Duayt Eyzenhauer

Duayt Eyzenhauer
ing. Dwight D. Eisenhower
ABŞ prezidenti
20 yanvar 1953 – 20 yanvar 1961
Əvvəlki	Harri Trumen
Sonrakı	Con Kennedi
Amerika Birləşmiş Ştatlarının seçilmiş prezidenti[d]
4 noyabr 1952 – 20 yanvar 1953
Əvvəlki	Franklin Delano Ruzvelt
Sonrakı	Con Kennedi
Şəxsi məlumatlar
Doğum adı	David Dwight Eisenhower
Doğum tarixi	14 oktyabr 1890(1890-10-14)
Doğum yeri	Denison, Texas, ABŞ
Vəfat tarixi	28 mart 1969(1969-03-28)[…] (78 yaşında)
Vəfat yeri	Uolter Rida adına Ordu tibb mərkəzi[d], Vaşinqton, ABŞ
Vəfat səbəbi	ürək tutması
Dəfn yeri	Eyzenhauer Prezident Mərkəzi[d]
Partiya	Respublikaçılar partiyası
Təhsili	ABŞ Hərbi Akademiyası[d] (1911–1915), ABŞ Ordusunun Müharibə Kolleci[d]
İxtisası	Hərbçi
Fəaliyyəti	siyasətçi, yazıçı, zabit, dövlət xadimi, hərbi qulluqçu
Atası	Devid Ceykob Eyzenhauer
Anası	İda Elizabet Stover
Həyat yoldaşı	Meymi Deud Eyzenhauer
Uşaqları	2
Dini	Presviterian
Hərbi xidmət
Mənsubiyyəti	Amerika Birləşmiş Ştatları
Qoşun növü	ABŞ ordusu
Rəhbərlik edib	Avropadakı əməliyyatların baş komandanı Şimali Afrikadakı əməliyyatların baş komandanı Aralıq dənizi hövzəsindəki əməliyyatların baş komandanı Normandiyaya desantçıxarma əməliyyatının rəhbəri
Döyüşlər	II Dünya müharibəsi
Rütbəsi	Ordu generalı
Elmi fəaliyyəti
Elm sahəsi	ABŞ siyasi sistemi
Vikianbarda əlaqəli mediafayllar

Duayt Devid Eyzenhauer, "Ayk" ləqəbi ilə tanınır (ing. Dwight David "Ike" Eisenhower; 14 oktyabr 1890, Denison, Texas, ABŞ — 28 mart 1969, Vaşinqton Kolumbiya Federal Dairəsi, ABŞ) — Amerika Birləşmiş Ştatlarının 34-cü prezidenti (1953-1961), ordu generalı (20 dekabr 1944). XIX əsrdə doğulmuş və I Dünya müharibəsi veteranı olan son ABŞ prezidenti. NATO Birləşmiş Qüvvələrinin ilk baş komandanı (1950-1952).

II Dünya müharibəsi dövründə 1944-cü il iyunun 6-da tarixdə ən böyük desantçıxarma əməliyyatı olan və ingilis-amerikan birləşmiş qoşunlarının Normandiya sahillərinə çıxarılmasını nəzərdə tutan Overlord əməliyyatına rəhbərlik etmişdir.

Onun hakimiyyət dövrü Koreya müharibəsində atəşkəs əldə olunması, SSRİ-yə təzyiqlərin güclənməsi, atom silahına böyük üstünlük verilməsi, kosmik yarışın başlaması, sosial müdafiə proqramının genişləndirilməsi, Ştatlararası Avtomagistral Sisteminin yaradılmasının təşkili ilə xarakterizə olunur.