Azərbaycan–Belçika münasibətləri

Vikipediya, azad ensiklopediya
(Azərbaycan-Belçika münasibətləri səhifəsindən istiqamətləndirilmişdir)
Naviqasiyaya keçin Axtarışa keçin
Azərbaycan-Belçika münasibətləri
Azərbaycan və Belçika
 Azərbaycan  Belçika
Belçikadaki Azərbaycanin səfirliyi
Səfir Michel Peetermans
Ünvan Bakı, ISR Plaza, Nizami küçəsi, 69
Azərbaycandaki Belçikanin səfirliyi
Səfir Vaqif Sadıqov
Ünvan Brüssel, Tervüren prospekti, 282-284
Digər
Quruluş tarixi 17 iyun 1992
Dövriyyə 0,077 mlrd doll. (2022)

Azərbaycan–Belçika münasibətləriAzərbaycan Respublikası ilə Belçika Krallığı arasındakı mövcud ikitərəfli əlaqələr.

Tarixi[redaktə | mənbəni redaktə et]

AXC dövrü[redaktə | mənbəni redaktə et]

Azərbaycan Xalq Cümhuriyyəti dövründə Bakıda Qorçakovskaya küçəsi 19 ünvanında Belçikanın nümayəndəliyi yerləşmiş, nümayəndəliyə konsul Ayvazov rəhbərlik etmişdir[1].

Müasir dövr[redaktə | mənbəni redaktə et]

31 dekabr 1991-ci ildə Belçika Azərbaycanın müstəqilliyini tanıyıb.

Diplomatik əlaqələr[redaktə | mənbəni redaktə et]

İki ölkə arasında diplomatik əlaqələr 1992-ci ilin iyun ayının 17-də qurulmuşdur[2].

1995-ci ildə isə Azərbaycanın Belçikada səfirliyi açılıb.

Heydər Əliyev 3-5 may 1994, 1995 və 22-23 aprel 1996-cı illərdə Belçikada işgüzar səfərdə olub. Səfərin əsas məqsədi NATO ilə əməkdaşlıq məsələlərinin müzakirəsi idi. 13-15 aprel 1998-ci ildə Belçikanın baş naziri Jan Lük Deon Azərbaycana rəsmi səfər edib. 17-19 may 2004-cü ildə İlham Əliyev Aİ-nin ümumi məsələlər və xarici əlaqələr şurasının iclasında iştirak etmək və NATO-nun səlahiyyətli nümayəndələri ilə görüşmək üçün Belçika krallığına işgüzar səfər edib. 21-24 noyabr 2004-cü ildə Belçika Krallığı Silahlı Qüvvələrinin komandanı general O.Vandel Azərbaycanda səfərdə olub.

6-8 noyabr 2006-cı ildə İlham Əliyev Belçikada işgüzar səfərdə olub. Səfər zamanı İlham Əliyev ATƏT-in o vaxtkı sədri - Belçikanın XİN-i Karel de Quxt, Aİ şurasının Baş Katibi Xavyer Solana, Belçika senatının sədri, NATO-nun Baş Katibi ilə görüşüb. Noyabrın 7-də Brüsseldə AzərbaycanAvropa Birliyi enerji məsələləri üzrə strateji tərəfdaşlığa dair anlaşma memorandumu imzalanıb.

Aİ-nin əsas qərargahı Brüsseldə yerləşir və birlikdə əməkdaşlıq məsələləri ilə bağlı Azərbaycanın yüksək rəsmi şəxsi Belçikaya səfəri zamanı bu ölkənin ali rəhbərliyi ilə mütəmadi görüşmüşdür.

13 sentyabr 2006-cı ildə BMT Baş Asambleyasının 61-ci sessiyasının gündəliyinə "GUAM ölkələrində uzanmış münaqişələr və onların beynəlxalq sülhə, təhlükəsizliyə və inkişafa təsiri" adlı yeni bəndin əlavə edilməsi üçün Baş Assambleyasında keçirilmiş səsvermədə birtərəf qalıb. 21-26 noyabr, 2001-ci ildə Belçika parlamentinin Belçika-Azərbaycan parlamentlərarası dost qrupu Azərbaycanda səfərdə olub, Heydər Əliyev və digər rəsmi şəxslərlə görüşüb.

1-7 dekabr 2002-ci ildə Belçika Parlamentinin Belçika-Azərbaycan dostluq qrupunun rəhbərinin dəvəti ilə Milli Məclisin Azərbaycan-Belçika dostluq qrupu Belçika Krallığına səfər edib.

25 iyun 2005-ci ildə Azərbaycanın müstəqilliyinin 10 ili ilə əlaqədar Brüsselin "Art Kiosk" qalereyasında 12 azərbaycanlı rəssam Fərhad Fərzəliyevin rəsm əsərlərinin sərgisi keçirilib.

29 yanvar 2002-ci ildə Brüsselin "Palais des Beaux-Arts" sarayında muğan ustası Alim Qasımovun konserti keçirilib. Tədbir çərçivəsində fotoqraf F.Məmmədovun fotosərgisi və Azərbaycan milli mətbəxinin təqdimatı olub.

24-27 mart 2004-cü ildə BDU-nun rektoru Abel Məhərrəmovun rəhbərlik etdiyi nümayəndə heyəti Avropa Universitetləri Assosiasiyasının prezidenti E.Frankmentin dəvəti ilə Belçikaya səfər edib.

Konsulluq məsələləri Azərbaycan Respublikasının Belçikadakı və Belçikanın Türkiyə və Azərbaycandakı səfirlikləri vasitəsilə həyata keçirilir.

Parlamentlərarası əlaqələr[redaktə | mənbəni redaktə et]

Azərbaycan Respublikasının Milli Məclisində Azərbaycan-Belçika parlamentlərarası əlaqələr üzrə işçi qrupu fəaliyyət göstərir[3]. Bu işçi qrupu 7 mart 1997-ci il tarixində yaradılmış və ilk rəhbəri Eldar Namazov olmuşdur[4]. 4 mart 2016-cı il tarixindən Elxan Süleymanov işçi qrupunun rəhbəridir[3].

Belçika parlamentində isə Azərbaycanla dostluq qrupunun rəhbəri Filip Blanşardır.

Siyasi sahədə əməkdaşlıq[redaktə | mənbəni redaktə et]

4 oktyabr 2011-ci il tarixində Belçika Krallığının Xarici İşlər Nazirliyinin siyasi əlaqələr üzrə baş direktoru Geert Muyle Bakıya səfər etmiş və Azərbaycan Respublikası xarici işlər naziri Elmar Məmmədyarov, Xarici işlər nazirinin müavinləri Xələf Xələfov və Mahmud Məmməd-Quliyevlə görüşmüş, beynəlxalq və regional münasibətlər ətrafında fikir mübadiləsi aparılmışdır.

  1. "Azərbaycan Respublikası ilə Belçika Krallığı arasında gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergitutmadan yayınmanın qarşısının alınması haqqında Konvensiya".
  2. "Azərbaycan Respublikası Hökuməti və Belçika-Lüksemburq İqtisadi İttifaqı arasında sərmayələrin qarşılıqlı təşviqi və qorunması haqqında Saziş".
  3. "Azərbaycan Respublikası Hökuməti və Belçika Krallığı Hökuməti arasında gömrük məsələləri üzrə qarşılıqlı inzibati yardımın göstərilməsi haqqında ikitərəfli Saziş".
  4. "Azərbaycan Respublikası Hökuməti və Belçika Krallığı Hökuməti arasında hava əlaqələri haqqında Saziş". 13 aprel 1998-ci ildə imzalanmış, 4 dekabr 1998-ci ildə təsdiq edilmişdir.

İqtisadi sahədə əməkdaşlıq[redaktə | mənbəni redaktə et]

Əmtəə dövriyyəsi (min doll.)[redaktə | mənbəni redaktə et]

Ticarət əlaqələri 2008-ci il 2009-cu il 2010-cu il 2011-ci il
Xarici ticarət dövriyyəsi 60.86 74.1 45 786.7 59 729.1
İdxal 59.8 57.1 44 500.0 56 840.2
İxrac 1.06 17 1286.7 2 880.9
Ticarət saldosu -58.74 -40 -43 213.3 -53 959.3
İl İxrac Idxal Ümumi dövriyyəsi
2020[5] 1 174,23 48 406,36 49 580,59
2021[6] 33 156,47 58 343,17 91 499,64
2022[7] 11 041,12 66 307,60 77 348,72

İdman sahəsində əməkdaşlıq[redaktə | mənbəni redaktə et]

Futbol qarşılaşmaları[redaktə | mənbəni redaktə et]

Azərbaycan–Belçika, 2 sentyabr 2011

Həmçinin bax[redaktə | mənbəni redaktə et]

Mənbə[redaktə | mənbəni redaktə et]

İstinadlar[redaktə | mənbəni redaktə et]

  1. Xarici dövlətlərin Bakıda yerləşən nümayəndəlikləri Arxivləşdirilib 2018-05-27 at the Wayback Machine. axc.preslib.az  (az.)
  2. Azərbaycan Respublikası ilə diplomatik əlaqələr qurmuş dövlətlərin siyahısı Arxivləşdirilib 2017-08-05 at the Wayback Machine. mfa.gov.az  (az.)
  3. 3,0 3,1 "Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında" Arxivləşdirilib 2017-11-25 at the Wayback Machine Azərbaycan Respublikası Milli Məclisinin 4 mart 2016-cı il tarixli, 161-VQR nömrəli Qərarı. e-qanun.az  (az.)
  4. "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında" Arxivləşdirilib 2019-07-01 at the Wayback Machine Azərbaycan Respublikası Milli Məclisinin 7 mart 1997-ci il tarixli, 256-I QR nömrəli Qərarı. e-qanun.az  (az.)
  5. "AR Xarici ticarətin gömrük statistikasi 2020" (PDF). AR Dövlət Gömrük Kömitəsi Rəsmi sayti (az.). 2021-11-06 tarixində arxivləşdirilib (PDF). İstifadə tarixi: 2022-08-16.
  6. "AR Xarici ticarətin gömrük statistikasi 2021" (PDF). AR Dövlət Gömrük Kömitəsi Rəsmi sayti (az.). 2022-01-31 tarixində arxivləşdirilib (PDF). İstifadə tarixi: 2022-08-16.
  7. AR Dövlət Gömrük Kömitəsi Rəsmi sayti. ""AR Xarici ticarətin gömrük statistikasi 2022"" (PDF). customs.az. 2023-02-18 tarixində arxivləşdirilib (PDF). İstifadə tarixi: 2023-02-18.

Xarici keçidlər[redaktə | mənbəni redaktə et]