Ziya Bünyadovun qətli
| Ziya Bünyadovun qətli | |
|---|---|
| Hücum yeri |
Bakı, Azərbaycan |
| Vaxt |
21 fevral 1997 |
Ziya Bünyadovun qətli — şərqşünas, tarixçi, Sovet İttifaqı Qəhrəmanı[1] Ziya Musa oğlu Bünyadovun öldürülməsi hadisəsi
Ziya Bünyadov 1997-ci il fevral ayının 21-də yaşadığı binanın qarşısında cinayətkar qrup tərəfindən vəhşicəsinə qətlə yetirilmişdir.[2] Qətlindən bir qədər əvvəl Müdafiə Nazirliyindəki korrupsiya ilə bağlı əlində sənədlər olduğunu bildirmişdi.[3] Bu sənədlər haqda parlamentin qapalı toplantısında həmkarlarına məlumat verdiyi də deyilir. Akademikin "Hizbullah" üzvləri tərəfindən öldürüldüyü və bununla bağlı bir neçə nəfərin azadlıqdan məhrum edildiyi deyilir[4][5].
Qətlin daha bir iştirakçısı olan Nizami Nağıyev isə 2000-ci ilin 28 sentyabrında tutularaq, ömürlük həbs cəzası almışdır[6]. Nizami Nağıyev həmin vaxt Abşeron Rayon İcra Hakimiyyətinin başçısı olan Adil Nağıyevin oğludur. Oğlunun həbsindən bir neçə gün sonra - 6 oktyabr 2000-ci ildə Prezident Heydər Əliyevin Sərəncamı ilə Adil Nağıyev Abşeron Rayon İcra Hakimiyyətinin başçısı vəzifəsindən azad edilmişdir[7].
Dəfni[redaktə | əsas redaktə]
23 fevral 1997-ci il Şəhriyar adına Mədəniyyət Mərkəzində onunla vidalaşma mərasimi keçirilmişdi.[8] Azərbaycan Respublikasının Prezidenti Heydər Əliyevin vidalaşma mərasimindən nitqindən:
|
Bu qədər dahi, bu qədər ali, bu qədər böyük həyat yolu keçmiş şəxsiyyətə atılan güllə, onun qətlə yetirilməsi bütün Azərbaycana xalqına edilən təcavüzdür, Azərbaycan xalqına atılan güllədir. Çünki Ziya Bünyadov Azərbaycan xalqını ən gözəl təmsil edən şəxsiyyətlərdən biri və o şəxsiyyətlərin içində seçiləni idi.[8]' | 
|
İstinadlar[redaktə | əsas redaktə]
- ↑ Буниятов Зия Мусаевич
- ↑ Qaralov: "Ziya Bünyadovun qətlini İranın dini dairələri sifariş edib"
- ↑ "Ziya Bünyadovun qətlini İranın dini dairəsi sifariş edib"[ölü keçid]
- ↑ Azerbaijan Increasingly Caught Between Salafism and Iran
- ↑ Ziya Bünyadovun qətli ilə bağlı yeni təfərrüatlar
- ↑ Ziya Bünyadovun qatilinin atasından ilginc açıqlamalar: “Hamımızı işdən qovdular”. bakipost.az, 30.01.2018 (azərb.)
- ↑ "A. B. Nağıyevin Abşeron Rayon İcra Hakimiyyətinin başçısı vəzifəsindən azad edilməsi haqqında" Azərbaycan Respublikası Prezidentinin 6 oktyabr 2000-ci il tarixli, 540 nömrəli Sərəncamı. e-qanun.az (azərb.)
- ↑ 1 2 Görkəmli alim və ictimai xadim, akademik Ziya Bünyadovla vidalaşma mərasimində Azərbaycan Respublikasının Prezidenti Heydər Əliyevin nitqi - Şəhriyar adına Mədəniyyət Mərkəzi, 23 fevral 1997-ci il