Xəzər TV

Vikipediya, azad ensiklopediya
(Xəzər Televiziyası səhifəsindən istiqamətləndirilmişdir)
Jump to navigation Jump to search
Xəzər TV
Xəzər TV loqo.png
Xəzər TV
Ölkə Azərbaycan Azərbaycan
Yayım ərazisi Azerspace-1 peyklərinin əhatə dairələri
Dil Azərbaycan dili
Baş qərargah Nobel prospekti, Bakı, Azərbaycan
Yaranma tarixi 2 oktyabr 2007 (20:00)
Sahibi SOCAR Media
Rəhbərlik Murad Dadaşov
Şüar Ailənizin Xəzəri
Qardaş kanallar Radio Xəzər
100.5 FM
Araz FM
Dalğa TV
CBC
CBC SportHD
Sayt xezertv.az
Commons-logo.svg Vikianbarda əlaqəli mediafayllar

Xəzər Televiziyası

Tarixçə[redaktə | əsas redaktə]

2007-ci ilin sentyabr ayında MTRŞ-nın iclası keçirildi. İclasda MTRŞ-nın sədri Nuşirəvan Məhərrəmli çıxış edərək bildirdi ki, oktyabr ayında Xəzər Televiziyası fəaliyyətə başlayacaq. 2007-ci ilin oktyabrın 2-də artıq bəzi media qurumları axşam saat 8-də Televiziyanın yayıma başlayacağı xəbərini verirdilər. 2 oktyabr 2007-ci il tarixdə saat 20:00-da Xəzər TV-nin yayımı başladı. Yarım saat ərzində efirdə Xəzər TV-nin loqosu və introları yayımlandı. 20:30-da isə "Gündəm"adlı  veriliş başladı. Verilişin qonağı MTRŞ-nın sədri Nuşirəvan Məhərrəmli idi. Həmin gün telekanalın yayımı saat 01:30-a qədər davam etdi. Loqotip məsələsində qərarsızlıq var idi. Sadəcə "Xəzər" yazısı, yoxsa "Xəzər TV" yazısı olsun deyə müzakirələr gedirdi.

Hazırda yayım Azerspace-1 peyki ilə, Azərbaycanın bütün kabel televiziyaları vasitəsilə davam edir.

Qərargahı ilk vaxtlarda Yasamal rayonundakı Zahid Xəlilov küçəsində idi. Daha sonra Atatürk prospekti 28 ünvanındakı binaya köçürüldü. 2015-ci ilin dekabr ayının 30-da isə Xətai rayonu, Nobel prospektində Televiziyanın özünə məxsus binaya köçürüldü. Bina 10 mərtəbədən, 265 otaqdan ibarətdir. Binanın açılışında Azərbaycan Prezidentinin İctimai-siyasi məsələlər üzrə köməkçisi Əli Həsənov, Milli Televiziya və Radio Şurasının sədri Nuşirəvan Məhərrəmli, Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, Mətbuat Şurasının sədri Əflatun Amaşov, millət vəkilləri, ziyalılar və ictimaiyyət nümayəndələri iştirak etmişdilər.

Xəzər TV  29 yanvar 2016-cı il tarixdə (16:9) HD təsvir formatlı yayıma keçmişdir. Həmin ilin fevral ayının 2-də isə xəbər studiyasını yeniləmişdir. Kanal 4 sentyabr 2016-cı ildə loqotipini dəyişmişdir. 19 Sentyabrda isə xəbər studiyasını bir daha yeniləmiş və yeni yayım dönəminə başlamışdır.


2020-ci il martın 5-də "Xəzər TV" MMC-nin yeni direktoru xalq artisti Murad Dadaşov təyin olunub.

Murad Dadaşovu kollektivə SOCAR-ın kadr, rejim və informasiya texnologiyaları üzrə vitse-prezidenti Xaliq Məmmədov təqdim edib. Xaliq Məmmədov bildirib ki, ''Xəzər TV'' MMC "SOCAR Media" İctimai Birliyinin tərkibinə keçib və "Xəzər TV" MMC-nin təsis paylarının "SOCAR Media" İctimai Birliyi tərəfindən alınması barədə sənəd imzalanıb.[1]

Verilişlər[redaktə | əsas redaktə]

2016-cı ilin sentyabr ayından  Xəzər TV yeni binasında yeni yayım sezonuna fərqli proqramlarla başladı. Həmin ilin sentyabr ayından  Xəzər TV-nin yeni rəhbəri Şamxal Həsənli ilə Xəzərin efirinə yeni transferlər edildi. 19 Sentyabr 2016-cı ildən Xəzər TV-yə yeni transfer olmuş məhşur araşdırmaçı jurnalist Xoşqədəm Hidayətqızı ilə "Bizə Danış" adlı gündəlik və "Səni Axtarıram" adlı həftəsonu verilişi yayıma başladı.[1]

Yeni transferlər arasında məhşur sima, aparıcı Nəsib Nur da öz yerini aldı[2]."Nəsib Olsa" adlı verliş ilə Nəsib Nur izləyicilərin qarşısına çıxdı.  Həftənin cümə günləri saat 21:00 da yayımlanan veriliş,  daha sonra həftəiçi hər gün saat 11:00-da yayımlandı.

2016-cı il yayım mövsümündən yeni verilişlərlə yanaşı, Xəzər TV-nin proqram siyasətinin əsasını "Hər Şey Daxil", "Nuş Olsun"," Həkim İşi"  və  "5də5"  kimi köhnə sezondan olan verilişlər təşkil edir.

Zaur Kamalın təqdimatında "5də5" verilişi yayımlandığı sezonun ən reytinqli verilişləri sırasında öz yerini alıb. 19:00-dan 21:00-a qədər yayımlanan veriliş, yayımlandığı günlərin reytinq cədvəllərində ilk sıraralarda yer alır. [3]

Seriallar[redaktə | əsas redaktə]

Verilişlərlə yanaşı Xəzər TV-nin yayım cədvəlinin əsasını seriallar təşkil edir. Xəzərin efirində "Aramızda Qalsın", "Həyat Sən Nə Qəribəsən", "Bir Ailəm Var" kimi gündəlik seriallar yayımlanıb.[4] [5] 2017-ci il yayım sezonundan davam edən "İmtahan", "Ata Ocağı" kimi gündəlik seriallar geniş izləyici kütləsi toplamışdır.[6] Seriallar həftəiçi hər gün 45 dəqiqəlik xronometraj ilə yayımlanır.

Online yayım və Youtube[redaktə | əsas redaktə]

Xəzər TV-nin inkişaf konsepsiyasında yeni auditorialara və daha gənc yaş qruplarına xitab etmə əsas yer tutur. Online platformalardan geniş istifadə edən Xəzər TV YouTube, İnstagram və Facebookda geniş izləyici kütləsinə malikdir. YouTube-da geniş abunəçi sayına malik olan Xəzər TV Xəzər Media, Xəzər Film, Xəzər Music kimi kanallarla öz abunəçilərinə çatır. Azərbaycan Mediasında ilk 1 milyon abunəçi sayı olan kanal da məhz  Xəzər TV-nin Xəzər Media kanalı oldu.[7] Xəzər Media kanalının statistikalarına əsasən, Xəzər TV nəinki Azərbaycanda, həm də xarici ölkələrdə yaşayan azərbaycanlılar arasında da geniş şəkildə izlənilir.

Xəzər TV-nin sosial yardım layihələri[redaktə | əsas redaktə]

Xəzər TV yayım dövrlərində bir neçə sosial yardım layihələrə də imza atıb. 2019-cu ilin iyun ayında Xəzər TV və Azercell Mobil Operatorunun birgə təşkilatçılığı nəticəsində Mobil Göz Və Mobil Diş klinikaları bölgələrdə yaşayan vətəndaşlara pulsuz tibbi xidmət göstərmişdir. [8][9]

Xəzər TVdə 2018 və 2019-vu illər  yayım mövsümündə  yayımlanan "Şans Mələyi" və "Xeyir Körpüsü" verilişləri pis şəraitdə yaşayan aztəminatlı ailələrin evlərini təmir edərək onların xəyallarının gerçəkləşməsinə yardım edib. [10]

Xoşqədəm Hidayətqızının təqdimatında "Səni Axtarıram" verilişinin əsas hissəsini xeyriyyə işləri təşkil edir. Verilişə müraciətləri əsasında bir çox mualicəyə və əməliyyata ehtiyacı olan insanlara yardım edilib. Veriliş bu işi ənənə halına gətirərək hər ay onlarla insanın sağlamlıq problemlərinin həllində köməklik edib.


İstinadlar[redaktə | əsas redaktə]

[1]https://qafqazinfo.az/news/detail/xosqedem-xezer-tv-de-video-154237

[2]https://axsam.az/?name=xeber&news_id=57884

[3]https://modern.az/az/news/93491

[4]https://az.trend.az/azerbaijan/culture/2478766.html

[5]https://www.trend.az/life/culture/2306420.html

[6]https://www.ens.az/az/ata-ocagi

[7]http://www.xezerxeber.az/Web%20TV/275771.html

[8]https://www.azernews.az/business/151801.html

[9]https://xeberler.az/new/details/azercell-ve-xezer-tv-nin-birge-xeyriyye-layihesi--23190.htm

[10]https://qafqazinfo.az/news/detail/11-aileni-sevindiren-sans-meleyi-186442
[11]http://xezerxeber.az/son_xəbər/282211.html

Xarici keçidlər[redaktə | əsas redaktə]

Xəzər Televiziyasının Rəsmi Saytı : www.xezertv.az

Xəzər Xəbər : www.xezerxeber.az

Xəzər Media Youtube Kanalı : youtube.com/xezermedia