Azərbaycan Respublikasının İqtisadiyyat Nazirliyi

Vikipediya, açıq ensiklopediya
Jump to navigation Jump to search
İqtisadiyyat Nazirliyi
Azərbaycan Respublikası İqtisadiyyat Nazirliyi
Emblem of Azerbaijan.svg
Ölkə: Flag of Azerbaijan.svg Azərbaycan
Yaradılıb: 15 yanvar 2016
Tabeçilik: Azərbaycan Respublikası Prezidenti
Ünvan: Ü.Hacıbəyov, 40, Hökumət evi, Bakı, Azərbaycan
Əvvəlki Azərbaycan SSR Dövlət Plan Komitəsi * Dövlət İqtisadiyyat və Planlaşdırma Komitəsi * İqtisadiyyat Nazirliyi * İqtisadi İnkişaf Nazirliyi
Rəhbərlik
Rəhbər: Şahin Mustafayev
Müavin: Niyazi Səfərov
Sevinc Həsənova
Sayt
economy.gov.az

Azərbaycan Respublikasının İqtisadiyyat Nazirliyi — Azərbaycan Respublikasının iqtisadi siyasətini, iqtisadi və sosial proqnozlarını işləyib hazırlayan, iqtisadiyyatın ayrı-ayrı sahələrinin, o cümlədən sənayenin inkişafı, ölkə iqtisadiyyatında struktur və innovasiya, investisiya fəaliyyəti, investisiyaların cəlb edilməsi, qoyulması və təşviqi, sahibkarlığın inkişafı, sahibkarlığa dövlət dəstəyi, rəqabətin qorunması, inkişafı və təşviqi, haqsız rəqabətin aradan qaldırılması, istehlakçıların hüquqlarının qorunması, daxili ticarət, xarici iqtisadi və ticarət əlaqələri, regionların sosial-iqtisadi inkişafı və mənzil-kommunal təsərrüfatı sahələrində dövlət siyasətini və tənzimlənməsini həyata keçirən mərkəzi icra hakimiyyəti orqanı

Nazirlik Azərbaycan Respublikası Prezidentinin 15 yanvar 2016-cı il tarixli sərəncamı ilə Azərbaycan Respublikasının İqtisadiyyat və Sənaye Nazirliyinin əsasında yaradılıb. Bundan əvvəl, 22 oktyabr 2013-cü il saylı sərəncamla Azərbaycan Respublikası İqtisadi İnkişaf Nazirliyinin əsasında Azərbaycan Respublikasının İqtisadiyyat və Sənaye Nazirliyi yaradılmışdı.

Haqqında[redaktə | əsas redaktə]

Heydər Əliyevin 30 aprel 2001-ci il tarixli, 475 nömrəli Fərmanına əsasən, Dövlət Əmlakı Nazirliyi, İqtisadiyyat Nazirliyi, Ticarət Nazirliyi, Dövlət Antiinhisar Siyasəti və Sahibkarlığa Kömək Komitəsi və Xarici İnvestisiyalar Agentliyi ləğv edilmiş, onların bazasında İqtisadi İnkişaf Nazirliyi yaradılmışdır.

İqtisadi İnkişaf Nazirliyi Azərbaycan Respublikasının iqtisadi siyasətini, iqtisadi və sosial proqnozlarını işləyib hazırlayan, iqtisadiyyatın ayrı-ayrı sahələrinin inkişafı, xarici iqtisadi və ticarət əlaqələri, investisiya fəaliyyəti, investisiyaların cəlb edilməsi, qoyulması və təşviqi, daxili ticarət, sahibkarlığın inkişafı və sahibkarlığa dövlət yardımı, rəqabətin inkişafı və təşviqi, o cümlədən haqsız rəqabətin aradan qaldırılması, istehlakçıların hüquqlarının qorunması, ölkə iqtisadiyyatında struktur və innovasiya sahəsində dövlət siyasətini işləyib hazırlayan və həyata keçirən, fəaliyyət dairəsinə aid olan məsələlər üzrə normativ hüquqi tənzimlənməni və müvafiq fəaliyyət sahələri üzrə dövlət nəzarətini həyata keçirən mərkəzi icra hakimiyyəti orqanıdır.

Nazirliyin Əsasnaməsində nəzərdə tutulan vəzifələrini və hüquqlarını həyata keçirərkən Azərbaycan Respublikasının mərkəzi, yerli icra hakimiyyəti və yerli özünüidarəetmə orqanları ilə, habelə beynəlxalq və qeyri-hökumət təşkilatları ilə qarşılıqlı əlaqədə fəaliyyət göstərir.

Nazirliyin tabeliyində Antiinhisar Siyasəti və İstehlakçıların Hüquqlarının Müdafiəsi Dövlət Xidməti, Sahibkarlığa Kömək Milli Fondu, İqtisadi İslahatlar Elmi-Tədqiqat İnstitutu, Bakı Biznes Tədris Mərkəzi, regional bölmələr Abşeron, Aran, Dağlıq Şirvan, Quba-Xaçmaz, Gəncə-Qazax, Lənkəran, Şəki-Zaqatala, Yuxarı Qarabağ regional bölmələri vardır.

Naxçıvan Muxtar Respublikasının müvafiq iqtisadi orqanı (Naxçıvan Muxtar Respublikasının İqtisadi İnkişaf Nazirliyi) İqtisadi İnkişaf Nazirliyinin sisteminə daxildir.

Dövlet basçisinin 19 oktyabr 2015-ci il tarixli "Sahibkarliq fealiyyetinin xüsusi raziliq( lisenziya) teleb olunan novlerinin sayinin azaldilmasi, xüsusi raziliq( lisenziya) verilmesi prosedurlarinin sadelesdirilmesi ve seffafliginin temin olunmasi haqqinda"Fermani ile verilmis tapsiriga esasen lisenziya teleb olunan fealiyyet növlerinin sayinin minimuma endirilmesi ve dövlet tehlükesizliyinden ireli gelen hallarla bagli lisenziya teleb olunan fealiyyet növlerinin müeyyen olunmasi ile bagli yeni teklifler hazirlandi.

Hazirda lisenziyalarin verilmesi "ASAN xidmet " merkezlerinde heyata keçirilir.[1]

Nazirliyin fəaliyyətinin təşkili[redaktə | əsas redaktə]

Nazirliyin aparatı, onun strukturuna daxil olan qurumlar və strukturuna daxil olmayan tabeliyindəki digər qurumlar (hüquqi şəxslər, təşkilatlar və sair), habelə Naxçıvan Muxtar Respublikasının müvafiq iqtisadi orqanı Nazirliyin vahid sistemini təşkil edir. Nazirik öz fəaliyyətini bilavasitə və həmin qurumlar vasitəsilə həyata keçirir. Nazirliyin strukturu, Nazirliyin aparatının və strukturuna daxil olan qurumların işçilərinin ümumi say tərkibi Azərbaycan Respublikasının Prezidenti tərəfindən müəyyən edilir. Nazirliyin strukturuna daxil olmayan tabeliyindəki digər qurumların (hüquqi şəxslərin, təşkilatların və sair) siyahısını Azərbaycan Respublikasının Nazirlər Kabineti təsdiq edir. Nazirliyin fəaliyyətinə Azərbaycan Respublikasının Prezidenti tərəfindən vəzifəyə təyin və vəzifədən azad edilən Azərbaycan Respublikasının iqtisadiyyat naziri rəhbərlik edir. Nazir Nazirliyə həvalə olunmuş vəzifələrin yerinə yetirilməsi və hüquqların həyata keçirilməsi üçün şəxsən məsuliyyət daşıyır. Nazirin Azərbaycan Respublikasının Prezidenti tərəfindən vəzifəyə təyin və vəzifədən azad olunan beş müavini vardır [2].

Nazirliyin əsas vəzifələri[redaktə | əsas redaktə]

  • ölkənin iqtisadi və sosial inkişafının əsas istiqamətlərini hazırlamaq, aidiyyəti dövlət orqanlarının iştirakı ilə onların həyata keçirilməsini təmin etmək;
  • ölkənin sosial-iqtisadi vəziyyətini, inkişaf dinamikasını təhlil etmək, proqnozlaşdırmaq, iqtisadiyyatın dövlət tənzimlənməsi, iqtisadi və sosial inkişafın prioritet istiqamətləri barədə təkliflər hazırlamaq və aidiyyəti dövlət orqanlarına təqdim etmək;
  • aidiyyəti dövlət orqanları ilə birlikdə toplu maliyyə və tədiyə balanslarını proqnozlaşdırmaq;
  • dövlət büdcəsinin formalaşdırılması üçün ölkənin iqtisadi və sosial inkişafının proqnoz göstəricilərini hazırlamaq və aidiyyəti üzrə təqdim etmək;
  • ölkə iqtisadiyyatında, o cümlədən sənayesində struktur siyasətinin əsas istiqamətlərini hazırlamaq və aidiyyəti dövlət orqanları ilə birlikdə həyata keçirilməsini təmin etmək;
  • iqtisadiyyatda, o cümlədən sənayedə innovasiya və elmi-texniki siyasətin formalaşmasını aidiyyəti dövlət orqanları ilə birlikdə təmin etmək;
  • aidiyyəti dövlət orqanları ilə birlikdə ölkənin iqtisadi və ərzaq təhlükəsizliyi ilə bağlı tədbirlər hazırlamaq və həyata keçirmək;
  • dövlət idarəetməsi, maliyyə, o cümlədən dövlət büdcəsi, vergi, pul-kredit və valyuta, bank, sığorta, qiymətli kağızlar bazarı, qiymət-tarif və digər sahələrdə dövlət siyasətinin işlənib hazırlanmasında və tənzimlənməsində, prioritetlərin müəyyən olunmasında iştirak etmək;
  • ölkənin sosial siyasətinin, o cümlədən sosial sahələrin inkişafına dövlət dəstəyi mexanizmlərinin işlənib hazırlanmasında və həyata keçirilməsində iştirak etmək;
  • aidiyyəti dövlət orqanları ilə birlikdə minimal sosial standartların hazırlanmasında iştirak etmək;
  • əmək ehtiyatları və məşğulluq sahəsində əsas istiqamətlərin müəyyənləşdirilməsi və həyata keçirilməsi üçün aidiyyəti dövlət orqanları ilə birlikdə tədbirlər görmək;
  • qiymət-tarif siyasətinin ümumi prinsiplərinə, dövlət tərəfindən qiymətləri tənzimlənən malların (işlərin, xidmətlərin) siyahısına, o cümlədən sosial əhəmiyyətli və təbii inhisar subyektlərinin məhsullarının qiymətlərinin tənzimlənməsinə, habelə tənzimlənən qiymətlərin formalaşdırılmasına dair təkliflər vermək, tətbiqi qaydalarına nəzarəti həyata keçirmək, ayrı-ayrı sahələr üzrə müəssisə və təşkilatlara, investorlara güzəştlərin verilməsinə dair təkliflər hazırlamaq və aidiyyəti üzrə təqdim etmək;

Xarici keçidlər[redaktə | əsas redaktə]

  1. "ASAN xidmet " merkezlerinde lisenziyalarin verilmesi
  2. e-qanun.az