Polad Siracov

Vikipediya, azad ensiklopediya
Jump to navigation Jump to search
Polad Siracov
ISN 00089, Poolad Tsiradzho.jpg
Polad Sabir oğlu Siracov
Doğum tarixi 6 may 1975 (1975-05-06) (44 yaş)
Doğum yeri Bakı, Azərbaycan Azərbaycan SSR
Vətəndaşlığı

Polad Sabir oğlu SiracovQuantanamo həbs düşərgəsində cəza çəkmiş yeganə Azərbaycan vətəndaşı. Yerli Azərbaycan mətbuatı tərəfindən Üsamə bin Ladenin şəxsi türkcə-ərəbcə tərcüməçisi olduğu bildirilən şəxs.[1]

Bioqrafiyası[redaktə | əsas redaktə]

1975-ci ildə Bakı şəhərində anadan olan Polad Sabir oğlu Siracov 1992-ci ildə Türkiyənin Kayseri şəhərində yerləşən Ərciyəs Universitetinin iqtisadiyyat fakültəsinə daxil olmuş, lakin iki il təhsil aldıqdan sonra universiteti yarımçıq tərk etmişdir.

Universiteti yarımçıq buraxdıqdan bir müddət sonra təxminən 10 gün müddətində Türk tikinti şirkətlərinin birində tərcüməçi kimi işləyən Siracov daha sonra Rusiyaya gedərək 1994-1996-ci illər aralığında Moskva şəhərində tərcüməçilik, dülgərlik, paltar alveri ilə məşğul olmuşdur.

Daha sonra Bakıya qayıdan Polad Siracov 1997-ci ildə İntersun zavodunda bir müddət işlədikdən sonra 1998-ci ildə hərbi xidmətə yola düşmüş 2000-ci ildə isə hərbi xidmətini (Qarabağ ətrafında) başa vurmuşdur.

Digər adları[redaktə | əsas redaktə]

  • Abdullah əl-Qafqazi
  • Poolad T. Tsiradzho
    (20 aprel 2006-ci il tarixindən etibarən sənədlərində bu cür yazılır)
  • Abd əl Zaher

Əfqanıstan səfəri[redaktə | əsas redaktə]

Afghan market teeming with vendors and shoppers 2-4-09.jpg

2001-ci ilin fevral ayında evdən çıxaraq İran yoluyla Əfqanıstanın Herat şəhərinə yollanan Siracov Heratda Taliban rəsmisinin yönləndirməsiylə Qəndəhar şəhərində Abdul Kərim adlı şəxsin evində bir müddət qonaq qalmışdır.

Qısa bir müddət sonra isə Xocaəhərdə yerli Taliban üzvləriylə görüşən Siracov 500-1000 etnik pakistanlı, eyni zamanda əfqan, özbəklərin də üstünlük təşkil etdiyi Əyyub Sultanın komandanlığı altında olan dəstəyə qoşulmuşdur. Bundan sonra isə Siracova AKM-7.62 avtomatı verilmişdir.

Həbs edilməsi[redaktə | əsas redaktə]

2001-ci ilin sentyabr ayında NATO artirelliya qüvvələrinin keçirdiyi əməliyyat nəticəsində yaralanan Siracov döyüş bölgəsini Künduz şəhərinə doğru dəyişmiş, 2001-ci ilin noyabr ayında isə Məzari-Şərif yaxınlığında NATO qüvvələrinin mühasirəsinə düşmüş və ələ keçirilmişdir.

Ələ keçirildikdən sonra Siracov Məzari-Şərifdəki Qala-i Cəngi həbsxanasına gətirilmiş, gətirildiyi günün sabahısı (25 noyabr 2001-ci il) baş vermiş üsyandan sağçıxanlar arasında olmuşdur. Sağqalanlar arasında olan Polad Siracov növbəti günlər ərzində Şəbərgan həbsxanasına, daha sonra isə oradan Qəndəhar şəhərində yerləşən ABŞ həbsxanasına göndərilmişdir. Yanvar ayına kimi Qəndəhardakı həbsxanada saxlanılan Polad Siracov 14 yanvar 2002-ci il tarixində Quantanamo həbs düşərgəsinə ekstradisiya olunmuşdur.

2002-ci ilin yanvar ayında isə ailəsinə onun talibançılarla birlikdə həbs olunaraq, Quantanamo həbs düşərgəsinə aparıldığı barədə məlumat verilmişdi.[2]

Həbsdən sonra[redaktə | əsas redaktə]

2009-cu ildə ABŞ prezidenti Barak Obamanın Quantanamo həbsxanasının bağlanması haqda sərəncamından sonra məhbusların sonrakı taleyi gündəmə gəlmiş, onların ölkələrinə qayıdıb-qayıtmamaları müzakirə olunmuşdur. Yenidən həbs və təqib olunma [3] təhlükəsinə görə öz ölkəsinə qayıtmaqdan imtina edən Siracov Slovakiya hökumətindən digər 3 Quantanamo məhbusu ilə yanaşı siyasi sığınacaq almış və 2010-cu ilin yanvar ayından etibarən orada yaşamaqdadır.[4]

İstinadlar[redaktə | əsas redaktə]

Həmçinin bax[redaktə | əsas redaktə]

Qala-i Cəngi

Linklər[redaktə | əsas redaktə]