Azərbaycan–Pakistan münasibətləri

Vikipediya, açıq ensiklopediya
Keçid et: naviqasiya, axtar
Azərbaycan-Pakistan münasibətləri
Azərbaycan və Pakistan
Flag of Azerbaijan.svg Azərbaycan Flag of Pakistan.svg Pakistan

Azərbaycan–Pakistan münasibətləriAzərbaycan Respublikası ilə Pakistan İslam Respublikası arasındakı mövcud ikitərəfli əlaqələr.

Azərbaycan və Pakistan arasında öz qloballığı və regional məsələlərin oxşarlığı ilə xarakterizə edilən əlaqələr mövcuddur. Pakistan 1991-ci ildə Azərbaycanın müstəqilliyini Türkiyə və Rumıniyadan sonra tanıyan üçüncü ölkə olmuşdur.

Diplomatik əlaqələr[redaktə | əsas redaktə]

İki ölkə arasında diplomatik əlaqələr 1992-ci ilin iyun ayının 9-da qurulmuşdur[1].

Bundan az sonra Bakıda Pakistanın, 1997-ci ilin avqust ayında isə İslamabadda Azərbaycanın daimi nümayəndəliyi açılmışdır.

Dağlıq Qarabağ məsələsində Pakistan Azərbaycanı dəstəkləməkdə və müdafiə etməkdə davam edir. BMT qətnaməsinə əsaslanaraq Azərbaycan Respublikası da Pakistanı Kəşmir probleminin həll edilməsində dəstəkləyir.

Heydər Əliyev Fondunun təşəbbüsü ilə Pakistanın Müzəffərabad şəhərində tikilmiş orta məktəb[2][3][4]

Maraq doğuran bir sıra qarşılıqlı məsələlər üzrə bu iki ölkə arasında əməkdaşlıq mövcuddur. Pakistanın keçmiş prezidentinin 1995-ci ilin oktyabrında Azərbaycana səfəri və Azərbaycan Prezidenti Heydər Əliyevin 1996-cı ilin aprel ayında Pakistana unudulmaz səfəri zamanı iqtisadi, siyasi, mədəni sahələrdə əməkdaşlığa dair mühüm müqavilələr imzalandıqdan sonra iki ölkə arasındakı əlaqələr daha da möhkəmlənmişdir. Tez-tez baş verən yüksək səviyyəli qarşılıqlı səfərlər regional məsələlər üzrə iki ölkə arasında mövcud olan mövqelərin oxşarlığına və qarşılıqlı əlaqələrin daha da inkişaf etməsinə səbəb olur. Ölkələr müxtəlif sahələrdə ikitərəfləi əməkdaşlıq etmək üçün bir sıra mühüm sazişlər imzalayıb.

Yüksək səviyyəli qarşılıqlı səfərlər[redaktə | əsas redaktə]

  • 1995-ci il 9-11 oktyabr - Pakistan İslam Respublikasının Prezidenti Sərdar Faruq Əhməd Xan Leqari Azərbaycana rəsmi səfər etmişdir.
  • 1996-cı il 9-11 aprel - Prezident Heydər Əliyev Pakistana rəsmi səfər etmişdir.
  • 2004-cü il 8-10 iyul - Pakistan İslam Respublikasının Prezidenti Pərviz Müşərrəf Azərbaycana rəsmi səfər etmişdir.
  • 2005-ci il 12-13 aprel - Prezident İlham Əliyev Pakistana rəsmi səfər etmişdir.
  • 2012-cı il 13-16 oktyabr - Pakistan İslam Respublikasının Prezidenti Asif Əli Zərdari Azərbaycana işgüzar səfər etmişdir (İqtisadi Əməkdaşlıq Təşkilatının 12-ci Zirvə Toplantısı)

Parlamentlərarası əlaqələr[redaktə | əsas redaktə]

Azərbaycan Respublikasının Milli Məclisində Azərbaycan-Pakistan parlamentlərarası əlaqələr üzrə işçi qrupu fəaliyyət göstərir[5]. Bu işçi qrupu 7 mart 1997-ci il tarixində yaradılmış və ilk rəhbəri Mübariz Qurbanov olmuşdur[6]. 4 mart 2016-cı il tarixindən Zahid Oruc işçi qrupunun rəhbəridir[5].

2008-ci il 18-20 iyunda Pakistan Senatının sədri M.Sumro Azərbaycana səfər etmişdir (Azərbaycan Parlamentinin 90 illiyi münasibətilə keçirilmiş tədbir).

2013-cü il 11-12 fevralda Milli Məclisin sədri Oqtay Əsədov İqtisadi Əməkdaşlıq Təşkilatının Parlamentlərarası Assambleyasının 1-ci iclasında iştirak etmək üçün Pakistana işgüzar səfər etmişdir.

Rəsmi sənədlər[redaktə | əsas redaktə]

Azərbaycan Respublikası ilə Pakistan İslam Respublikası arasında 30 sənəd imzalanmışdır.

Mənbə[redaktə | əsas redaktə]

İstinadlar[redaktə | əsas redaktə]

  1. Azərbaycan Respublikası ilə diplomatik əlaqələr qurmuş dövlətlərin siyahısı. mfa.gov.az  (azərb.)
  2. Pakistanın Müzəffərabad şəhərində qızlar üçün orta məktəb, heydar-aliyev-foundation.org, Yoxlanılıb: 15 iyul 2014
  3. Heydər Əliyev Fondunun təşəbbüsü ilə Pakistanın Müzəffərabad şəhərində orta məktəb tikilib, sesqazeti.az, 20.09.2010, Yoxlanılıb: 15 iyul 2015
  4. Iftar Dinner hosted for beneficiaries of Edhi homes, onepakistan.com.pk, Yoxlanılıb: 17 iyul 2014
  5. 5,0 5,1 "Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında" Azərbaycan Respublikası Milli Məclisinin 4 mart 2016-cı il tarixli, 161-VQR nömrəli Qərarı. e-qanun.az  (azərb.)
  6. "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında" Azərbaycan Respublikası Milli Məclisinin 7 mart 1997-ci il tarixli, 256-I QR nömrəli Qərarı. e-qanun.az  (azərb.)

Xarici keçidlər[redaktə | əsas redaktə]

Vikianbarda Azərbaycan–Pakistan münasibətləri ilə əlaqəli mediafayllar var.