olunmuşdur.

Ailəsi[redaktə | mənbəni redaktə et]

Hazırda general-leytenant Ərəblinskinin iki nəvəsi: Fatma xanım və Həyat Abdullayevlər, qohumlarından Bəhruz Xalid oğlu Ərəblinski və ailəsi Bakıda yaşayırlar.

Ərəblinskilər nəslindən bir neçə hərbçi yetişmişdir. Misal olaraq hazırda vəfat etmiş podpolkovnik Həmzalov Ərəblinski onun oğlu podpolkovnik Əli bəyi və hal-hazirda Azərbaycan ordusunda polkovnik hərbi rütbəsində xidmət keçən Şərif Ərəblinskini qeyd etmək olar.

İki qızı olub: Nurcahan xanım və Sona xanım[2]. General-leytenant Ərəblinski məşhur xeyriyyəçi Hacı Zeynalabdin Tağıyevin qaynatası idi. Generalın kiçik qızı Sona xanım Hacı Zeynalabdin Tağıyevin həyat yoldaşı idi.

Mükafatları[redaktə | mənbəni redaktə et]

General-leytenant B. Ərəblinskinin qüsursuz xidmətləri müxtəlif orden və silahlarla qiymətləndirilmişdir. Misal olaraq 1-ci dərəcəli müqəddəs Stanislav ordeni, üstü yazılı qılınc və müqəddəs Anna ordeni, "Ucalan ulduz" qızıl ordenini göstərmək olar.

İstinadlar[redaktə | mənbəni redaktə et]

  1. Nəzirli Ş.Ə. Azərbaycan generalları. B.; Gənclik, 1991, 208 səh.
  2. Füzuli Sabiroğlu. Tarixin böyük sirri. kulis.az