Eli Dükommen

Vikipediya, azad ensiklopediya
Jump to navigation Jump to search
Eli Dükommen
Ducommun.jpg
Doğum tarixi 19 fevral 1833(1833-02-19)[1][2][3][…]
Doğum yeri
Vəfat tarixi 7 dekabr 1906(1906-12-07)[1][2][4][…] (73 yaşında)
Vəfat yeri
Dəfn yeri
  • Bremqarten qəbiristanlığı[d]
Vətəndaşlığı
Fəaliyyəti jurnalist, siyasətçi, iqtisadçı, pasifist
Mükafatları Nobel mükafatı Nobel Sülh Mükafatı (1902)
Vikianbarın loqosu Vikianbarda əlaqəli mediafayllar

Eli Dükommen (fr. Élie Ducommun,19 fevral 1833, Cenevrə, İsveçrə - 7 dekabr 1906, Bern, İsveçrə) — isveçrəli jurnalist, pasifist, 1902-ci il Nobel sülh mükafatı laureatı (Karl Albert Qoba ilə birlikdə).

Həyatı[redaktə | mənbəni redaktə et]

Eli Dükommen 1833-cü il fevralın 19-da Cenevrə şəhərində anadan olub.

Saatsaz ailədə üç uşaqdan ən kiçiyi olaraq dünyaya gəlib. Ali təhsilinin olmamasına baxmayaraq, 17 yaşında varlı bir ailənin evində şəxsi müəllim olaraq çalışırdı. Üç il sonra məktəbdə müəllimlik etməyə başladı və iki il sonra "Cenevrə Xülasəsi" (fr. Les États-Unis d’Europe) jurnalının redaktoru oldu. Jurnaldakı fəaliyyətini 1857-ci ilə qədər davam etdirdi və beş il sonra Cenevrə kantonunun kansleri vəzifəsinə təyin edildi.

1865-ci ildə Bernə köçdükdən sonra Progress jurnalını qurdu. 1868-ci ildən bəri, Beynəlxalq Sülh və Azadlıq Liqası tərəfindən nəşr olunan "Avropa Birləşmiş Ştatları" (fr. Les États-Unis d'Europe) bülleteninin redaktoru idi. 1891-ci ildə Karl Albert Qoba ilə birlikdə Avropa pasifist təşkilatlarının hərəkətlərini koordinasiya edən Beynəlxalq Sülh Bürosunun qurucusu oldu. Bu fəaliyyətlərinə görə də büronun təsisçiləri 1902-ci ildə Nobel sülh mükafatına layiq görülmüşlər.

Elie Dükommen həm də şair və tərcüməçi idi. 1886-cı ildə "Son təbəssümlər" (fr. Derniers Sourires) adlı şeir kitabı nəşr olundu. Üstəlik, 1875-ci ildən inşası davam edən Yura-Bern-Lütsern dəmir yolunun, 1903-cü ildə dövlət tərəfindən satın alınmasına qədər baş katibi idi. Dükommen üçün əsas gəlir mənbəyi bu fəaliyyət idi.

Elie Dükommen 7 dekabr 1906-cı ildə Bern şəhərində vəfat etdi.

İstinadlar[redaktə | mənbəni redaktə et]

  1. 1 2 Elie Ducommun // Encyclopædia Britannica (ing.)
  2. 1 2 Élie Ducommun // Brockhauz Ensiklopediyası (alm.)
  3. Bibliothèque nationale de France Elie Ducommun // BnF identifikatoru (fr.): açıq məlumat platforması — 2011.
  4. Elie Ducommun // Proleksis enciklopedija (xorv.) — 2009.
  5. 1 2 Almaniya Milli Kitabxanası, Berlin Dövlət Kitabxanası, Bavariya Dövlət Kitabxanası, Avstriya Milli Kitabxanası Record #124283314 // Ümumi tənzimləmə nəzarəti (GND) — 2012—2016.

Xarici keçidlər[redaktə | mənbəni redaktə et]