Mollalı (Qafan)

Vikipediya, azad ensiklopediya
Jump to navigation Jump to search
Tarixi Zəngəzur əraziləri
Gığı dərəsi


Xəritədə yeri
Mollalı (Ermənistan)
Red pog.png
Mollalı
Məlumatlar
Ölkə Ermənistan Ermənistan
Bölgə Mərz: Sünik mərzi
Rayon: Qafan rayonu (1930-1995)
İnzibati mərkəz Qafan
Ləğv edilib 1939 (Qovşud kəndinə birləşdirilib)
İndiki adı rəsmi sənədlərdə Qovşud adı ilə adlandırılır
Adının dəyişdirilmə tarixi 1939
Əhali 17[1] ailə (1950-ci illər)
46[2] nəfər (1931)

MollalıErmənistan Respublikasının cənubunda, keçmiş Qafan rayonu ərazisində, Gığı dərəsində yerləşən kənd.

Azərbaycanlılar yaşamış kənd Qafan şəhərindən 15 km şimal-qərbdə Gığıçayının orta axarında, çayın bilavasitə sağ sahilində yerləşir.[3][4] Mollalı kəndi Qovşud kəndi ilə qonşu, birləşmiş kənd olduğundan rəsmi sənədlərdə Qovşud adlanır.[1]

Tarixi[redaktə | əsas redaktə]

1939-cu ilə qədər ayrı kənd olmuş, 1939-cu ildən sonra Qovşud kolxozu ilə birləşərək kənd ləğv edilmişdir. İkinci dünya müharibəsindən sonra yenidən bərpa edilən kənd 17 təsərrüfatdan ibarət olmuşdur.

Qovşud kəndi çay kənarına enəndən sonra Mollalı kəndi ilə qarışıq kənd olmuş, bütün sənədlərdə Qovşud kimi adlandırılmışdır.

1918-ci il qırğınları vaxtı kənd dağıdılmış, əhalisinin sağ qalanları Naxçıvana pənah aparmışdır. Ermənistanda sovet hökuməti qurulandan sonra salamat qalan əhali öz yerlərinə qayıtmışlar. 1950-ci illərdən sonra kənddə tikinti işləri getmiş və orada əvvəldən yaşayanlar öz yerlərinə qayıtmışlar.[1]

Adı[redaktə | əsas redaktə]

Toponim qaraçorlu türk tayfasının əliyanlı tirəsinə mənsub olan mollalı etnonimindən əmələ gəlmişdir. Etnotoponimdir, quruluşca sadə toponimdir.[2]

Əhalisi[redaktə | əsas redaktə]

Mollalı kəndində 1897-ci ildə 34 nəfər, 1914-cü ildə 156 nəfər yaşamışdır. 1918-ci il hadisələri vaxtı kəndi tərk etməli olan azərbaycanlıların geri qayıdış Ermənistanda sovet hökumətinin qurulmasından sonra mümkün olur. Mollalıda 1922-ci ildə 45 nəfər, 1926-cı ildə 38 nəfər, 1931-ci ildə 46 nəfər azərbaycanlı əhali yaşamışdır.[2]

1988-ci il deportasiyası zamanı bölgənin digər azərbaycanlı əhalisi kimi mollalılar da kəndi tərk etməli olurlar.

Siyahıyaalınma ili və müvafiq sayımların yekunlarına əsasən Mollalı kəndində əhalinin sayı
illər 1897 1914 1922 1926 1931 1950-ci illər[1]
say 34 156 45 38 46 17 ailə

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 4 Səməd Qarayev. «Qazangöl həsrəti», Bakı, "Azərbaycan Nəşriyyatı", 2002. səh. 332.
  2. 1 2 3 İbrahim Bayramov. «Qərbi Azərbaycanın türk mənşəli toponimləri», Bakı, "Elm" nəşriyyatı, 2002. səh. 229. ISBN 5-8066-1452-2 Arxivləşdirilib
  3. Akif Muradverdiyev. «Zəngəzur. Tariximizin yaddaşı», Bakı, "Xəzər" nəşriyyatı, 2007. səh. 424-425.
  4. Sabir Əsədov. «Ermənistan azərbaycanlılarının tarixi coğrafiyası» (kiril əlif. «Ермәнистан азәрбајҹанлыларынын тарихи ҹоғрафијасы»), Bakı, "Gənclik" nəşriyyatı, 1995. səh. 150. ISBN 5-8020-0852-0