Bilgə xaqan

Vikipediya, azad ensiklopediya
Naviqasiyaya keçin Axtarışa keçin
Bilgə Bögü xaqan
𐰋𐰃𐰠𐰏𐰀𐰴𐰍𐰣
716 – 734
Əvvəlkiİnel xaqan
SonrakıYollıq xaqan
Şəxsi məlumatlar
Doğum tarixi
Vəfat tarixi
Vəfat yeri
Vəfat səbəbi zəhər[d]
Atası İlteriş xaqan
Anası İlbilgə Xatun
Həyat yoldaşı Po Beq
Uşaqları Yollıq xaqan
Bilgə Qutluq xan
Syüan
Ailəsi Aşina
Dini Tanrıçı

Bilgə xaqan (çin. 阿史那默棘連; 683[1]734[1] və ya 25 noyabr 734, Ötüken) — İkinci Göytürk Xaqanlığının 716-cı ildən xaqanı.

Adı və ilkin həyatı[redaktə | mənbəni redaktə et]

Əsl adı Bögü olub, taxta çıxdıqdan sonra Bilgə adını qəbul etmişdir. İltəriş xaqanın və İlbilgə Xatunun oğlu idi. 700-cü ildə tanqutlara qarşı yürüşdə iştirak etmişdi. 701-ci ildə Onq Tutukun başçılığındakı 50.000 əsgərdən ibarət Tan sülaləsi ordusunu məğlubiyyətə uğratmışdı. 703-cü ildə isə Aşina sülaləsi tərəfindən idarə olunan lakin xaqana tabe olmayan basmıllara hücum etmişdi. 705-ci ildə 80.000 əsgərdən ibarət Çaça Senqun başçılığındakı Tan ordusunu məğlubiyyətə uğratmışdı. Lakin 709-cu ildə Yenisey qırğızlarına məğlub olmuşdu. Sonrakı il gecə basqını ilə qırğızlar da məğlub edilmişdi. 710-cu ildə Sakal xanın başçılığındakı türgişlər də məğlub edildi və tabe edildi. 715-ci ildə isə qarluqlar Tamaq dağında məğlub edildi.[2] 716-cı ildə 33 yaşında Kül Teginin xan olmaq istəməməsilə taxta çıxdı.

Hakimiyyəti[redaktə | mənbəni redaktə et]

Hakimiyyətə gəldikdən sonra Kül Tegin vəliəhd elan olundu. Bilgə xaqan oturaq həyata keçmək istəsə də Tonyukuk onu bu fikirdən daşındırdı.[3] Həmçinin BuddizmTaoizmə də maraq duyan Bilgə xaqanın bu dinləri yaymaması məsləhət görüldü. Xarici siyasət Kül Teginin əlində cəmlənmişdi.

Çinlə münasibətlər[redaktə | mənbəni redaktə et]

720-ci ildə Tonyukukun başçılığındakı bir ordu Çin vassalı basmıllara hücum etmişdi. Yüan Çen başçılığındakı basmıl-tatab-kidan-çin ordusu 300.000 nəfərdən ibarət idi. Bu ordunun məğlubiyyəti Çin üçün böyük zərbə oldu. Türklər, ilk dəfə bu döyüşdə qadınları və uşaqları belə öldürmüşdülər — hansı ki, bu türk müharibələrində görünən bir adət deyildi. 722-ci ildə bu tayfaların müqaviməti də qırılmışdı. Bundan sonra Çinlə sülh münasibətləri başladı.

Kül Teginin ölümü[redaktə | mənbəni redaktə et]

731-ci ildə Kül Teginin vəfat etdi. İmperator xaqana baş sağlığı göndərdi və Kül Tegin üçün bir abidə tikdirdi. Həmin il çinlilərlə əlaqələr yenidən pozuldu. Kidanların başçısı Ketuqan xana 40000 türk əsgər verən xaqan 733-cü ildə çinliləri ağır məğlubiyyətə uğratmışdı. Bu illərdə qızını Suluk xana verdi, öz oğlunu da Sulukun bacısı ilə evləndirdi.

Ölümü[redaktə | mənbəni redaktə et]

Xaqan Buyruq Çor adlı bir əyan tərəfindən zəhərlənmişdi. Xaqan bundan xəbər tutanda gec idi amma ölümdən öncə Buyruq Çor və ailəsini edama məhkum etmişdi.[4]

Dəfni[redaktə | mənbəni redaktə et]

25 noyabr, 734-cü ildə vəfat etmişdi. Taxta oğlu Yollıq xaqan çıxmışdı. Bilgə xaqanın dəfn mərasimi 22 iyun 735-ci ildə baş tutmuş, 500 xarici səfir mərasim üçün qızıl və gümüş, şamlar gətirmişdi. Kədərlənən türklər öz qulaqlarını, üzlərini, burunlarını kəsmişdilər. Xaqanın şərəfinə atlar, itlər, samurlar və sincablar qurban verilmişdi.

Ailəsi[redaktə | mənbəni redaktə et]

Tonyukukun qızı El Etmiş Bilgə xatun ilə evlənmişdir.

Oğulları[redaktə | mənbəni redaktə et]

Qızları[redaktə | mənbəni redaktə et]

  • Bir qızı Suluk xan ilə evlənmişdir.
  • Şahzadə Talo — Ozmış xaqanın ölümündən sonra Çinə mühacirət etmişdir.

Bilgə Xaqan Abidəsi[redaktə | mənbəni redaktə et]

Bu kitabə, Müdrik Xaqanın ölümündən (734) bir il sonra (735), öz oğlu olan Tengri kağan tərəfindən diktirilmiştir.Bu kitabədə da danışan; Kül Tigin kitabədə də olduğu kimi, Bilge Xaqandır.[5]

İstinadlar[redaktə | mənbəni redaktə et]

  1. 1,0 1,1 Bilgė Khaan // Faceted Application of Subject Terminology.
  2. С.Е.Малов Памятники древнетюркской письменности Монголии и Киргизии. — Издательсво академии наук СССР, 1959. — С. 12–21. — 2000 экз.
  3. "- Бичурин. Собрание…". 2009-10-11 tarixində arxivləşdirilib. İstifadə tarixi: 2010-12-27.
  4. Tanq kitabı, cild 194
  5. Erdem,KONUR,"Orhun Yazıtlarında Sosyal ve Siyasi Mesajlar Arxivləşdirilib 2016-09-24 at the Wayback Machine",Dil ve Etimoloji Kütüphanesi

Xarici keçidlər[redaktə | mənbəni redaktə et]