Şuşa qalası

Şuşa qalası
Tikili haqqında məlumat
Orijinal adı	Şuşa qalası
Ölkə	Azərbaycan
Yeri	Şuşa
Tarixi	XVIII əsr
Tikdirəni	Pənahəli xan
Tikili	Qala
Tipi	Şəhər qala
Tikinti materialı	çay daşı, yumurta, əhəng məhlulu
Vəziyyəti	Ermənilər tərəfindən işğal edilib
Xəritədə yeri
	; Şuşa; Şuşa qalası

Azərbaycanın Şuşa şəhərini əhatə edən qala divarlarıdır.Qala uzun müddət ərzində şəhəri xarici müdaxilələrdən qorumuş,uzun müddət alınmazlıq simvolu olmuşdur.Ağa Məhəmməd şah Qacarın Cənubi Qafqaza yürüşü zamanı qala uzun müddət mühasirədə saxlanılsa da ələ keçirilə bilinməmişdir.

Şuşa qalasının əsasının nə zaman qoyulması haqqında dəqiq məlumat yoxdur.Mənbələr sadəcə bu qalanın monqolların Azərbaycana ikinci yürüşü zamanı dağıdıldığı haqqında məlumat verir.

Ərazi strateji baxımdan olduqca əlverişlidir.Belə ki,Şəki qalasında olduğu kimi Şuşa qalası da yüksək dağlıq ərazidə yerləşir.Qarabağ xanı Pənahəli xan Bayat qalası və Şahbulaq qalasının əlverişsiz coğrafi mövqeyini nəzərə alaraq 1753-cü ildə Şuşa qalasının bərpa edilməsi haqqında qərar verir və Qarabağ xanlığı mərkəzi bura köçürülür.Qala bərpadan sonra uzun müddət mənbələrdə Pənahabad adlandırılır.

Şuşa qalası Azərbaycan memarlığının ən gözəl incilərindən biridir.Qala Arran memarlıq məktəbi üslubunda inşa edilib.Qalanın tikilməsində əsasən yerli daşlardan və əhəng-yumurta sarısı qatışığından istifadə edilib.Qalanın üç qapısı var.Onlardan Gəncə qapısı öz yüksək memarlıq xüsusiyyətləri ilə seçilir.Qala dairəvi mühafizə bürclərinə malikdir.Qala yaxınlığında qalanı xarici aləmlə əlaqələndirən yüksək memarlıq keyfiyyətləri olan körpü də inşa edilib ki,bu körpü də Qala körpüsü kimi tanınır.