Madaqaskar 3: Avropanın ən çox axtarılanları

Vikipediya, açıq ensiklopediya
Jump to navigation Jump to search
Madaqaskar 3: Avropanın ən çox axtarılanları
ing. Madagascar 3: Europe's Most Wanted
Madagascar 3 Europe's Most Wanted.jpg
Rejissor Erik Darnell
Konrad Vernon
Tom MakQrat[1]
Prodüser Mirey Soriya
Mark Svift
Ssenari müəllifi Noy Baumbax
Rolları səsləndirənlər Ben Stiller
Kris Rok
Devid Şvimmer
Cada Pinkett Smit
Saşa Baron Koen
Tom MakQrat
Konrad Vernon
Frensis MakDormend
Con Di Macio
Martin Şort
Bəstəkar Hans Tsimmer
Dil İngilis dili
Norveç dili
Ölkə Flag of the United States.svg ABŞ
StudiyaDreamWorks Animation
Pacific Data Images
DistribüsiyaParamount Pictures
Davametmə müddəti 93 dəqiqə
İl2012
İlk baxışFlag of France.svg 18 may 2012
Büdcə$145 milyon
Gəlir$746,921,274 milyon[2]
ƏvvəlkiMadaqaskar 2
ID 1277953
Xarici keçidlər

Madaqaskar 3: Avropanın ən çox axtarılanları (ing. Madagascar 3: Europe's Most Wanted) — 6 iyun 2012-ci ildə istehsal edilmiş qısametrajlı animasiya filmidir.[3][4][5][6] Filmin rejissorları Erik Darnell, Konrad Vernon və Tom MakQratdır.[7][8][9][10]

"DreamWorks" kompaniyasının başçısı Ceffi Katsenberqin[11] sözlərinə görə ikinci filmin prokata satışının uğurundan sonra üçüncü filmin üzərində işləməyə başlamışdır. Filmin rejissoru Tom Makqrat deyir ki, mütləq cizgi filminin baş qəhrəmanlarını Mərkəzi Nyu-York parkına[12] geri qaytaracaqdır. Cizgi filmi 3D formatında çəkilmişdir.[13]

"Madaqaskar 3: Avropanın ən çox axtarılanları" animasiyasının mövzusu əvvəlki frenşizalara yaxındır. Baş qəhrəmanlar Aleks, Marti, Melman və Qloriya doğma Mərkəzi Nyu York Zooparkına geri qayıtmaq niyyətindədirlər. Lakin onların bu planlarına Kapitan Şantell Dübua mane olur. Bu səbəbdən baş qəhrəmanlar bütün Avropa yollarını keçəcək sirk heyətinə qoşulurlar. Baş qəhrəmanlar uzun müddət davam edən əhvalatlarla qarşılaşdıqdan sonra artıq sirkı doğma evlər kimi görür və geri qayıtmırlar.

"Madaqaskar 3: Avropanın ən çox axtarılanları" animasiya filminin büdcəsi $145 milyon ABŞ dollarıdır. ABŞ-da göstərilən ilk gün $20,5 milyon dollar əldə etmişdi. Bu isə birinci ($13,9 milyon) və ikinci ($17,6 milyon) seriyalardan nisbətən çox idi. İlk həftədə isə $60,3 milyon ABŞ dolları gəlir toplamışdı. Bu gəlir isə ilk seriyadan nisbətən çox ($47,2 milyon), ikinci seriyadan ($63,1 milyon) isə az idi.[14] Beləcə, bu animasiya ilk iki uikenddə ən çox gəlirən gətirən filmlər arasında birinci yer tuturdu.[15] Dünya ölkələrində baxıldıqdan sonra animasiyanın gəliri $746 921 274 milyona çatmışdı. Əldə etdiyi gəlirə görə "Ən çox gəlir gətirən qısametrajlı cizgi filmləri" və "Ən çox gəlir gətirən filmlər" sırasında mühüm yerlərdən birini tutur.[2] Animasiya tənqidçilər tərəfindən müsbət qarşılanmış və yüksək səs toplamışdır.

Məzmun[redaktə | əsas redaktə]

Animasiyanın qəhrəmanları şir Aleks, zebr Marti, begemot Qloria və zürafə Melman hələ də Nyu-Yorka, kimi doğma zooparklarına qayıtmağa çalışırlar. Aleks çoxlu qarabasmalar görür. Aleks xəyallardan ayılaraq Marti və Qloriya kömək vasitəsilə Nyu-Yorka geri qayıtmağı təklif edir. Bunun üçün onların ilk olaraq pinqvinlərə ehtiyacları vardır. Qəhrəmanlar onlara kömək edən yeganə məxluqlara Pinqvinlərə müraciət etməyə qərara gəlirlər. Beləliklə, Monte-Karloya səyahət edən ayrılmaz dostlar burada pinqvinlərlə yanaşı, Kral Culian, meymunlar və yenicə qoşulmuş bir lama ilə də rastlaşırlar. Elə burada, gözlənilməz bir səhv ilə insanları qorxudan vəhşilər, heyvan nəzarətçiləri tərəfindən axtarılmağa başlanılır. 4 çılğın pinqvin, 2 meymun, 3 lemur, şir, zebra, begemot, zürafə və lama. Bu səs-küylü dəstə Avropanın diqqətini öz üzərlərinə çəkmədən aradan çıxa bilmirlər. Onlar Kazinodan Pinqvinlərin təyyarəsi ilə qaçırlar. Lakin bu təyyarə yolda qəzaya uğrayır. Qəza Fransa yaxınlığında baş verir. Axtarışlardan qaçan Madaqaskarlılar, köçəri sirk heyətinə qoşulmalı olurlar. Bunun üçün onlar sirk heyətinin qatarı ilə yola düşürlər. Burada qəhrəmanlar özlərinin sirk heyətinin üzvləri olduğunu başa düşürlər.

Sirk heyətində Vitali adında pələng, bəbir Cia, itlər və fillər vardır. Şimpanzelər sirki sahibindən satın alırlar. Bu səbəbdən qəhrəmanlar onlar üzərində nəzarəti götürürlər. Culian Ayı Sonyaya aşiq olur. Dübua Aleksin sirk heyətində gizlənməsini başa düşür. Dübua qəhrəmanlar kimi qatara atlanır. Qatar Roma şəhərinə gedir. Şəhərdə əyləncə üçün hamı hazırlıq işlərini görür. Kral Culian XIII Sonya ilə gəzintiyə çıxır. Dübua qəhrəmanları izləməyə başlayır. Lakin motosiklet qaçırdığına görə tutulur. Tamaşa zamanı qəhrəmanlar çox pis çıxış edirlər. Bir müddət sonra Dübua həbsdən qaçır və kompüterdə Aleks haqqında informasiyanı tapır. Stefano Aleksə Vitalinin üzükdən atlanan zaman bütün bədənini zədələməsi haqqında danışır. Bu səbəbdən sirkin vəziyəti daha da pis görünür. Aleks sirk heyətinin Londonda çıxışını hazırlayır. Tamaşa zamanı sirk heyəti tamaşanı ifa etməyə başlayır. Tamaşa böyük uğur qazanır. Tamaşa qurtardıqdan sonra Dübua yenədə Aleksi qaçırmaq istəyir. Lakin bu zaman pinqvinlər ona odlu silahdan atəş açırlar. Hamı başa düşür ki, qəhrəmanlar zooparkdan olan heyvanlardılar. Qəhrəmanlar qəzəblənməyə başlayırlar.

Nəhayət, sirk heyəti və qəhrəmanlar Nyu-York şəhərinə geri dönürlər. Bir müddət keçdikdən sonra sirk ustaları qəhrəmanların burada olmadıqlarından narahatlanmağa başlayırlar. Çünki qəhrəmanlarsız sirk heyəti tamaşanın öhtəsindən gələ bilmir. Bu müddət ərzində qəhrəmanlar Mərkəzi Zoopark parkına gəlirlər. Bir müddət sonra onlar başa düşürlər ki, Madaqaskardan bura gələnə kimi yol boyu baş verən əhvalatlar onların həyat tərzini bərk dəyişdirmişdir və burada sakit həyat sürə bilməzlər. Bu səbəbdən onlar sirk heyətinə geri dönməlidilər. Amma qadın Kapitan Şantel Dübua bu müddət ərzində vaxtını boş yerə sərf etmir. Dübua və onun dostları qəhrəmanlara yuxu dərmanı vururlar. Bu zaman zoopark mühafizəçiləri bura gəlirlər. Zoopark mühafizəçiləri Aleksin bura dönməsini çoxdan gözləyirdilər. Onlara elə gəlir ki, məhz Dübuanın səyləri nəticəsində qəhrəmanlar bura gəlmişlər və bu səbəbdən ondan razı qalırlar. Yaralanmış Culian sirkə çataraq dördlük qrupunun başına gələn hadisələr haqqında pinqvinlərə xəbər verir. Pinqvinlər başa düşürlər ki, dördlük qrupu tələyə düşmüşlər. Cia yeni dostlarının tələyə düşdüyünü eşidən kimi sirk heyətinin dördlük qrupunu xilas etməsinə səy göstərir.

Bu müddətdə Aleks ayılan kimi başa düşür ki, özü və dostları tələyə düşmüşlər. Nyu-York şəhərinin meri Dübuanı milyon dollarla mükafatlandırır. Lakin Dübua tamaşaçılara qeyd edir ki, Aleksin kəlləsi lazımdır. Dübua Aleksə xüsusi silahla atəş açır. Bu zaman Cia Aleksi xilas edir. Bu müddətdə sirk heyəti zooparka gəlib çatırlar. Sirk heyəti Dübuanı məğlub etmək üçün müxtəlif oyunlar göstərirlər. Dübua buradan qaça bilməyən Stefanonu öldürmək niyyətindədir. Lakin bu zaman Aleks Stefanonu xilas edir və həmkarları ilə birgə Dübuanı məğlub edir. Dübuaya yuxu dərmanı vurulur və Aleks həmkarları ilə birgə bu yerdən uzaqlaşır.

Animasiyanın sonunda isə qəhrəmanlar Nyu-Yorka qayıtmaq istəmirlər. Artıq qəhrəmanlar başa düşürlər ki, sirk onların evidir. Onlar azadlığı seçərək, sirk heyəti ilə səyahət etməyə başlayırlar. Bu müddətdə isə Dübua və onun dostları Madaqaskar adasına yollanırlar. Bu səhnə daha çox animasiyanın birinci hissəsi olan Madaqaskar animasiyasında dördlüyün Madaqaskar adasına yollandığı səhnəyə bənzəyir.

Rollarda[redaktə | əsas redaktə]

Aktyor/aktrisa Rol Qeydlər
Ben Stiller[16] Aleks Şir
Kris Rok Martin Zebra
Devid Şvimmer Melman Zürafə
Cada Pinkett Smit Qloriya Hippopotam
Frensis MakDormend Kapitan Şantell Dübua[17] Heyvan Nəzarət Komitəsinin lideri
Saşa Baron Koen Kral Culian XIII Lemur
Sedrik "Əyləndirən" Moris əlayaqlılar sinfinə daxil olan heyvan
Endri Rixter Mort Lemur
Konrad Vernon Meyson Şimpanze
Tom MakQrat Şkiper Pinqvinlər komandasının lideri
Con Di Macio Riko Pinqvinlərdən biri
Kris Miller Kovalski Pinqvinlərdən biri
Kristofer Nayts Əsgər Pinqvinlərdən biri
Martin Şort Stefano İtalyan dəniz şiri
Cessika Çesteyn Ciya İtalyan yaquarı
Vinni Cons Vitali Rusiyalı Sibir pələngi
Stiv Cons Freddi İtlərdən biri
Nik Fletçer Consi İtlərdən biri
Brayan Krenston Frenki İtlərdən biri
Denni Yakobs Krupier Sirk ustası
Paz Veqa Andalusiya Üçlükləri Esmeralda, Esperanza and Ernestina
Konrad Vernon Meyson İkinci polis
Frenk Uelker Sonya Aleksin sevdiyi ayı
Erik Darnell Komandant Zoopark diktoru
Deniel O'Konnor Kazinoda nəzarətçi Nyu York şəhərinin mayoru

Tənqid[redaktə | əsas redaktə]

"Madaqaskar 3" animasiya filmi tənqidçilər tərəfindən böyük reytinq qazanmışdır. Rotten Tomatoes saytında tənqidçilər tərəfindən animasiyaya 84 resenziyadan 76 resenziya qazanmışdır.[18] IMDb saytında animasiya 7,0 (48,2 min nəfər) və bu saytın məlumatlarına bənzər "KinoPoisk.ru" saytında 7,6 (48 min nəfər) reytinq qazanmışdır. "Metacritic" saytında isə animasiya 100 baldan 60 bal toplamışdır.[19]

Mükafatlar və nominasiyalar[redaktə | əsas redaktə]

Əsas mükafatlar və nominasiyalar[20]
Mükafat Kateqoriya Mükafatı qazanan Nəticə
Flag of the United States.svg "Yeniyetmə seçim mükafatı" Animasiya filmindən sevimli səs Kris Rok Nominasiya
Yayın ən yaxşı filmi (Komediya və ya müzikl) Madaqaskar 3
Flag of Argentina.svg "Kids' Choice Awards Argentina"[21] Ən yaxşı animasiya filmi Qalib
Flag of the United States.svg Enni mükafatı[22][23] Animasiya filmində vizual effektlər Cihun Yun Nominasiya
Animasiya filmində personajların dizaynı Kreyq Kelman
Bədii əsərin dizaynı Kendal Kronkay-Şayndlin, Şenon Ceffris
Lindski Olivares, Kenard Pak
Animasiya filminin kadrların hazırlanması Rob Ku
Flag of the United States.svg "Satellite Awards"[24] Bədii və ya animasiya filmi Madaqaskar 3
Ən yaxşı orijinal mahnı «Love Always Comes as a Surprise» — Piter Eşer və Deyv Stüart
Flag of the United States.svg "Critics' Choice Movie Awards"[25] Ən yaxşı animasiya filmi Madaqaskar 3
Flag of the United States.svg "Kids' Choice Awards" Ən yaxşı animasiya filmi
Animasiya filmindən sevimli səs Ben Stiller
Kris Rok
Flag of Russia.svg "Jorj 2013"[26] Filmin animasiya filmi Madaqaskar 3 Qalib

Hazırlanma[redaktə | əsas redaktə]

Ərəfə[redaktə | əsas redaktə]

2008-ci ildə "Madaqaskar 2: Afrikaya qaçış" cizgi filminin uğurlu çəkilişindən sonra "DreamWorks Animation" kompanyasının sahibi Ceffri Katsenberq gələcəkdə frenşizanın üçüncü seriyasının istehsal olunacağını qeyd edir. Bu isə cizgi filmlərinin rejissorları Erik Darnel və Tom MakKratın sevimli personajlarına çevirdikləri heyvanların hekayəsini bitirmək və onların Nyu Yorkda yaşadıqları doğma Mərkəzi Zooparka qaytarmaq arzuları ilə bağlı idi.[27] Erik Darnell isə cizgi filminin süjet xəttini birinci və ikinci seriyalarda bitirmədiyini, bu hekayənin üçüncü seriyada bitəcəyini söyləmişdr. Həmçinin, Erik Darnel 2009-cu ilin yanvar ayında verdiyi müsahibəsində bu cizgi filminin 2012-ci ilin yay aylarında hazırlanıb qurtaracağını bildirirdi. 12 avqust 2010-cu ildə Ceffri Katsenberq cizgi filminin artıq 60 səhifəsinin hazırlandığını qeyd etmişdir. Süjetin üzərində Noy Baumbax işləyirdi. 9 dekabr 2011-ci ildə cizgi filminin ilk tizeri çıxır. "Madaqaskar 3: Avropanın ən çox axtarılanları" cizgi filminin ilk treyleri isə 21 mart 2012-ci ildə efirə buraxılır.[16][17]

3D formatının yaradılması[redaktə | əsas redaktə]

"DreamWorks Animation" studiyasının 2010-cu il buraxılışına görə bütün istehsal etdiyi cizgi filmləri 3D formatında çəkilir. "Madaqaskar 3: Avropanın ən çox axtarılanları" frenşizaların 3D formatında buraxılan ilk seriyasıdır. Əvvəlki seriyalar isə 2D formatında çəkilmişdir. Cizgi filmini hazırlayan rejissorların sözlərinə görə:

Biz bilirdik ki, əvvəlki seriyaları 3D formatına yaxın halda hazırlamışdıq. Bu səbəbdən cizgi filmini stil cəhətdən dəyişmədik. Heyvanların sirkə gəlməsi, tullanışlar və digər yeni hərəkətlər 3D formatında çəkilmiş və stil cəhətdən əvvəlki seriyalardan fərqlənmir.[28][28]

— Rejissorlar heyəti

3D formatının sayəsində tamaşılar Monte-Karloda qaçış, Stefanonun xatirələri, Heyvanların Londonda sirk ifası və filmin sonunda baş verən Dübuanın döyüşü səhnələrini canlı hiss edə bilirlər. Heyvanların Londonda sirk ifası səhnəsi rejissorların sözlərinə görə cizgi filmində hazırlanan ən çətin səhnə idi. Cizgi filmin bütün rejissor heyəti öz fikirlərini bir yerə toplayaraq ümumi fikir formalaşdırmış və gözəl səhnə epizodları yaratmışlar. Rejissorlar "DreamWorks Animation" tarixində ilk dəfə olaraq ən çox tamaşaçı səhnəni bu cizgi filmində hazırlamışlar. Bu səhnəni hazırlamaq üçün bir-birinə bənzəməyən 5000 tamaşaçı heyəti yaradılmışdı. Rejissorlar bu səhnəni yaratmaq üçün təxminən 1,6 milyon saat sərf etmişlər.[29]

"RealD" formatını izləmək üçün seanslara gəlmiş tamaşaçılara "Look3D" kompaniyası tərəfindən istehsal olunmuş stereoeynəklər paylanmışdı. Bu eynəklər ilk dəfə "Buz dövrü 4" və "Maşınlar 2" cizgi filmlərinin izlənilməsi zamanı paylanmışdır. Stereoeynəklər iki palitra rəngində göy və çəhrayı rənglərlə buraxılmışdı. Bu eynəklərdə xüsusi panellərlə təsvir olunmuş "Şir Aleks, Zebra Marti, Zürafə Melman və Hippopotam Qloriyanın şəkilləri vardır.[30]

Rollarda
Ben Stiller (Rol:Şir Aleks)
Kris Rok (Rol:Zebra Marti)
Devid Şvimmer (Rol:Zürafə Melman)
Cada Pinkett Smit (Rol:Hippopotam Qloriya)
Saşa Baron Koen (Rol:Kral Culian XIII)

Davamı[redaktə | əsas redaktə]

"Madaqaskar 3: Avropanın ən çox axtarılanları" filmi haqqında danışılarkən "Dreamworks Animation" kompaniyasının rejissoru Ceffri Katsberq gələcəkdə çəkiləcək seriyanın davamının olduğunu ehtimal edirdi. "Dreamworks Animation" kompaniyasının anonsunda 2016-cı ilədək istehsal ediləcək filmləri sırasında "Madaqaskar 4" animasiyasının davamı qeyd edilməmişdi.[31] Lakin bu kompaniya 12 iyun 2014-cü il tarixində "Madaqaskar 4" animasiyasının 18 may 2018-ci ildə hazırlanacağını bildirdi.[32] "Madaqaskar 3: Avropanın ən çox axtarılanları" animasiyanın süjeti əvvəlki seriyaların ssenariyasını bitirmir və 2014-cü ildə hazırlanan "Madaqaskar pinqvinləri" animasiyasının sayəsində "Madaqaskar" animasiyalarının ssenariyasını davam etdirir.

Video oyun[redaktə | əsas redaktə]

5 iyun 2012-ci ildə[33] animasiyanın mövzusu əsasında "Madagascar 3: The Video Game" video oyunu hazırlanmışdır. Video oyunun baş qəhrəmanları Aleks, Martin, Qloriya və Melmandır. Video oyunu Nintendo Wii, Nintendo 3DS, Nintendo DS, Xbox 360 və PlayStation 3 platformaları üçün hazırlanmışdı. Wii, Xbox 360 və PlayStation 3 platformaları üçün Monkey Bar Games, Nintendo Wii, Nintendo 3DS və Nintendo DS platformaları üçün Torus Games yaradılmışdı.[34] "Madaqaskar 3: Avropanın ən çox axtarılanları" 4 iyun 2012-ci il tarixində «Madaqaskar: Sirka qatılın!» (ing. Madagascar: Join the Circus!) adlı mobil oyunu versiyası isə IPhone, IPad və Android platformaları üçün hazırlanmışdı.[35]

Komikslər[redaktə | əsas redaktə]

12 iyun 2012-ci ildə animasiyanın "Madaqaskar: Əla-həzrətlərə eşq olsun!" (ing. Madagascar Digest Prequel: Long Live the King!) adlı komikslər kitabı "Ape Entertainment" tərəfindən çıxarılmışdır.[36][37]

DVD və Blu-Ray disklərinin istehsalı[redaktə | əsas redaktə]

ABŞ-da "Madaqaskar 3: Avropanın ən çox axtarılanları" animasiyasının "DVD" və "Blu-ray" çıxışı 16 oktyabr 2012-ci il tarixində baş tutmuşdur.[38] "Blu-ray" materialları içində animasiyadan kəslmiş hissələr, animasiyanın modelləşdirmə səhnələri, animasiyada istifadə edilən qarışıq mahnılar, animasiyanı çəkən üç rejissorun müsahibəsi və bir çox məlumatlar verilir. Buraxılışlara «Paramount Home Entertainment» ditribüterlik etmişdi.[39] "Madaqaskar 3: Avropanın ən çox axtarılanları" animasiyasında "Dreamworks" kompaniyasının tarixində ilk dəfə olaraq "UltraViolet" texnikasından istifadə edilmişdir.[40] Bir sıra satışlarda buraxılışlarla bərabər Martinin gün işığı pariki təqdim olunurdu.

"DVD" diskinin versiyası
Format DVD (PAL)             
Əlavə materiallar
Regional kod 5 Film heyətinin resenziyası
Qatın sayı DVD-9 (2 qat) Kəsilmiş hissələr
Mahnılar İngiliscə/rusca/ukraynaca/türkcə... Dolby Digital 5.1 «Aktyor heyəti»
Görünüşün formatı WideScreen 16:9 (1.78:1) Qarışıq musiqilər
Titrlər İngiliscə/rusca/ukraynaca/türkcə
Distribütor «Yeni disk»
Nəşriyyatın ümumi müddəti 113 dəqiqə
"Blu-ray" diskinin versiyası
Format BDMV             
Əlavə materiallar
Regional kod С Film heyətinin resenziyası
Qat sayı BD-50 (2 qat) «Aktyor heyəti»
Musiqilər İngiliscə (Dolby TrueHD 7.1)/rusca/ukraynaca (Dolby Digital 5.1)... «Kürəvi stol 'Madaqaskar 3'»
Görüntünün formatı 1080p High Definition 16:9 «Dreamworks Animation» kompaniyasının dünyası
Titrlər İngiliscə/rusca/ukraynaca/türkcə Kəsilmiş hissələr
Distribütor «Yeni disk» «Madaqaskar» oyununun treyleri
Nəşriyyatın ümumi müddəti 186 dəqiqə Oyun «Onları qatara sal»
Cizgi filminin versiyası 3D və 2D Qarışıq musiqilər
"Dreamworks Animation" kompaniyasının digər treylerləri

Gəliri[redaktə | əsas redaktə]

Animasiyanın ilk premyerası[41] 18 mayda Fransanın Kann kinofestivalında keçirilib.[42][43][44] "Madaqaskar 3: Avropanın ən çox axtarılanları" animasiya filminin büdcəsi $145 milyon ABŞ dollarıdır. Şimali Amerikada $216,391,482 milyon, digər ölkələrdə isə $530,529,792 milyon ABŞ dolları həcmində gəlir qazanaraq ümumi gəliri $746 921 274 milyon ABŞ dollarına çatmışdı.[2] Animasiya Şimali Amerikada göstərilən zaman ilk gün $20.7 milyon, ilk həftə isə $60.3 milyon ABŞ dolları toplayaraq 2012-ci ildə çəkilmiş "Prometey" filminin həftəsinin gəliri üstələmişdi. Digər 28 ölkədə isə ilk həftədə $77.3 milyon ABŞ dolları toplamışdı. Beləliklə, "Madaqaskar 3: Avropanın ən çox axtarılanları" animasiya filmi $216,391,482 ABŞ dolları həcmində gəlir toplayaraq, 2012-ci ilin iyun ayına görə "İgid" animasiyasından sonra 2-ci yeri tutaraq "Ən gəlirli animasiya" filminə çevrilmiş və həmin ilin "Ən gəlirli filmlər" sırasında 10-cu yeri tutmuşdur.[45] Animasiya ilk günündə Rusiyada $3.7 milyon ABŞ dolları qazanmışdı. İlk həftədə isə Rusiyada $15.7, Çində $10.4, Braziliyada $10.1 və Argentinada $3.80 milyon ABŞ dolları toplamışdır.[46]

Ölkələrdə çıxış tarixi və adı[redaktə | əsas redaktə]

Ölkə Çıxış tarixi Adı Dil
Flag of France.svg Fransa 18 may 2012 Madagascar 3 : Bons baisers d'Europe Fransız dili
Flag of Belgium (civil).svg Belçika 6 iyun 2012 Madagascar 3 Holland dili
Flag of Argentina.svg Argentina 7 iyun 2012 Madagascar 3 İspan dili
Flag of Azerbaijan.svg Azərbaycan[47] 7 iyun 2012 Madaqaskar 3: Avropanın ən çox axtarılanları Azərbaycan dili
Flag of Croatia.svg Xorvatiya 7 iyun 2012 Madagaskar 3: Najtrazeniji u Europi Xorvat dili
Flag of Russia.svg Rusiya 7 iyun 2012 Мадагаскар 3: Особо опасные в Европе Rus dili
Flag of Singapore.svg Sinqapur 7 iyun 2012 Madagascar 3 İngilis dili
Flag of Ukraine.svg Ukrayna 7 iyun 2012 Мадагаскар 2 Ukrayna dili
Flag of the United States.svg ABŞ 8 iyun 2012 Madagascar 3: Europe's Most Wanted İngilis dili
Flag of Bulgaria.svg Bolqarıstan 8 iyun 2012 Мадагаскар 3 Bolqar dili
Flag of Brazil.svg Braziliya 8 iyun 2012 Madagascar 3: Os Procurados Portuqal dili
Flag of India.svg Hindistan 8 iyun 2012 Madagaskar 3 Hind dili
Flag of Canada.svg Kanada 8 iyun 2012 Madagascar 3 Fransız dili
Flag of Colombia.svg Kolumbiya 8 iyun 2012 Madagascar 3 Los Fugitivos İspan dili
Flag of Pakistan.svg Pakistan 8 iyun 2012 Madagaskar 3 Urdu dili
Flag of Paraguay.svg Paraqvay 8 iyun 2012 Madagascar 3 İspan dili
Flag of Vietnam.svg Vyetnam 8 iyun 2012 Madagaskar 3 Vyetnam dili
Flag of Greece.svg Yunanıstan 8 iyun 2012 Madagaskari 3 Yunan dili
Flag of Georgia.svg Gürcüstan 14 iyun 2012 Madagaskar 3 Gürcü dili
Flag of Cambodia.svg Kamboca 14 iyun 2012 Madagaskar 3 Kxmer dili
Flag of Hungary.svg Macarıstan 14 iyun 2012 Madagaszkár 3 Macar dili
Flag of Serbia.svg Serbiya 14 iyun 2012 Madagaskar 3 Serb dili
Flag of Estonia.svg Estoniya 15 iyun 2012 Madagaskar 3 Eston dili
Flag of Lithuania.svg Litva 15 iyun 2012 Madagaskaras 3 Litva dili
Flag of Mexico.svg Meksika 15 iyun 2012 Madagascar 3 İspan dili
Flag of Romania.svg Rumıniya 15 iyun 2012 Madagascar 3 Rumın dili
Flag of Turkey.svg Türkiyə 15 iyun 2012 Madagascar 3 Türk dili
Flag of Israel.svg İsrail 21 iyun 2012 Madagascar 3: mekarkesim et Europa Yəhudi dili
Flag of the Netherlands.svg Niderland 12 iyul 2012 Madagascar 3: Op Avontuur in Europa Holland dili
Flag of Portugal.svg Portuqaliya 26 iyul 2012 Madagáscar 3 Portuqal dili
Flag of Sweden.svg İsveç 1 avqust 2012 Madagaskar 3 İsveç dili
Flag of Japan.svg Yaponiya 1 avqust 2012 マダガスカル3 Yapon dili
Flag of Hong Kong.svg Honkonq 2 avqust 2012 马达加斯加3:欧洲逐隻捉 Çin dili
Flag of Finland.svg Finlandiya 3 avqust 2012 Madagascar 3 Fin dili
Flag of Spain.svg İspaniya 3 avqust 2012 Madagascar 3: De marcha por Europa İspan dili
Flag of Norway.svg Norveç 3 avqust 2012 Madagaskar 3: Full rulle i Europa Norveç dili
Flag of Poland.svg Polşa 8 avqust 2012 Madagaskar 3 Polyak dili
Flag of Italy.svg İtaliya 22 avqust 2012 Madagascar 3 - Ricercati in Europa İtalyan dili
Flag of Australia.svg Avstraliya 13 sentyabr 2012 Madagascar 3: Europe's Most Wanted Alman dili
Flag of the United Kingdom.svg Böyük Britaniya 13 sentyabr 2012 Madagascar 3: Europe's Most Wanted İngilis dili
Flag of Denmark.svg Danimarka 13 sentyabr 2012 Madagaskar 3 Danimarka dili
Flag of New Zealand.svg Yeni Zelandiya 20 sentyabr 2012 Madagascar 3: Europe's Most Wanted İngilis dili
Flag of Germany.svg Almaniya 2 oktyabr 2012 Madagascar 3: Flucht durch Europa Alman dili
Flag of Ireland.svg İrlandiya 19 oktyabr 2012 Madagascar 3: Europe's Most Wanted İngilis dili

Saundtrek[redaktə | əsas redaktə]

"Madaqaskar 3: Avropanın ən çox axtarılanları" animasiyasının orijinal saundtreki Hans Tsimmer tərəfindən hazırlanmışdır və ilk dəfə olaraq 5 iyun 2012-ci il tarixində çıxarılmışdır.[48] Səhnələrin birində Şantel Dübua, əfsanəvi «Non, je ne regrette rien» mahnısını ifa edir. Bu mahnı 1960-cı ildə məşhur fransız müğənnisi Edit Piaf tərəfində ifa edilmişdi. Şantel Dübuanı səsləndirən Frensis Makdormand əfsanəvi müğənninin mahnısını ifa etdiyinə görə çox əsəbiləşmişdi. Lakin ilk səsyazmadan sonra Frensisin ifası bütün rejissor heyətini heyrətləndirmiş və cizgi filminin ilk dubllarında ifa edilmişdi.

BaşlıqMusiqiİfaçı Müddət
1. "New York City Surprise"  Hans Zimmer  3:05
2. "Gonna Make You Sweat (Everybody Dance Now)"   Danny Jacobs 2:15
3. "Wannabe"   Danny Jacobs 2:37
4. "Game On"  Hans Zimmer  3:12
5. "Hot In Herre"   Danny Jacobs 2:27
6. "Cool Jerk"  The Capitols  2:43
7. "We No Speak Americano"  Yolanda Be CoolYolanda Be Cool 4:29
8. "Light The Hoop On Fire!"  Hans Zimmer  3:10
9. "Fur Power!"  Hans Zimmer  2:18
10. "Non, je ne regrette rien"   Frances McDormand 1:13
11. "Love Always Comes As A Surprise"  Peter AsherPeter Asher 3:21
12. "Rescue Stefano"  Hans Zimmer  5:51
13. "Firework"  Katy PerryKaty Perry 3:46
14. "Afro Circus/I Like to Move It"   Chris Rock 2:41
Ümumi müddət
40:25

"Madaqaskar 3: Avropanın ən çox axtarılanları" animasiyasının orijinal saundtrekləri ilə bərabər "Madaqaskardan pinqvinlər" seriyasında Kral Culian personajını səsləndirən Cenni Cekobs tərəfindən yazılmış «Cool Jerk» и «Gonna Make You Sweat (Everybody Dance Now)», «Wannabe», «Hot In Herre» və «We No Speak Americano» kimi mahnıları cizgi filmində səslənirdi. "Madaqaskar" frenşizaların əsas mahnısı olan «I Like to Move It» kompozisiyası "Madaqaskar 3: Avropanın ən çox axtarılanları" animasiyasının son səhnəsində səslənir.

İstinadlar[redaktə | əsas redaktə]

  1. White, James (2012-03-15). "DreamWorks Touts New 'Toon Footage". http://www.empireonline.com/empireblogs/off-the-wire/post/p1206. İstifadə tarixi: 2012-03-15.
  2. 2,0 2,1 2,2 Box Office Mojo. "Madagascar 3: Europe's Most Wanted (2012)". http://www.boxofficemojo.com/movies/?id=madagascar3.htm.
  3. La Tercera.com, Los Pinguinos de Madadascar tendrán su propia película.
  4. НОВОСТЬ: «Madaqaskar 3». İstifadə tarixi: April 8, 2012.
  5. Comics Madagascar 3 "Madagascar 3". Ape Entertainment. http://ape-entertainment.com/comics/licensed-properties/madagascar-3/ Comics Madagascar 3. İstifadə tarixi: April 22, 2012.
  6. Madagascar3 "Madagascar Digest Prequel: Long Live the King! (DreamWorks Graphic Novels)". Amazon. http://www.amazon.com/Madagascar-Digest-Prequel-DreamWorks-Graphic/dp/1937676137/ Madagascar3. İstifadə tarixi: April 22, 2012.
  7. MADAGASCAR 3 "D3PUBLISHER REVEALS PRODUCT NEWS FOR THE UPCOMING MADAGASCAR 3: THE VIDEO GAME". March 20, 2012. http://www.d3publisher.us/PressDetails.asp?ID=267 MADAGASCAR 3. İstifadə tarixi: March 23, 2012.
  8. DreamWorks "D3Publisher and DreamWorks Animation Announce Multi-Property Agreement for Next Three Animated Feature Films". February 7, 2012. http://ir.dreamworksanimation.com/releasedetail.cfm?ReleaseID=646657 DreamWorks. İstifadə tarixi: February 7, 2012.
  9. Madagascar 3 - Trailers, Videos, and Reviews. İstifadə tarixi: April 8, 2012.
  10. Dreamworks Animation: Five Feature Films. İstifadə tarixi: April 8, 2012.
  11. Vivarelli, Nick (April 7, 2012). "Imax aims to bank $1 billion". http://www.variety.com/article/VR1118052357/. İstifadə tarixi: April 8, 2012.
  12. McClintock, Pamela (March 14, 2012). "Madagascar 3' to Premiere at the Cannes Film Festival (Exclusive)". http://www.hollywoodreporter.com/news/madagascar-3-europes-most-wanted-cannes-film-festival-300204. İstifadə tarixi: March 15, 2012.
  13. Whitty, Stephen. "Crazy cast of supporting beasts agains steals the show". In: "Cleveland Plain Dealer via the Newark Star-Ledger" (USA), 8 June 2012, Pg. T09, (NP)
  14. Subers, Ray (June 10, 2012). "Отчёт за уикенд: 'Madagascar' «зажигает», 'Prometheus' «встречает огонь»". Box Office Mojo. http://boxofficemojo.com/news/?id=3461&p=.htm. İstifadə tarixi: June 10, 2012.
  15. Suber, Ray. "Отчёт за уикенд: Африканский цирк побеждает фильм с идеей 80-ых". Box Office Mojo. Arxivləşdirilib: [1] saytından 2012-07-01 tarixində. http://www.webcitation.org/68p97mGu3. İstifadə tarixi: 18 June 2012.
  16. 16,0 16,1 Kit, Borys. "EXCLUSIVE: Frances McDormand Gets Animated, and Evil, for 'Madagascar 3'". HollywoodReporter.com. http://www.hollywoodreporter.com/blogs/heat-vision/frances-mcdormand-animated-evil-madagascar-70983?_r=true. İstifadə tarixi: February 10, 2011. Sitat səhvi: Invalid <ref> tag; name "Hollywood Reporter" defined multiple times with different content
  17. 17,0 17,1 Wloszczyna, Susan (December 8, 2011). "'Madagascar' gang reunites for caper in Monte Carlo". http://www.usatoday.com/life/movies/news/story/2011-12-07/madagascar-sneak-peek/51706732/1. İstifadə tarixi: December 8, 2011. Sitat səhvi: Invalid <ref> tag; name "USAToday" defined multiple times with different content
  18. "«Madaqaskar 3»". http://www.rottentomatoes.com/m/1194522-how_to_train_your_dragon/. İstifadə tarixi: 2010-10-03.
  19. Metacritic. "«Madagscar 3»". Arxivləşdirilib: [2] saytından 2013-02-03 tarixində. http://www.webcitation.org/6E9ZzQ00K. İstifadə tarixi: 2013-01-01.
  20. IMDb. "List of Awards". IMDb. Arxivləşdirilib: [3] saytından 2013-02-03 tarixində. http://www.webcitation.org/6E9a0CtSr.
  21. «Nickelodeon — Kids' Choice Awards Argentina 2012 — Ganadores»
  22. "Annie Award Nominations Unveiled". December 3, 2012. http://www.deadline.com/2012/12/2012-annie-award-nominations/. İstifadə tarixi: December 3, 2012.
  23. Beck, Jerry (February 2, 2013). "Annie Award Winners". http://www.cartoonbrew.com/events/annie-award-winners-77380.html. İstifadə tarixi: February 3, 2013.
  24. Kilday, Gregg (December 3, 2012). "Satellite Awards Nominates 10 Films for Best Motion Picture". http://www.hollywoodreporter.com/race/satellite-awards-nominates-10-films-396865. İstifadə tarixi: December 4, 2012.
  25. Hammond, Pete (December 11, 2012). "‘Lincoln’, ‘Les Miserables’, ‘Silver Linings’ Top List Of Nominees For 18th Annual Critics Choice Movie Awards". http://www.deadline.com/2012/12/critics-choice-movie-awards-2012-nominations-lincoln/. İstifadə tarixi: December 11, 2012.
  26. National Movie Awards. "Российская народная кинопремия «Жорж 2013»". http://www.national-movie-awards.ru/news/91.
  27. Champ, Christine. "Interview: Megamind Director Tom McGrath". http://www.film.com/movies/interview-megamind-director-tom-mcgrath. İstifadə tarixi: October 26, 2011.
  28. 28,0 28,1 Бюллетень кинопрокатчика (2012). "Пресс-релиз". http://www.kinometro.ru/release/card/id/5032. İstifadə tarixi: 4 iyul 2014.
  29. Hewlett-Packard (8 iyun 2012). "HP Powers «Madagascar 3: Europe’s Most Wanted»". http://www8.hp.com/us/en/hp-news/press-release.html?id=1255518&jumpid=reg_r1002_usen_c-001_title_r0003#.UnehdByUK2p. İstifadə tarixi: 4 iyul 2014.
  30. Look 3D. "Movie collection: «Madagasacr 3»". http://www.look3d.com/lk3dmad3b3d/. İstifadə tarixi: 2013-01-01.
  31. Hollywood Reporter (9 сентября 2012). "DreamWorks Animation Reveals Unprecedented 12-Picture Slate". http://www.hollywoodreporter.com/print/368966.
  32. "Email Interview With Robert Schooley". July 19, 2012. http://www.totalmediabridge.com/email-interview-with-robert-schooley/. İstifadə tarixi: August 4, 2012.
  33. "D3Publisher and DreamWorks Animation Announce Multi-Property Agreement for Next Three Animated Feature Films". February 7, 2012. http://ir.dreamworksanimation.com/releasedetail.cfm?ReleaseID=646657. İstifadə tarixi: February 7, 2012.
  34. "D3PUBLISHER REVEALS PRODUCT NEWS FOR THE UPCOMING MADAGASCAR 3: THE VIDEO GAME". March 20, 2012. http://www.d3publisher.us/PressDetails.asp?ID=267. İstifadə tarixi: March 23, 2012.
  35. Business Wire (4 iyun 2012). "Madagascar: Join the Circus! App for iPad Now Available on the App Store". http://eon.businesswire.com/news/eon/20120604005303/en.
  36. "Madagascar 3". Ape Entertainment. http://ape-entertainment.com/comics/licensed-properties/madagascar-3/. İstifadə tarixi: April 22, 2012.
  37. "Madagascar Digest Prequel: Long Live the King! (DreamWorks Graphic Novels)". Amazon. http://www.amazon.com/Madagascar-Digest-Prequel-DreamWorks-Graphic/dp/1937676137/. İstifadə tarixi: April 22, 2012.
  38. "Madagascar 3: Europe's Most Wanted Blu-ray". Blu-ray.com. Arxivləşdirilib: [4] saytından 2012-07-01 tarixində. http://www.webcitation.org/68p96Tnja. İstifadə tarixi: June 16, 2012.
  39. "DVD releases". Arxivləşdirilib: [5] saytından 2013-02-03 tarixində. http://www.webcitation.org/6E9a74nes. İstifadə tarixi: 2010-10-03.
  40. Shaffer, RL (August 21, 2012). "Madagascar 3 Finds Blu-ray and DVD". IGN. http://www.ign.com/articles/2012/08/21/madagascar-3-finds-blu-ray-and-dvd. İstifadə tarixi: August 28, 2012.
  41. "DreamWorks Confirms Madagascar 3 is Coming - Katzenberg comments on when it will be released.". IGN Entertainment. 2009-01-09. http://movies.ign.com/articles/943/943429p1.html. İstifadə tarixi: 2009-04-15.
  42. "Katzenberg Planning 3rd Madagascar, 2nd Kung Fu Panda". The Hollywood Reporter. http://www.comingsoon.net/news/movienews.php?id=47990. İstifadə tarixi: 2008-08-14.
  43. Hollywood Reporter (18 мая 2012). "Exclusive: 'Madagascar 3: Europe's Most Wanted': Cannes Review". Arxivləşdirilib: [6] saytından 2013-06-27 tarixində. http://www.webcitation.org/6HfrIu9kq.
  44. Tatler (18 мая 2012). "Канны-2012: премьера мультфильма «Мадагаскар 3»". Arxivləşdirilib: [7] saytından 2013-06-27 tarixində. http://www.webcitation.org/6HfrJwQqs.
  45. "2012 DOMESTIC GROSSES". Box Office Mojo. http://boxofficemojo.com/yearly/chart/?yr=2012&p=.htm. İstifadə tarixi: September 17, 2012.
  46. "MADAGASCAR 3: EUROPE'S MOST WANTED - International Box Office Results". Box Office Mojo. http://www.boxofficemojo.com/movies/?page=intl&id=madagascar3.htm. İstifadə tarixi: September 17, 2012.
  47. Madaqaskar 3 Azərbaycanca Joy.az saytında, Yoxlanılıb: 15 iyul 2014
  48. "Madagascar 3: Europe's Most Wanted". Soundtrack.net. http://www.soundtrack.net/albums/database/?id=7675. İstifadə tarixi: May 16, 2012.

Xarici keçidlər[redaktə | əsas redaktə]