Vilayət Eyvazov

Vilayət Eyvazov
Fayl:Vilayət Eyvazov.jpeg
Azərbaycan Respublikasının daxili i̇şlər naziri
Vəzifədədir
20 iyun 2019-cu ildən
Əvvəlki	Ramil Usubov
Azərbaycan Atıcılıq Federasiyasının prezidenti
Vəzifədədir
15 dekabr 2021-ci ildən
Əvvəlki	Vaqif Axundov
Azərbaycanın Hərbi Komendantı
27 sentyabr 2020 – 12 dekabr 2020
Azərbaycan Respublikası daxili işlər nazirinin birinci müavini
11 mart 2016 – 20 iyun 2019
Nazir	Ramil Usubov
Əvvəlki	Vəzifə təsis olundu.
Sonrakı	Seyfulla Əzimov
Azərbaycan Respublikası daxili işlər nazirinin müavini
14 aprel 2005 – 11 mart 2016
Nazir	Ramil Usubov
Azərbaycan Respublikası Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsinin rəisi
2002 – 2005
Əvvəlki	Mədət Quliyev
Azərbaycan Respublikası Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsinin rəis müavini
2001 – 2002
Rəis	Mədət Quliyev
Şəxsi məlumatlar
Doğum tarixi	28 iyun 1968(1968-06-28) (55 yaş)
Doğum yeri	Əbrəqunis, Culfa rayonu, Naxçıvan MSSR, Azərbaycan SSR, SSRİ
Təhsili	Azərbaycan Respublikası Daxili İşlər Nazirliyinin Polis Akademiyası
Fəaliyyəti	məmur
Rütbəsi	Polis general-polkovniki
Təltifləri
Vikianbarda əlaqəli mediafayllar

Vilayət Süleyman oğlu Eyvazov (28 iyun 1968, Əbrəqunis, Culfa rayonu) — Azərbaycanın hərbi və siyasi xadimi, general-polkovnik, Azərbaycan Respublikasının daxili işlər naziri (2019-cu ildən), Azərbaycan Respublikasının daxili işlər nazirinin birinci müavini (2016–2019).

Həyatı

Vilayət Eyvazov 28 iyun 1968-ci ildə Culfa rayonunun Əbrəqunus kəndində anadan olmuşdur. 2000-ci ildə Daxili İşlər Nazirliyinin Polis Akademiyasını fərqlənmə diplomu ilə bitirmişdir.Silahlı Qüvvələrin sıralarında müddətli həqiqi hərbi xidmət keçmişdir.

Ailəlidir,üç övladı var.

Fəaliyyəti

Vilayət Eyvazov 1994-cü ilin noyabr ayında daxili işlər orqanlarında polis nəfəri kimi fəaliyyətə başlamış, cinayət axtarışı qurumlarında müxtəlif vəzifələrdə xidmət etmişdir.Ardınca Daxili İşlər Nazirliyinin Cinayət Axtarış Baş İdarəsində şöbə rəisinin müavini,2001–2005-ci illər ərzində Mütəşəkkil Cinayətkarlıqla Mübarizə Baş İdarəsinin rəis müavini və rəisi vəzifələrində çalışmışdır.

Azərbaycan Respublikası Prezidentinin 2004-cü il tarixli 293 nömrəli Sərəncamı ilə polis general-mayoru rütbəsi almış, 2005-ci ildə Daxili İşlər nazirinin müavini təyin olunmuşdur.2006-cı il tarixli 1546 nömrəli Sərəncamı ilə polis general-leytenantı ali xüsusi rütbəsi,2019-cu il tarixli 1299 nömrəli Sərəncamı ilə general-polkovnik ali hərbi rütbəsi verilmişdir.

Vilayət Eyvazov 20 iyun 2019-cu ildə Azərbaycan Respublikasının Prezidenti İlham Əliyevin Sərəncamı ilə Azərbaycan Respublikası Daxili İşlər Nazirinin birinci müavini vəzifəsindən azad edilmiş və həmin tarixdə Azərbaycan Respublikasının daxili işlər naziri təyin edilmişdir.

Təltifləri

• "Azərbaycan Bayrağı" ordeni (2002)
• "İgidliyə görə" medalı (2008)
• 2-ci dərəcəli "Vətənə xidmətə görə" ordeni (2014)
• 1-ci dərəcəli "Vətənə xidmətə görə" ordeni (2018)
• "Zəfər" ordeni (2020)

Həmçinin bax

• Daxili İşlər Nazirliyi (Azərbaycan)