Vikipediya:Bilirsinizmi/dekabr 2019

Əslən Krım tatarı olan Əhməd Xan Sultan (şəkildə) İkinci dünya müharibəsi zamanı 150-dən çox hava hücumunda iştirak edərək fərdi şəkildə 30, qrup uçuşlarında isə 19 düşmən təyyarəsini məhv etmişdir. Əhməd Xan eyni zamanda İkiqat Sovet İttifaqı Qəhrəmanı adını almış yeganə Krım tatarıdır.
Dövlət bayrağı düzbucaqlı şəklində olmayan yeganə ölkə Nepaldır.
Riyaziyyatda minilliyin məsələləri siyahısına salınan hər bir problemin həllinə Kley Riyaziyyat İnstitutu tərəfindən bir milyon ABŞ dolları həcmində mükafat vəd edilir.
Azərbaycan Respublikasında etnik pont yunanların kompakt yaşadığı yeganə kənd Kəlbəcər rayonunun inzibati ərazisində yerləşən Mehmana kəndi olmuşdur.
Gürcü şərabı ən qədim şərab olaraq Ginnesin Rekordlar Kitabına salınıb. Şərab Erkən neolit (e.ə 6000-5800) dövrünə aid edilir.

Vikipediya məqalələrindən

Avstriyanın Vyana şəhərində yerləşən Café Centralın (şəkildə) tanınmış müştərilərinin siyahısına Teodor Hertsl, Alfred Adler, Stefan Sveyq, İosip Broz Tito, Ziqmund Freyd, Adolf Hitler və Lev Trotski daxil idi.
Avstriya-Macarıstan İmperiyasını Habsburqlar sülaləsi idarə edirdi.
Eksperimental psixologiya XIX əsrdə akademik Vilhelm Vundtun psixologiya sahəsinə riyazi və eksperimental yanaşmanı tətbiq edərkən ortaya çıxdı.
"Şollerin arxivi" filmindəki hadisələr XX əsrin 1940-cı illərindən Azərbaycanda yaşamış alman mənşəli Şollerlər ailəsinin həyatı üzərində qurulub.
Desert Eagle tapançası 1983-ci ildə ABŞ-da Magnum Research şirkəti və İsrail şirkəti Israel Military Industries tərəfindən yaradılıb.

Vikipediya məqalələrindən

Mühacirlərə dəstək planının genişlənməsi üçün 1926-cı ildə keçmiş Çar Rusiyası xalqlarının liderləri beynəlxalq təşkilat kimi fəaliyyət göstərən "Prometey" klubunu yaratdılar.
Şamaxı çariçası (şəkildə) rus yazıçısı Aleksandr Puşkinin "Qızıl xoruz nağılı"nın əsas personajlarından biridir.
1998-ci ildə Bundestaq hərbi obyektlərə Kondor Legionunun tərkibində döyüşmüş pilotların adının verilməsini qadağan etdi.
Bəzz qalası — Xürrəmilər hərəkatının rəhbəri Babəkin əsas sığınacaqlarından biri olduğu üçün xalq arasında daha çox Babək qalası kimi tanınır.
Qədim yunanlar kəklikotunu gözəllik ilahəsi Afroditanın şərəfinə yandırıb qurban verirdilər.

Vikipediya məqalələrindən

1915-ci ildə Ervin Rommel döyüşlərdə fərqləndiyinə görə 1-ci dərəcəli dəmir xaç ordeni ilə mükafatlandırılmışdır.
İtaliyanın Sloveniya sərhədi yaxınlığında yerləşən Triest şəhəri Adriatik dənizindəki Triest körfəzinin yaxınlığında yerləşir.
Şumer mənşəli qədim əfsanəyə görə, Nuh peyğəmbərin gəmisi yolda Gəmiqayadan başqa İlandağın zirvəsinə də toxunmuş və onu yarıb keçərkən bərk yırğalanmışdır.
Kuinsi Cons (şəkildə) tarixdə ən çox satılan musiqi albomunun prodüseridir.
Azərbaycan Xalq Cümhuriyyəti dövründə Fətəli xan Xoyskinin 1918-ci il dekabrın 26-da təşkil etdiyi III hökumət kabinetində Mirzə Əsədullayev Ticarət və Sənaye naziri vəzifəsini icra etmişdir.

Naviqasiya menyusu