Ramiz Tahirov (general)

Vikipediya, açıq ensiklopediya
Jump to navigation Jump to search
Ramiz Tahirov
Ramiz Firudin oğlu Tahirov
Ramiz Tahirov (general).jpg
Doğum tarixi 16 aprel 1966 (1966-04-16) (53 yaş)
Doğum yeri Vladiqafqaz, Rusiya Rusiya
Vətəndaşlıq Azərbaycan Azərbaycan
Mənsubiyyəti Coat of arms of the Azerbaijani Armed Forces.png
Azərbaycan Silahlı Qüvvələri
Qoşun növü AzAF Flag of Azerbaijan.png Hərbi Hava Qüvvələri
Xidmət illəri 1988-hal hazırda
Rütbə 17.AzLF-LG.png General-leytenant

Ramiz Tahirov — Azərbaycan Respublikası Müdafiə nazirinin müavini - Hərbi Hava Qüvvələrinin Komandanı, general-leytenant.

Həyatı[redaktə | əsas redaktə]

Tahirov Ramiz Firudin oğlu 16 aprel 1966-cı ildə Rusiya Federasiyasının Vladiqafqaz şəhərində anadan olub. 1983-cü ildə Cəmşid Naxçıvanski adına Hərbi liseyi, 1988-ci ildə Kiyev Ali Hərbi Zenit-Raket Mühəndislər Məktəbini fərqlənmə ilə, 2006-cı ildə isə Azərbaycan Respublikasının Prezidenti yanında Dövlət İdarəçilik Akademiyasını fərqlənmə ilə bitirib.

1988-1992-ci illərdə SSRİ Silahlı Qüvvələri tərkibində Sovet İttifaqı Marşalı A.M.Vasilevski adına Quru Qoşunlarının Hava Hücumundan Müdafiə Akademiyasında və SSRİ Müdafiə Nazirliyinin Hərbi Nümayəndəliyində xidmət edib.

1992-2002-ci illərdə Azərbaycan Respublikasının Silahlı Qüvvələrində xidmət edib. 2002-2013-cü illərdə Azərbaycan Respublikası Prezidentinin Müdafiə məsələləri üzrə köməkçisinin müavini vəzifəsində işləyib.

Azərbaycan Respublikasının suverenliyi və ərazi bütövlüyü uğrunda gedən döyüş əməliyyatlarında iştirak edib. Xidməti vəzifələrini layiqincə yerinə yetirdiyinə görə dəfələrlə müxtəlif mükafatlara və medallara layiq görülüb.

Azərbaycan Respublikası Prezidentinin 24.06.2005-ci il tarixli Sərəncamı ilə "Vətən uğrunda" medalı, 21.06.2007-ci il tarixli Sərəncamı ilə "Hərbi xidmətlərə görə" medalı, 24.06.2015 tarixli Sərəncamı ilə 3-cü dərəcəli “Vətənə xidmətə görə” ordeni və 19.04.2016-cı il tarixli Sərəncamı ilə “Hərbi xidmətlərə görə” medalı ilə təltif olunub.

Azərbaycan Respublikası Prezidentinin 14.05.2014 tarixli Sərəncamı ilə Müdafiə nazirinin müavini - Hərbi Hava Qüvvələrinin Komandanı vəzifəsinə təyin olunub.

Ailəsi[redaktə | əsas redaktə]

Ailəlidir, iki övladı vardır.

İstinadlar[redaktə | əsas redaktə]