Yalçın Adıgözəlov

Vikipediya, azad ensiklopediya
Jump to navigation Jump to search
Yalçın Adıgözəlov
Yalçın Vasif oğlu Adıgözəlov
Yalçın Adıgözəlov.jpg
Sənətçi məlumatları
Doğum tarixi 4 noyabr 1959(1959-11-04) (60 yaş)
Doğum yeri
Vətəndaşlığı
Peşələri dirijor, pedaqoq
Atası Vasif Adıgözəlov

Üslub opera, simfonik musiqi[d]
Fəaliyyət illəri 1989–indiyə kimi
Albom şirkətləri Naxos
Olimpia
Təhsili
Mükafatları "Azərbaycan Respublikasının xalq artisti" fəxri adı — 2012 "Azərbaycan Respublikasının əməkdar incəsənət xadimi" fəxri adı — 2007 "Humay" mükafatı — 1993
"Şöhrət" ordeni — 2019
Commons-logo.svg Vikianbarda əlaqəli mediafayllar

Yalçın Vasif oğlu Adıgözəlov (d. 4 noyabr 1959(1959-11-04), Bakı) — Azərbaycan dirijoru, Bakı Musiqi Akademiyasının dirijorluq kafedrasının professoru, Azərbaycan Respublikasının xalq artisti (2012).

Həyatı[redaktə | əsas redaktə]

Yalçın Vasif oğlu Adıgözəlov 4 noyabr 1959-cu ildə Bakı şəhərində bəstəkar Vasif Adıgözəlovun ailəsində anadan olmuşdur. Tanınmış musiqi sülaləsinin üçüncü nəsil nümayəndəsidir[1].

Təhsili[redaktə | əsas redaktə]

8 yaşında konservatoriyanın nəzdində fəaliyyət göstərən Bülbül adına Orta İxtisas Musiqi Məktəbində fortepiano ifaçılığı üzrə A.Y. Kopeleviç və B.L. Qusliserin sinfində təhsil almağa başlamışdır. 1982-ci ildə Üzeyir Hacıbəyov adına Azərbaycan Dövlət Konservatoriyasının fortepiano fakültəsini bitirmişdir (professor R. Atakişiyevin sinfi)[1][2][3][4].

1983-1984-cü illərdə Daşkənd Dövlət Konservatoriyasında "opera-simfonik dirijorluğu" fakültəsində təhsil almışdır (professor K.M. Usmanovun sinfi).

1984-cü ildən 1989-cu ilədək Leninqrad konservatoriyasının "opera-simfonik dirijorluğu" fakültəsində tanınmış professor İlya Musinin sinfində təhsil almışdır[2].

1990-1992-ci illərdə Vyana Musiqi və İfaçılıq Sənəti Akademiyasında (alm. Wien – Musikhochschule‎) Azərbaycanı təmsil edən ilk musiqiçi kimi professor Karl Esterrayxerin sinfində təcrübə keçmişdir[5].

Yaradıcılığı[redaktə | əsas redaktə]

1989-cu ildən Üzeyir Hacıbəyov adına Azərbaycan Dövlət Simfonik Orkestrinin dirijoru[1], 1991-1998-ci illərdə isə bədii rəhbəri və baş dirijoru olmuşdur[4][1][2]. Ölkədə iqtisadi böhranla müşayiət olunan ağır ictimai-siyasi illərdə gənc dirijor respublikanın aparıcı musiqi kollektivlərinin qorunub saxlanılması işində əvəzsiz xidmətlər göstərmişdir. Y. Adıgözəlov klassik repertuara malik çoxsaylı Bakı premyeralarının təşkilini və Azərbaycan bəstəkarlarının əsərlərinin dünyada aktiv təbliğatını həyata keçirərək, ölkədə və onun hüdudlarından kənarda geniş konsert fəaliyyəti göstərmişdir.

20 yanvar 1991-ci ildə Bakıda baş vermiş faciənin ildönümü münasibətilə Ü.Hacıbəyov adına Azərbaycan Dövlət Simfonik Orkestri və Azərbaycan Dövlət Xor Kapellası Yalçın Adıgözəlovun dirijorluğu və müəlliflərin iştirakı ilə Moskva Konservatoriyasının Böyük Zalında V. Adıgözəlovun "Qarabağ şikəstəsi" oratoriyası və Ə. Karamanovun "Stabat Mater" vokal-simfonik əsərini ifa etmişdir.

1991-ci ilin martında orkestrin Uzaq Şərq şəhərlərində (Yujno-Saxalinsk, Petropavlovsk-Kamçatski, Maqadan) və 1992-ci ildə Orta Asiyada qastrolları baş tutmuşdur.

Yalçın Adıgözəlov 19911993-cü illərdə Avstriya hökuməti ilə birlikdə keçirilən "MOSART-festivalları"nın bədii rəhbəri olmuşdur. Keçirilən festivalların üçündə Azərbaycan və Avstriya bəstəkarlarının əsərlərinin dünya premyeraları baş tutmuşdur[1].

1993-cü ildə "İlin ən yaxşı dirijoru" nominasiyasında "Humay" mükafatının ilk laureatı olmuşdur[2].

1994-cü ildə ADSO-nun xarici ölkələrə ilk müstəqil qastrollarını həyata keçirmişdir. Orkestr İstanbulun "Camal Rəşid Rey" salonunda iki konsertlə mövsümün açılışını etmiş və 7 min tamaşaçının iştirakı ilə Antalyanın "Aspendos" antik amfiteatrında çıxış etmişdir. Orkestrə rəhbərlik etdiyi dövrdə Azərbaycan bəstəkarlarının əsərlərinin 40-dan artıq dünya premyerasını və 50-dən artıq müəllif konsertlərini reallaşdırmışdır.

16 oktyabr 1998-ci ildə Türkiyə Cümhuriyyətinin yaranmasının 75 illiyi münasibətilə Ankarada Prezident Simfonik Orkestrinin ifasında prezident S.Dəmirəlin iştirakı ilə V. Adıgözəlovun "Çanaqqala 1915" oratoriyasının dünya premyerası olmuş və bu hadisə türk dünyasının mədəni həyatında hadisəyə çevrilmişdir[6].

19982000-ci illərdə Rusiya Dövlət Simfonik Radio-Televiziya Orkestrinin dirijor kimi fəaliyyət göstərmişdir[1][2][7].

2000-ci ildən Azərbaycan Dövlət Akademik Opera və Balet Teatrının dirijorudur[2] ("Sehrli fleyta", "Aida", "Bohema"[8], "Toska", "Madam Batterflyay"[9][10], "Plaş", "Canni Skikki", "Kənd namusu", "Payatsi", "Karmen", "Yevgeni Onegin", "Qaratoxmaq qadın", "Aleko", "Şəhrizad"[11][12], "Romeo və Cülyetta", "Bolero"[13], "Arlezianka", "Kuman rəqsləri", "Sevil", "Don Kixot"[14], "Min bir gecə", "Natəvan", "Nəsimi"[15] və s)[1].

20012004-cü illərdə İstanbul Dövlət Opera Teatrının dirijoru kimi fəaliyyət göstərmişdir ("Məhəbbət əfsanəsi", "Samson və Dalila", "Madam Batterflyay", "Don Kixot", "Rekviyem")[4][1]. Borodinin "Knyaz İqor" operasının quruluşu (rejissor D. Bertmanla birlikdə) böyük müvəffəqiyyətlə qarşılanmışdır. 2003-cü ildə Aspendos amfiteatrında gerçəkləşən Beynəlxalq Opera Festivalının açılışı məhz bu tamaşa ilə baş tutmuşdur.

2002-ci ildən Yalçın Adıgözəlov Moskvanın "Gelikon-opera" teatrı ilə sıx əməkdaşlıq edir ("Xəyali bağban qız", "Traviata", "Karmen", "Yevgeni Onegin", "Yarasa", "Qaratoxmaq qadın", "Küllücə" və s.)[1][16].

2007-ci ildə "Azərbaycan simfo-muğamı" layihəsi həyata keçirilmişdir. Konsertlər "Qarabağ üçlüyü" ilə birlikdə Braziliya, İtaliya, Lüksemburq, Türkiyə, Çin, Vyetnam, Latviya, UkraynaBelarusda təşkil olundu[17][18][19].

2011-ci ildə Siciliyada Covanni Paçininin "Rekviyem"inin dünya premyerası baş tutmuşdur. Bu hadisə bəstəkarın irsinin təbliğində mühüm nailiyyət kimi tarixə düşdü[1].

" Maestro Yalçın Adıgözəlovun təfsiri bütün təriflərdən daha üstün idi. Azərbaycan dirijoru xora və “Della Camerata Polifonica Siciliana” orkestrinə musiqiçiləri öz arxasınca çəkib apararaq, həyəcanverici sadəliklə rəhbərlik etdi. Dolğun partituranın oxunuşu əhəmiyyətli və yüksək emosional təsir bağışladı.
Con Paskualino[1][20]
"
" Maestro Adıgözəlovun dirijorluğu heyranedici idi. O, partituranın mahiyyətini duyaraq, bəstəkarın mürəkkəb üslubuna dəqiqliklə daxil oldu. Bu, əsl bədii sənətkarlıq dərsi idi.
Maurisio Çiampi[1]
Roma Santa-Çeçiliya Konservatoriyasının professoru,
"Bellini Eventi” beynəlxalq festivalının bədii rəhbəri
"
" Etimadı doğruldan və qələbə qazanan yüksək səviyyəli dirijor.
De Meo[1]
professor, Bellini və Paçininin
yaradıcılığı üzrə nüfuzlu mütəxəssis
"

Onun dirijorluğu ilə 2013-cü ilin fevralında ADSO-nun Küveytə uğurlu qastrolu olmuşdur[21][22].

12 may 2014-cü ildə İtaliyanın dünya şöhrətli "Arena di Verona" amfiteatrında 10 min nəfər tamaşaçının iştirakı ilə Azərbaycan bəstəkarlarının əsərlərindən ibarət simfonik konserti keçirilmişdir[23].

2018-ci ildə Beynəlxalq Türk Mədəniyyəti və İrsi Fondunun himayəsində yaradılmış və altı türkdilli dövlətin musiqiçilərindən ibarət "Dədə Qorqud" kamera orkestrinin bədii rəhbəri olmuşdur[24]. Türkiyə, AzərbaycanFinlandiyada orkestrin qastrolları keçirilmişdir.

26 iyun 2019-cu ildə Bakıda Heydər Əliyev Mərkəzində ADSO-nun 200 musiqiçisi, Azərbaycan Dövlət Xor Kapellası, Batumi xor kapellası, Tbilisi konservatoriyasının xoru, həmçinin İtaliya, Almaniya, RusiyaAzərbaycandan olan solistlərin iştirakı ilə C. Verdinin "Rekviyem" əsərinin dirijorluğunu həyata keçirmişdir[25].

2020-ci ilin fevralında Moskvanın "Gelikon-opera" teatrında L.Vaynşteynin "Küllücə" operasının musiqi rəhbəri olmuşdur (rejissor İ.İlyin)[26][27].

Yalçın Adıgözəlov Azərbaycan musiqiçiləri arasında ilk dəfə ölkə mədəniyyətini dünyanın London Barbican Centre[28], London Cadogan Hall, Central Hall Westminster Abbey[29], Konzerthaus Berlin, Arena di Verona, Smetana Hall Prague, Cidade Das Artes and Theatro Municipal do Rio de Janeirо[30], Linder Auditorium Johannesbur, Koninklijk Royal Conservatorium Brussels kimi nüfuzlu konsert salonlarında, həmçinin Moskva Konservatoriyasının Böyük zalında[31], Riqa Böyük Gildiyasında, PekinKüveytin opera salonlarında layiqincə təmsil etmişdir.

Simfonik dirijor kimi Böyük Britaniya Kral Filarmoniya Orkestri (RPO)[32][33], Braziliya simfonik orkestri, Mexiko ştatının simfonik orkestri[34], Yohannesburq Filarmoniya Orkestri (JPO), L’Orchestra Italiana del Cinema (OIC), Vyana Kamera Orkestri, Zaqreb Kamera Orkestri, Braşov Filarmoniyası, Karlovı Varı simfonik orkestri, Budapeşt Dunay Simfonik Orkestri[35], eləcə də Rusiya milli orkestri, Sankt-Peterburq Filarmoniyasının akademik simfonik orkestri, Dnepr Dövlət Simfonik Orkestri[36], Moskva, Riqa, Yekaterinburq[37], Minsk, Kişinyov, Xarkov, Astana, İzmir[38], Liepaya[39], Adana[40], Bişkek şəhərlərinin filarmoniya orkestrləri və Ankara Prezident simfonik orkestri ilə dəfələrlə çıxış etmişdir[2].

Opera dirijoru kimi dəfələrlə Kiyev, Minsk[41], Daşkənd[42], Lvov, Kişinyov[43], Tbilisi, Astana, Odessa[44], Samsun[45] kimi şəhərlərin opera truppaları ilə və M. Rostropoviç, N. Petrov, B. Berezovski, F. Bədəlbəyli, X. Şaham, İ. Monigetti, S. Stadler, D. Koqan, P. Yablonski, İ. Biret, G. Onay, R. Qalyano, Al Bano və başqa görkəmli solistlərlə əməkdaşlıq etmişdir[4][46][47].

Professor Yalçın Adıgözəlov 30 ilə yaxındır ki, Bakı Musiqi Akademiyasında pedaqoji fəaliyyətlə məşğuldur[4]. Onun tələbələri hazırda respublikanın aparıcı dirijorlarıdır[1].

Diskoqrafiya[redaktə | əsas redaktə]

Dirijorun P.İ. Çaykovski adına Böyük simfonik orkestr[48], İstanbul Opera Orkestri, Rusiya Radio-Televiziya Orkestri, Liepaya simfonik orkestri, Ukrayna Milli Simfonik Orkestri və Azərbaycan Dövlət Simfonik Orkestrinin iştirakı ilə ABŞ, Türkiyə, Rusiya, Almaniya (NAXOS) və Böyük Britaniyada (OLIMPIA) 15 kompakt-diski işıq üzü görmüşdür[4].

  • 1993 – Çaykovski adına Böyük Simfonik Orkestrlə 3 kompakt-disk:
  1. F. Əmirovun əsərlərindən ibarət müəllif diski: "Kürd ovşarı" və "Gülüstan Bayatı Şiraz" simfonik muğamları, "Azərbaycan kapriççosu", "Nəsimi" faciəvi musiqisi.
  2. Q. Qarayev: "Leyli və Məcnun" simfonik poeması; S. Hacıbəyov: "Karvan" simfonik lövhəsi; V. Adıgözəlov: "Violonçel və orkestr üçün konsert", solist V. Simon; M. Mirzəyev: "Sədini oxuyarkən" simfonik poeması
  3. Ü. Hacıbəyov: "Koroğlu" operasından uvertüra; F. Tüzün (Türkiyə): "Conversation"; N. Xalməmmədov (Türkmənistan): "Simfonik lövhələr"; T. Məhəmmədcanov (Qazaxıstan): "Love Poem"; A. Sabitov (Özbəkistan): "Qəhrəmanlıq uvertürası"; M. Beqaliyev (Qırğızıstan): "Simfonik poema"
  • 1997 – ilk dəfə olaraq Azərbaycan Dövlət Simfonik Orkestri ilə Azərbaycan opera, balet və simfonik musiqisindən ibarət 4 kompakt-diskdən ibarət "Classical Music of Azerbaijan" antologiyasını lentə almışdır. (Fikrat Amirov; Azerbaijan Capriccio, Kurd-Afshari, Nasimi, Arabian Nights; Gara Garayev; Leyli and Majnun, Seven Beauties, Path of Thunder; Soltan Hajibeyov; Karvan. Ogtay Zulfugarov; Holiday Overture; Vasif Adigezalov; Piano Concerto No. 4 , Haji Khanmammadov; Concerto for Tar and Orchestra; Uzeyir Hajibeyov; Koroqlu, Arshin Mal Alan, Muslim Magomayev; Shah Ismayil, Nargiz (excerpts); Gara Garayev & Jovdat Hajiyev, Vatan (Motherland), Fikrat Amirov, Sevil (excerpts)
  • 1998 – Çaykovski adına Böyük Simfonik Orkestrlə "Maestro Niyazi" CD-si (Azərbaycanda ilk dəfə olaraq, qeyd edilən məhsulda əmtəə barkodu yerləşdirilmişdir.) (Niyazi "Rast"; P. Çaykovski "Romeo və Cülyetta"; R. Vaqner "Giriş və İzoldanın ölümü")[49]
  • 2000 – Rusiya Dövlət Simfonik Radio-Televiziya Orkestri ilə CD (P. Çaykovski "Françeska da Rimini"; S. Raxmaninov "2 saylı simfoniya")
  • 2001 – İstanbul Operasının orkestri ilə CD (tam versiya) və A. Məlikovun "Məhəbbət əfsanəsi" baletinin DVD-si
  • 2004 – Çaykovski adına Böyük Simfonik Orkestrlə CD (L. Vaynşteyn "6 saylı simfoniya", "Skripka və orkestr üçün konsert" (solist D. Koqan), "Simli orkestr üçün simfonetta")
  • 2013 – Liepaya Simfonik Orkestri (LSO) və "Qarabağ üçlüyü" ilə СD ("Azərbaycan simfo-muğamı"; Niyazi "Rast"; V. Adıgözəlov "Segah", "Qarabağ şikəstəsi")
  • 2019 – Ukrayna Milli Simfonik Orkestri və soprano Selcan Nəsibli ilə "Femmes Fatales”" albomu (Bize, Rimski-Korsakov, Puççini, Şimanovski və Barberin əsərlərindən ibarət)

Filmoqrafiya[redaktə | əsas redaktə]

  1. Biz qayıdacağıq (film, 2007)

Mükafatları[redaktə | əsas redaktə]

Ailəsi[redaktə | əsas redaktə]

  • Babası — Zülfüqar (Zülfi) Səməd oğlu Adıgözəlov (1898-1963), xanəndə, Qarabağ muğam məktəbinin parlaq nümayəndəsi, Azərbaycanın əməkdar artisti.
  • Atası — Vasif Zülfüqar oğlu Adıgözəlov (1935-2006), bəstəkar, pianoçu, ictimai xadim, pedaqoq, Qara Qarayevin ən parlaq tələbələrindən biri, Azərbaycan Bəstəkarlar İttifaqının birinci katibi, Azərbaycanın xalq artisti, Dövlət Mükafatı laureatı, professor, "Şöhrət" və "İstiqlal" ordenləri laureatı.
  • Anası — Xalidə Ağaəli qızı Məmmədbəyli, 1961-2011-ci illərdə Azərbaycan Tibb Universitetinin fransız dili müəllimi.
  • Qardaşı — Toğrul Vasif oğlu Adıgözəlov, reanimator-anestezioloq, tibb elmləri namizədi (Seçenov adına Moskva Universiteti), fəlsəfə doktoru, səhiyyə sahəsində görkəmli təşkilatçı.
  • Əmisi — Rauf Zülfüqar oğlu Adıgözəlov (1940-2002), skripkaçı (Moskva konservatoriyasının məzunu, D.M. Sıqanovun sinfi), vokalçı, Bakı Konservatoriyasının professoru, Azərbaycanın əməkdar incəsənət xadimi.
  • Həyat yoldaşı — Fərəh Ələkbər qızı Adıgözəlova, tarixçi, psixoloq.
  • Övladları — Zülfüqar (d.1994), Xalidə (d. 1995), Tamerlan (d. 2006)[61]

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 13 14 Odessa Opera və Balet Teatrı (06.11.2011). "Ялчин Адигезалов" (rus). Одесский государственный академический театр оперы и балета. İstifadə tarixi: 2020-07-21.
  2. 1 2 3 4 5 6 7 Bakı Musiqi Akademiyası (06.11.2015). "Adıgözəlov Yalçın Vasif oğlu" (azərb.). Bakı Musiqi Akademiyası. İstifadə tarixi: 2020-07-21.
  3. Рустам Гасымов (03.02.2019). "Наши корифеи: Универсальный музыкант, понимавший музыку изнутри" (rus). Новая Эпоха. İstifadə tarixi: 2020-07-21.
  4. 1 2 3 4 5 6 С.Масель (06.11.2009). "В 50 все только начинается..." (rus). Азербайджанская национальная библиотека. İstifadə tarixi: 2020-07-21.
  5. Məktəblinin Elektron Musiqi Kitabxanası. "Azərbaycan ifaçıları. Adıgözəlov Yalçın Vasif oğlu (1959)" (azərb.). Məktəblinin Elektron Musiqi Kitabxanası. İstifadə tarixi: 2020-07-22.
  6. Teleqraf (03.04.2015). "Ankarada Vasif Adıgözəlovun "Çanaqqala-1915" oratoriyası səsləndirilib" (azərb.). Teleqraf. İstifadə tarixi: 2020-07-22.
  7. AzərTAc (02.12.2019). "Altmış yaşlı dirijor" (azərb.). AzərTAc. İstifadə tarixi: 2020-07-22.
  8. Рустам Гасымов (29.01.2020). "Звезды оперы Украины, Беларуси и Азербайджана выступят в опере «Богема»" (rus). Новая Эпоха. İstifadə tarixi: 2020-07-22.
  9. Рустам Гасымов (03.03.2018). "Артисты Беларуси, Украины и Азербайджана выступят на одной сцене" (rus). Новая Эпоха. İstifadə tarixi: 2020-07-22.
  10. Sputnik (19.04.2017). "Оперные певцы из Казахстана и Украины выступят на бакинской сцене" (rus). Sputnik. İstifadə tarixi: 2020-07-22.
  11. Рустам Гасымов (01.10.2019). "Джамиля Керимова дебютирует в роли Зобейды в балете "Шахерезада"" (rus). Новая Эпоха. İstifadə tarixi: 2020-07-22.
  12. Рустам Гасымов (15.02.2018). "Балет «Шахерезада» вновь на бакинской сцене" (rus). Новая Эпоха. İstifadə tarixi: 2020-07-22.
  13. Рустам Гасымов (14.10.2019). "Мавританско-андалузские страсти на бакинской сцене" (rus). Новая Эпоха. İstifadə tarixi: 2020-07-22.
  14. Sputnik (22.06.2017). "Яркое завершение 108-го сезона в Театре оперы и балета" (rus). Sputnik. İstifadə tarixi: 2020-07-22.
  15. Рустам Гасымов (14.05.2019). "В Баку пройдет премьера балета «Насими»" (rus). Новая Эпоха. İstifadə tarixi: 2020-07-22.
  16. Лидия Алешина (14.02.2020). ""Геликон-опера" представила российскую премьеру спектакля "Золушка"" (rus). Classical Music News. İstifadə tarixi: 2020-07-22.
  17. Интерфакс (08.01.2014). "Азербайджанские "Легенды симфо-мугама" произвели фурор на концерте в Латвии" (rus). Интерфакс-Азербайджан. İstifadə tarixi: 2020-07-22.
  18. Интерфакс (27.01.2014). "Азербайджанская классическая музыка покорила Китай" (rus). Интерфакс-Азербайджан. İstifadə tarixi: 2020-07-22.
  19. AzərTAc (17.10.2015). "Brazilian EBC radio airs program on Azerbaijani music" (ingilis). AzərTAc. İstifadə tarixi: 2020-07-29.
  20. Bellini News, Registrazione Ttibunale di Catania
  21. Könül Aypara (23.05.2013). "Musiqili Teatrın solisti Küveytdə alqışlarla qarşılanıb" (azərb.). Mediapress. İstifadə tarixi: 2020-07-22.
  22. Fakt Xəbər (22.02.2013). "Azərbaycanın Küveytdəki Səfirliyində Xocalı soyqırımı ilə bağlı tədbir keçirilib" (azərb.). "Fakt Xəbər" internet qəzeti. İstifadə tarixi: 2020-07-22.
  23. Интерфакс (15.09.2014). "Грандиозный успех азербайджанской музыки в Италии" (rus). Интерфакс-Азербайджан. İstifadə tarixi: 2020-07-22.
  24. "Şərq qapısı" qəzeti (25.09.2018). ""Dədə Qorqud" kamera orkestrinin konserti keçirilib" (azərb.). Şərq qapısı. İstifadə tarixi: 2020-07-22.
  25. Рустам Гасымов (01.07.2019). "«Джузеппе Верди. Реквием» – грандиозный концерт классической музыки" (rus). Новая Эпоха. İstifadə tarixi: 2020-07-22.
  26. Trend İnformasiya Agentliyi (14.02.2020). "Азербайджанская "Золушка" с триумфом представлена в Москве с 3D технологиями" (rus). Информационное Агентство Тренд. İstifadə tarixi: 2020-07-22.
  27. Trend İnformasiya Agentliyi (12.02.2020). ""Золушка" Вайнштейна – синтез Востока и Запада" (rus). Информационное Агентство Тренд. İstifadə tarixi: 2020-07-22.
  28. Интерфакс (12.12.2014). "Фестиваль Бута представил в Лондоне Ниязи: концерт азербайджанской классической музыки" (rus). Интерфакс-Азербайджан. İstifadə tarixi: 2020-07-22.
  29. Trend İnformasiya Agentliyi (12.03.2014). "Londonda Azərbaycan klassik musiqisindən ibarət konsert keçirilib" (azərb.). Trend İnformasiya Agentliyi. İstifadə tarixi: 2020-07-22.
  30. Xalq qəzeti (16.08.2019). "Azərbaycanın diplomatik xidmət orqanlarının 100 illiyi münasibətilə Rio-de-Janeyroda konsert proqramı təşkil edilib" (azərb.). Xalq qəzeti. İstifadə tarixi: 2020-07-22.
  31. Рустам Гасымов (08.04.2019). "«Оперные голоса Азербайджана» на открытии фестиваля «Opera Art»" (rus). Новая Эпоха. İstifadə tarixi: 2020-07-22.
  32. Интерфакс (12.03.2014). "Азербайджанская классическая музыка прозвучала в Лондоне" (rus). Интерфакс-Азербайджан. İstifadə tarixi: 2020-07-22.
  33. Heydər Əliyev Fondu (25.07.2010). "Qəbələdə II Beynəlxalq Musiqi Festivalına start verilib" (azərb.). Heydər Əliyev Fondu. İstifadə tarixi: 2020-07-22.
  34. Day.az (11.06.2013). "Meksikada Yalçın Adıgözəlovun rəhbərliyi altında konsert keçirilib" (azərb.). Day.az. İstifadə tarixi: 2020-07-22.
  35. Trend İnformasiya Agentliyi (22.03.2014). "Azərbaycanın xalq artistləri Budapeştdə konsert proqramı ilə çıxış ediblər" (azərb.). Trend İnformasiya Agentliyi. İstifadə tarixi: 2020-07-22.
  36. Azərbaycan Respublikasının Diasporla İş üzrə Dövlət Komitəsi (05.12.2018). "Ukraynada Azərbaycan Respublikasının və Qara Qarayevin 100 illiyi qeyd olunub" (azərb.). Azərbaycan Respublikasının Diasporla İş üzrə Dövlət Komitəsi. İstifadə tarixi: 2020-07-22.
  37. Trend İnformasiya Agentliyi (16.09.2019). "Магия и триумф азербайджанского дирижера в Екатеринбурге. Больше ста человек играют как одно целое!" (rus). Информационное Агентство Тренд. İstifadə tarixi: 2020-07-22.
  38. Trend İnformasiya Agentliyi (13.12.2019). "Ялчин Адигезалов отметил юбилей в крупнейшем концертном зале Эгейского побережья Турции" (rus). Информационное Агентство Тренд. İstifadə tarixi: 2020-07-22.
  39. Azərbaycanın Latviya səfirliyi (20.08.2012). "Digər sahələr üzrə əməkdaşlıq" (azərb.). Azərbaycan Respublikasının Latviya Respublikasındakı səfirliyi. İstifadə tarixi: 2020-07-22.
  40. Trend İnformasiya Agentliyi (02.12.2019). "Ялчин Адигезалов отмечает двойной юбилей гастролями по Турции" (rus). Информационное Агентство Тренд. İstifadə tarixi: 2020-07-22.
  41. Belarus Dövlət Opera və Balet Teatrı (13.06.2016). "National Opera and Ballet of Belarus Orchestra" (ingilis). Нацыянальны акадэмічны Вялікі тэатр оперы і балета. İstifadə tarixi: 2020-07-29.
  42. Интерфакс (12.05.2011). "Известный азербайджанский дирижер удостоен почетного диплома II Международного фестиваля оперного искусства в Ташкенте" (rus). Интерфакс-Азербайджан. İstifadə tarixi: 2020-07-22.
  43. Интерфакс (20.09.2017). "Азербайджан представил "Пиковую даму" на ХХV международном оперном фестивале имени Биешу в Кишиневе" (rus). Интерфакс-Азербайджан. İstifadə tarixi: 2020-07-16.
  44. Trend İnformasiya Agentliyi (11.09.2019). "Бархатный сезон в Одессе. З роси і води! Uğurlar Sizə!" (rus). Информационное Агентство Тренд. İstifadə tarixi: 2020-07-22.
  45. Türkiyə Radio Televiziya Qurumu (15.12.2019). ""Nəsimi" baleti Türkiyə səhnəsini fəth etdi" (azərb.). TRT Azərbaycan. İstifadə tarixi: 2020-07-22.
  46. Bakı şəhər Mədəniyyət Baş İdarəsi (03.11.2019). "Dirijor, Xalq artisti Yalçın Adıgözəlovun doğum günüdür" (azərb.). Bakı şəhər Mədəniyyət Baş İdarəsi. İstifadə tarixi: 2020-07-22.
  47. YARAT Müasir İncəsənət Mərkəzi (30.11.2016). "Muzeydə gecə: "Şərqi hiss et"" (azərb.). YARAT Müasir İncəsənət Mərkəzi. İstifadə tarixi: 2020-07-22.
  48. YARAT Müasir İncəsənət Mərkəzi (24.10.2017). "Qara Qarayev adına Azərbaycan Dövlət Kamera Orkestrinin konserti" (azərb.). EduMap. İstifadə tarixi: 2020-07-22.
  49. Discogs (12.05.2020). "Yalchin Adigezalov Дискография" (ingilis). Discogs. İstifadə tarixi: 2020-07-22.
  50. AzərTAc (15.05.2007). "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin sərəncamı" (azərb.). AzərTAc. İstifadə tarixi: 2020-07-22.
  51. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin 14 sentyabr 2012-ci il tarixli Sərəncamı". president.az (azərb.). Azərbaycan Respublikası Prezidentinin rəsmi internet saytı. 2012-09-14. 2017-09-23 tarixində orijinalından arxivləşdirilib. İstifadə tarixi: 2020-07-22. (#parameter_ignored_suggest)
  52. President.Az (30.04.2014). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-07-22.
  53. President.Az (06.05.2015). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-07-22.
  54. President.Az (06.05.2016). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-07-22.
  55. President.Az (01.05.2017). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2017-05-02.
  56. President.Az (09.05.2018). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-09.
  57. President.Az (10.05.2019). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2019-05-10.
  58. President.Az (07.05.2020). "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-05-07.
  59. Trend İnformasiya Agentliyi (10.03.2015). "В Баку состоялась церемония награждения премии "Зирвя"" (rus). Информационное Агентство Тренд. İstifadə tarixi: 2020-07-22.
  60. President.Az (02.11.2019). "Y.V.Adıgözəlovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2020-07-22.
  61. Рая Аббасова (15.08.2014). "Верю и надеюсь" (rus). Boutique Baku. İstifadə tarixi: 2020-07-22.

Mənbə[redaktə | əsas redaktə]

Xarici keçidlər[redaktə | əsas redaktə]