Teymur bəy Novruzov

Teymur bəy Novruzov
Şəxsi məlumatlar
Doğum tarixi	20 aprel 1880(1880-04-20)
Doğum yeri	Qovlar, Yelizavetpol qəzası, Yelizavetpol quberniyası, Rusiya imperiyası
Vəfat tarixi	1961 və ya 30 iyun 1961(1961-06-30) (81 yaşında)
Vəfat yeri	Nitsa
Atası	Mirzə Hacı bəy Novruzov
Hərbi fəaliyyəti
Rütbə	general
Döyüşlər	Birinci Dünya müharibəsi, Gəncə üsyanı
Təltifləri

Teymur bəy Novruzov (20 aprel 1880, Qovlar, Yelizavetpol qəzası – 1961 və ya 30 iyun 1961, Nitsa) — Rusiya İmperator Ordusunun zabiti, Azərbaycan Demokratik Respublikasının general-mayoru. Müqəddəs Georgi ordeninin bütün dörd dərəcəsi ilə təltif olunmuşdur. Məşhur Novruzovlar ailəsindəndir.

Həyatı

Teymur bəy Mirzə Hacı bəy oğlu 20 aprel 1880-ci ildə Yelizavetpol qəzasının Qovlar kəndində anadan olmuşdu. Tiflis kadet korpusunda oxumuşdu.

1898-ci ildə hərbi xidmətə başlamışdı. siravi əsgərlikdən general-mayor rütbəsinədək yüksəlmişdi. Azərbaycan Demokratik Respublikasının 1919-cu il iki avqust tarixli əmrilə ordudakı əla xidmətlərinə görə general-mayor rütbəsi verilmişdir. 20-ci ildə bolşeviklərin təzyiqindən Almaniyaya mühacirətə getmişdir.

O, 1961-ci ildə Nitsada vəfat edib.

Mükafatları

Teymur bəy 6 dekabr 1909-cu ildə 3-cü dərəcəli "Müqəddəs Stanislav" ordeni, 1913-cü ildə 3-cü dərəcəli Müqəddəs Anna ordeni, 2 noyabr 1914-cü ildə 2-cü dərəcəli "Müqəddəs Anna", 24 noyabr 1914-cü ildə 4-cü dərəcəli "Müqəddəs Vladimir" ordenləri, "Georgi xaçı", onların lentləri və qılıncla təltif edilmişdi.