Meylamovların evi

Vikipediya, azad ensiklopediya
Jump to navigation Jump to search
Meylamovların evi
Meylamovların evi (2).jpgBinanın 2022-ci ildə çəkilmiş şəkli
Ölkə  Azərbaycan
Şəhər WP baku siegel.png Bakı
Yerləşir Bəşir Səfəroğlu küçəsi, 174
Tikilmə tarixi 1899
Üslubu Rokoko
İstinad nöm.3161
KateqoriyaBina
Meylamovların evi (Bakı)
Locator Dot2.gif
Meylamovların evi
Vikianbarın loqosu Vikianbarda əlaqəli mediafayllar

Meylamovların eviBakıda Bəşir Səfəroğlu küçəsi, 174 ünvanında, 1899-cu ildə inşa edilmiş üç mərtəbəli yaşayış evi.[1][2] Binanın sahibi Xələf Meylamov olub. Bina Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.[3]

Haqqında[redaktə | mənbəni redaktə et]

Meylamovların üç mərtəbəli yaşayış evi bağçalı kiçik meydanın qarşısında yerləşir. Üçmərtəbəli yaşayış evinin birinci mərtəbəsi ağır digər mərtəbələri isə daha yüngül rustovka ilə bölünüb. Binada klassik üsul və formalar qəbul olunub. Order sistemi mənzərəli şəkildə istifadə edilib. Zəngin sandrikli pəncərə oyuqları həcmli plastikanın xüsusi formasıdır ki, burada daş detallar heykǝltəraşlıq dərəcəsinə çatdırılıb.[1]

Xatirələrdə[redaktə | mənbəni redaktə et]

1914-cü ildə bu binada doğulub yaşamış Xələf Meylamovun qızı Züleyxa Əsədullayevanın dediklərinə görə binanı Şəmsi Əsədullayev, qızı Ağabacı Əsədullayevaya Xələf Meylamov ilə ailə quranda cehizin bir hissəsi kimi ona hədiyyə edib.[4] Şəmsi Əsədullayev evi 1904-cü ildə Musa Nağıyevdən alıb. Binanın üzərində bəzi əlavə işlər görmək üçün Fransadan memar gətirilib.[4] Sovet işğalından qabaq binanın pilləkənləri ağ, divarları isə qara mərmərdən olub. Pilləkənlərdə dekorativ ulduzlar olub ki onlar indi qalmayıb. Freskaları olan divar isə başdan-başa çəhrayı rənglə rənglənib.[4]

Şəkilləri[redaktə | mənbəni redaktə et]


İstinadlar[redaktə | mənbəni redaktə et]

  1. 1 2 Şamil Fətullayev. Bakının memarlıq ensiklopediyası (PDF). Bakı: Şərq-Qərb nəşriyyatı. 2013. səh. 204. ISBN 978-9952-32-020-6.
  2. "Каменистая ул. - Щорса - Башира Сафароглу (Баку)" (rus). ourbaku.com. 13 iyun 2021 tarixində arxivləşdirilib. İstifadə tarixi: 11 may 2022.
  3. "Azərbaycan Respublikası Nazirlər Kabinetinin 2001-ci il 2 avqust Tarixli 132 nömrəli qərarı ilə təsdiq edilmişdir" (PDF) (az.). mct.gov.az. 2 avqust 2001. 7 iyul 2021 tarixində arxivləşdirilib (PDF). İstifadə tarixi: 10 may 2022.
  4. 1 2 3 Bleyer, Betti, "Bolşeviklərin gəldiyi dövr. Neft maqnatının qızı yenidən Bakıya səfər edir." (PDF), Azerbaijan International, 1999, Archived from the original on 11 May 2021, İstifadə tarixi: 11 may 2022

Xarici keçidlər[redaktə | mənbəni redaktə et]

Vikianbarda Meylamovların evi ilə əlaqəli mediafayllar var.