Kürdlər (Füzuli)

Kənd KÜRDLƏR Füzuli rayonu Ölkə AzərbaycanAzərbaycan Rayon Füzuli rayonu Koordinatlar 39°32′29″N 47°12′4″E Saat qurşağı Şablon:Wikidata/p421 Xəritəni aç/bağla

Kürdlər — Azərbaycan Respublikasının Füzuli rayonunun inzibati ərazi vahidində kənd.

Tarixi

Kürdlər kəndinin adı haqqında bir neçə fərziyyə var. Yaşlı adamlar bu kəndi "Mehdi bəy kürdü" adlandırırlar. XX əsrin əvvələrində kəndin indiki ərazisi kürd mənşəli Mehdi bəyə aid olub. Deyilənə görə kəndin adı da buradan götürülmüşdür. Mehdi bəy torpaqlarını qorumaq üçün bir neçə ailəni burada məskunlaşdırmiş və onların içməli su təminatı üçün iyirmiyə yaxın su quyusunun suyunu birləşdirən Kəhriz çəkdirmişdir.Kənd əhalisi etnik cəhətdən Kürd mənşəli deyil. Kəntdə iki uşaq baxçası, bir orta məktəb, bir klub fəaliyyət göstərirdi.Kəndin əhalisi əsasən maldarlıq və üzümçülüklə məşğul olurdu. Ermənistanın Azərbaycan Respublikasına qarşı elan olunmamış müharibəyə başlaması nəticəsində kənd 1993-cü il avqustun 17-də erməni işğalçıları tərəfindən zəbt olunmuş və kənd əhalisi respublikamızın müxtəlif rayonlarında və paytaxt Bakı şəhərində məskunlaşmışdır. Hazırda Kürdlər kəndində bir dənə tikili də qalmamışdır.

Toponimikası

• Kürdlər oyk., sadə.
• Ağcabədi r-nunun eyniadlı i.ə.v.-də kənd. Qarqar çayının sahilində, Qarabağ düzündədir. Kənd musanlı tayfasının kürdlər tirəsinin məskunlaşması nəticəsində yaranmışdır;
• Ağdam r-nunun Əlimədədli i.ə.v.-də kənd. Dağətəyi ərazidədir. Yerli əhalinin məlumatına görə, vaxtilə kürddilli ailələrin məskunlaşması nəticəsində yarandığına görə belə adlandırılmışdır;
• Cəbrayıl r-nunun Sirik i.ə.v.-də kənd. Qarabağ silsiləsinin ətəyindədir. Yerli əhalinin məlumatına görə, keçmiş adı Hacıisaqlı olmuşdur. Əvvəllər bu ərazidə Zəngəzur qəzasındakı şotlanlı kürd tayfasına məxsus qışlaq yeri (Kürdlər qışlağı adlanırdı) olmuşdur. Sonralar burada salınmış yaşayış məntəqəsi köhnə qışlağın adı ilə tanınmışdır. Əslində isə kənd sakinlərinin kürdlərlə heç bir etnik əlaqəsi yoxdur. 1922-ci ildə çap edilmiş yaşayış məntəqələrinin siyahısında da kəndin adı Hacıisaqlı kimi qeydə alınmışdır;
• Cəlilabad r-nunun eyniadlı i.ə.v.-də kənd. Burovar silsiləsinin şm.-ş. ətəyindədir. Yaşayış məntəqəsi XIX əsrin ortalarında panavand tayfasının kürdlər tirəsinin oturaqlaşması nəticəsində yaranmışdır;
• Füzuli r-nunun Əbdürrəhmanlı i.ə.v.də kənd. Düzənlikdədir. Mehdibəy Kürdü də adlanır. Yaşayış məntəqəsi Mehdibəy adlı şəxsə məxsus kürd ailələrinin məskunlaşması nəticəsində yaranmış və məskunlaşan ailələrin ümumi adını qəbul etmişdir. Etnotoponimdir.

İqtisadiyyatı

• Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.

Həmçinin bax

• Füzuli rayonu

Xarici keçidlər

• Azərbaycan Respublikası Füzuli Rayon İcra Hakimiyyəti