Oxçuçay

Oxçuçay
azərb. Oxçuçay‎, erm. Ողջի
Ölkələr	Azərbaycan  Ermənistan
Rayonlar	Qafan rayonu ( Ermənistan) Zəngilan rayonu ( Azərbaycan)
Şəhərlər	Qacaran ( Ermənistan) Zəngilan ( Azərbaycan) Mincivan ( Azərbaycan)
Keçdiyi ərazilər	Zəngəzur,
Mənbəyi	Qapıcıq dağı
• Yüksəkliyi	3650 m
Mənsəbi	Araz
Uzunluğu	82 km
Su sərfi	11 m³/san
Su sistemi	Araz
Su hövzəsi	Xəzər
Hövzəsinin sahəsi	1175 km²
mənbəyi mənsəbi Oxçuçay Qafqazın fiziki xəritəsində: 39°09′ şm. e. 46°01′ ş. u. 39°01′ şm. e. 46°45′ ş. u.
Vikianbarda əlaqəli mediafayllar

Oxçuçay — Azərbaycan və Ermənistan ərazilərindən axan çay.

Oxçuçay Arazın sol qoludur. Ermənistan Qafan rayonu və Azərbaycanın Zəngilan rayonu ərazisindən keçir. Uzunluğu 85 km, hövzəsinin sahəsi 1140 km²-dir. Başlanğıcını Zəngəzur silsiləsinin Qapıcıq dağından (3285 m) götürür.

Axımı qar (46%), yağış (10%) və yeraltı (44%) sulardan əmələ gəlir, su sərfi 8,90 kub m/san-dir. İllik axımının 40%-i yaz, 43%-i yay, 10%-i payız. 7%-i isə qış fəslində keçir.

Suvarma işlərində istifadə olunur. Ermənistan ərazisində çay Voxçi adlanır.

Ekoloji vəziyyəti

Ermənistan ərazisində kəskin çirklənməyə məruz qalan çaylardan biri də Oxçuçaydır. Qafan və Qacaran dağ – mədən sənayesinin tullantıları ilə hədsiz dərəcədə çirkləndirilən Oxçuçay əslində sənaye tullantılarını Ermənistanın bu bölgəsindən  uzaqlaşdıran kollektor rolunu oynayır. Çayın suyu o qədər zəhərlənmişdir ki, burada heç bir canlı yaşamır. Onun suyundan suvarmada istifadə edildiyi Zəngilan rayonu ərazisində torpaqlar da zəhərlənmişdir və yetişdirilən məhsul əhalinin sağlamlığı üçün təhlükəlidir. Oxçuçayın zəhərli suları gələcəkdə Xudafərin su anbarına tökülməlidir. 

Mənbə

• Azərbaycan çayları