Həsən Əliyev (güləşçi)

Vikipediya, azad ensiklopediya
Naviqasiyaya keç Axtarışa keç
Eyni ad-soyadlı akademik üçün baxın: Həsən Əliyev (akademik)
Həsən Əliyev
Həsən Əliyev 2021-ci ildə
Həsən Əliyev 2021-ci ildə
Şəxsi məlumatlar
Tam adı Həsən Həsən oğlu Əliyev
Vətəndaşlığı Azərbaycan Azərbaycan
Doğum tarixi 14 noyabr 1989(1989-11-14) (35 yaş)
Doğum yeri
Boyu 168 sm. (5 ft 6 in)
İdman növü Güləş
Karyera illəri 1997—2019
Məşqçisi Vaqif Feyzullayev
Komandası Neftçi İdman Klubu
Medallar
Vikianbarın loqosu Vikianbarda əlaqəli mediafayllar

Həsən Əliyev (14 noyabr 1989, Qazax) — Azərbaycanı təmsil edən yunan-roma güləşçisi və məşqçisi, 2010-cu il Avropa Çempionatının və Dünya Çempionatının qalibi.[1]

Karyerası

[redaktə | mənbəni redaktə et]

Həsən Əliyev 2006-cı ilin iyulunda İstanbulda yeniyetmələr arasında Avropa Çempionatının final görüşündə məğlub olaraq turnirin gümüş medalına sahib oldu.[2] 2007-ci il ərzində gənclər arasında Dünya və Avropa Çempionatlarında uğursuz çıxış edən Həsən Əliyev 2008-2010-cu illərdə Azərbaycan idmanı tarixində bir sıra uğurlara imza atdı.[2]

Həsən Əliyev 2008-ci ilin iyulunda Kosiçe şəhərində gənclər arasında Avropa Çempionatının qalibi oldu.[2] Həsən Əliyev 2009-cu ilin iyununda növbəti dəfə gənclər arasında Avropa Çempionatının qalibi olan Həsən Əliyev həmin ilin avqustunda gənclər arasında Dünya Çempionatının da qızıl medalına sahib oldu.[2]

Karyerasının zirvəsu isə 2010-cu ildə oldu.[2] Həsən Əliyev ilin əvvəlində, yanvarda İstanbul şəhərində Vəhbi Əmri Turnirinin, martda isə Sombatxey şəhərində Macarıstan Qran-Prisinin qalibi oldu.[2] Apreldə Azərbaycanda baş tutan Avropa Çempionatında bütün rəqibləri üzərində qələbə qazanan Həsən Əliyev Avropa çempionu adına sahib oldu.[2] İyulda Qızıl Qran-Pri beynəlxalq turnirində də qızıl medala sahib olan Həsən Əliyev sentyabrda Rusiyada baş tutan Dünya Çempionatında da bütün rəqibləri üzərində qələbə qazanaraq turnirin qalibi oldu.[2] Bir il ərzində Dünya və Avropa Çempionatıda daxil olmaqla mübarizə apardığı bütün beynəlxalq turnirlərdə qələbə qazanan Həsən Əliyev Dünya və Avropa çempionu olan birinci azərbaycanlı yunan-roma güləşçisi oldu.[2]

2011-ci ildə Həsən Əliyev Almaniyanın Dortmund şəhərində baş tutan Avropa Çempionatını bürünc medalla başa vurdu.[2] İyulda Qızıl Qran-Pri beynəlxalq turnirinin qalibi olan Həsən Əliyev sentyabrda İstanbul şəhərində Dünya Çempionatını yeddinci pillədə başa vurdu.[2]

Həsən Əliyev 2012-ci ildə də uğurlu çıxış eləmədi.[2] Yanvarda İstanbul Qran-Prisini 11-ci pillədə başa vuran Həsən Əliyev iyunda Almaniya Qran-Prisinin gümüş medalına sahib oldu.[2] Avqustda isə Həsən Əliyev Azərbaycanı London şəhərində (Birləşmiş Krallıq) baş tutan XXX Yay Olimpiya Oyunlarında təmsil etdi.[2]

−60 Kq. turnirində çıxış edən 22 yaşlı Həsən Əliyev Dünya və Avropa Çempionatlarının qalibi idi və Azərbaycan yığmasının əsas medal ümidlərindən biri hesab olunurdu.[2] Həsən Əliyev olimpiadanın 1/8 final mərhələsində Norveç nümayəndəsi Stig Andre-Berge ilə üz-üzə gəldi.[3] Görüşün birinci hissəsində Əliyev 1:0, növbəti hissəsində isə Berge 1:0 hesabları ilə qalib gəldi.[3] Həlledici hissədə isə Həsən Əliyev rəqibi üzərində 2:0 hesabı ilə qələbə qazandı və nəticədə turnirin 1/4 final mərhələsinə adladı.[3] Bu mərhələdə onun rəqibi 2004-cü il Afina Olimpiadasının qalibi Cənubi Koreya nümayəndəsi Yun Yu-Hyun oldu.[3] Həmin görüşdə Həsən Əliyev rəqibinə 2:0 (2:0, 1:0) hesabı ilə qalib gəldi və olimpiadanın yarım-final mərhələsinə adladı.[3] Finala gedən yolda onun rəqibi Avropa Çempionatının qalibi Gürcüstan nümayəndəsi Revaz Laşxi oldu.[3] Gərgin idman mübarizəsi şəraitində baş tutan görüşün birinci hissəsində Əliyev 1:0, növbəti hissəsində isə Laşxi 4:0 hesabları ilə qalib gəldi.[3] Həlledici hissədə isə rəqibinə minimal hesabla məğlub olan Həsən Əliyev mübarizəsini bürünc medal uğrunda görüşdə davam etdi.[3] Bu görüşdə onun rəqibi Rusiya nümayəndəsi Zaur Kuraməhəmmədov oldu.[3] Nəticədə Həsən Əliyev rəqibinə 0:2 (0:2, 0:4) hesabı ilə məğlub oldu və London Olimpiadasını beşinci pillədə başa vurdu.[3]

Olimpiadadan sonra Həsən Əliyev Qızıl Qran-Pri beynəlxalq turnirini onuncu pillədə başa vursa da, 2012-ci ili Rusiyada Oleq Karavayev beynəlxalq turnirinin qalibi olmaqla başa vurdu.[2]

Həsən Əliyevin uğursuz çıxışı 2013-cü ildə də davam etdi.[2] Martda Gürcüstanın Tbilisi şəhərində baş tutan Avropa Çempionatının bürünc medalına sahib olan Həsən Əliyev iyulda İspaniya Qran-Prisinin qalibi olsa da, sentyabrda Budapeşt şəhərində (Macarıstan) Dünya Çempionatını beşinci pillədə başa vurdu.[2]

2014-cü ildə isə Həsən Əliyev apreldə Finlandiyanın Vantaa şəhərində baş tutan Avropa Çempionatının final görüşündə məğlub olaraq turnirin gümüş medalına sahib oldu.[2] İyulda Qızıl Qran-Pri beynəlxalq turnirinin qalibi olan Həsən Əliyev sentyabrda Dünya Çempionatında növbəti dəfə medalın bir addımlığında məğlub olaraq turniri beşinci pillədə başa vurdu.[2]

2015-ci il də Həsən Əliyev üçün uğurlu olmadı.[2] İyunda Azərbaycanda baş tutan Avropa Oyunlarının bürünc medalına sahib olan Həsən Əliyev sentyabrda Dünya Çempionatını 30-cu pillədə başa vurdu.[2] Noyabrda Qızıl Qran-Pri beynəlxalq turnirində də uğursuz çıxış edən Həsən Əliyev turnirin bürünc medalına sahib oldu.[2]

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən I Avropa Oyunlarında qazandığı nailiyyətlərə və Azərbaycan idmanında xidmətlərinə görə Həsən Həsən oğlu Əliyev "Tərəqqi" medalı ilə təltif edildi.[4]

2016-cı ilin martında Latviyanın Riqa şəhərində Avropa Çempionatının bürünc medalına sahib olan Həsən Əliyev sentyabrda hərbçilər arasında Dünya Çempionatının, noyabrda da Qızıl Qran-Pri beynəlxalq turnirinin qalibi oldu.[2] İlin sonunda isə Macarıstamın Budapeşt şəhərində baş tutan Dünya Çempionatını bürünc medalla başa vurdu.[2]

2017-ci ildə isə Həsən Əliyev üçün uğursuz oldu.[2] Martda İstanbulda Vəhbi Əmri beynəlxalq turnirinin bürünc medalına sahib olan Həsən Əliyev həmin il Dünya və Avropa Çempionatlarını müvafiq olaraq 7-ci və 26-cı pillələrdə başa vurdu.[2]

2018-ci ildə Həsən Əliyevin yeganə uğuru mayda Rusiyada baş tutan hərbçilər arasında Dünya Çempionatının qalibi olmaq oldu.[2] 2019-cu ildə isə Həsən Əliyev Çində Hərbçilərin Dünya Oyunlarının gümüş medalına sahib olduqdan sonra idmanla vidalaşdı.[2]

Karyerasını başa vurduqdan sonra Həsən Əliyev yunan-roma güləşi üzrə Azərbaycan yığmalarında baş məşqçi və məşqçi olaraq çalışdı.

Nəticələri

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ Olympedia.org. "Həsən ƏLİYEV". www.olympedia.org (ingilis). 2022-08-30. 2022-06-04 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 International Wrestling Database. "HASAN ALIYEV". www.iat.uni-leipzig.de (ingilis). 2022-08-04. 2016-02-15 tarixində arxivləşdirilib. İstifadə tarixi: 02.08.2022.
  3. ↑ 1 2 3 4 5 6 7 8 9 10 Olympedia.org. "2012 Summer Olympics / Wrestling / Lightweight (60 Kilograms) / Greco-Roman / Men". www.olympedia.org (ingilis). 2022-08-30. İstifadə tarixi: 30.08.2022.[ölü keçid]
  4. ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
Mənbə — "https://az.wikipedia.org/w/index.php?title=Həsən_Əliyev_(güləşçi)&oldid=7757042"