Elnur Hüseynov

Vikipediya, açıq ensiklopediya
Keçid et: naviqasiya, axtar
Elnur Hüseynov
Elnur Hüseynov intervyu. avqust 2011
Elnur Hüseynov intervyu. avqust 2011
Ümumi məlumatlar
Doğum adı Elnur Hüseynov
Ləqəbi Mələk
Doğum tarixi 3 mart 1987 (1987-03-03) (27 yaş)
Aşqabad, Türkmənistan
Mənşə Flag of Azerbaijan.svg Azərbaycan
Üslublar pop, opera
Peşələri Müğənni, model, stilist
Musiqi aləti piano
Səs tembri soprano
Fəaliyyət illəri 2003-indiki zaman
Mükafatları ESC – Milli finalın qalibi (2008)
ESC – 8-ci yer (2008)
ESC Party – Best Live Act (2008)
Sing Your Song – qran-pri (2003)
Veb saytı Rəsmi səhifə

Elnur Hüseynovazərbaycanlı musiqiçi. 2008 Avroviziya Mahnı Müsabiqəsində Azərbaycanın ilk təmsilçisi, bu müsabiqənin 8-ci yer sahibi. 2003-cü ildə "Sing Your Song" müsabiqəsini qalibi.

İlk illər[redaktə]

Elnur Hüseynov 1987-ci ildə martın 3-də Aşqabadda hərbçi ailəsində doğulmuşdur. Anası musiqi nəzəriyyəçisidir. 1992-ci ildə konservatoriya yanında istedadlı uşaqlar üçün ROXMİM-ə daxil olub, fortepiano sinfi üzrə təhsil almışdır. 1999-cu ildə Bakıya gəlir və 2000-ci ildə Tibb Məktəbinin diş texniki ixtisasına qəbul olunur. Ancaq 2001-ci ildə oranə tərk edərək Asəf Zeynallı adına Musiqi Məktəbinə daxil olur. Azərbaycan Dövlət Opera və Balet Teatrında işləyir. 2004-cü ildə Musiqi Məktəbini bitirdikdən sonra stilist-bərbər peşəsini öyrənir.

2003-cü ildə Lider TV telekanalında "Sing Your Song" layihəsində qalib olaraq qran-priyə layiq görülmüşdü. Müslüm Maqomayev adına Azərbaycan Dövlət Filarmoniyasında xor kapellasında, həmçinin kilsə xorunda işləmişdir. Sevda Məmmədova, Fidan HacıyevaRəşad Haşımovdan dərs alır. 2005-ci ildə "Prestij" qrupu ilə birlikdə Eldar Mansurov tərəfindən yazılmış Bəsdir mahnısını yazdırır. Daha sonradan bu mahnıya klip çəkilir.

Avroviziya 2008[redaktə]

Ana SəhifəAzərbaycan 2008 Avroviziya Mahnı Müsabiqəsində

2008-ci ildə Elnur Hüseynov Azərbaycanı ilk dəfə olaraq Avroviziya Mahnı Müsabiqəsində təmsil etmək üçün milli seçimdə iştirak edir. 2 fevral tarixində keirilən milli finalda Elnur əvvəlcə Eldar Mansurovun "İf You Never Back" mahnısını ifa edir. Daha sonradan Samir Cavadzadə ilə duetdə Day After Day mahnısını ifa edir. Münsiflər heyətinin səsverməsindən sonra o Samir ilə duet şəklində qələbə qazandı. 2008 Avroviziya Mahnı Müsabiqəsi Belqrad şəhərində Serbiyada keçirildi. İlk yarınfinalda duet 96 balla 6-cı yeri tutdu və finala çıxdı. Finalda təmsilçilərimiz 132 balla 8-ci oldular. Day After Day sinqli bir çox xarici ölkələrdə tanındı. Mahnıya çəkilmiş klip isə uzun müddət Azərbaycan çartlarında birinci yerdə qaldı. İyul ayında Elnur Samir ilə birlikdə Neolit restoranının reklam çarxında çəkilir. Lakin daha sonradan onun barədə yayılan şayələrə görə uzun müddət efirdən uzaqlaşır və istirahət edir.

Ukraynaya gedişi və hazırki işi[redaktə]

2008 Avroviziya Mahnı Müsabiqəsində iştirakından sonra Elnur Hüseynov Samir Cavadzadə ilə yollarını ayırır və musiqi karyerasına uzun bir fasilə verir. 2009-cu ilin əvvəlində Elnur ölkəni birdəfəlik tərk edəcəyini və Ukraynada musiqi karyerasını davam etdirəcəyini bildirir. Buna baxmayaraq bir neçə aydan sonra o yenidən Azərbaycana qayıdır. 2010-cu ilin aprel ayında Elnur Maşın realiti şousunun iştirakçısı olur, lakin yarışın ilk günündə Hüseyn Dərya tərəfindən yarışdan uzaqlaşdırılır. 2010-cu ilin yayında Heydər Əliyev adına Sarayda "Noterdam de Paris" müziklinin əsas iştirakçılarından biri olur. Daha sonradan "Face Club"da mini konsert verir. 2011 Avroviziya Mahnı Müsabiqəsinin milli seçim turunda seçmə mərhələyə qoşulsa da yarımfinalda iştirak etmir. Lakin dekabr ayında Diana Hacıyevanın ifa etdiyi "Romeo" mahnısında çıxış edir. Daha sonradan 2010-cu ilin dekabr ayında Diana Hacıyeva, Validə Abbasova və digərləri ilə birlikdə fotosessiyada iştirak edir. Yeni il şənliklərində çıxışları ilə yadda qalır. 2011-ci ildə yeni prodüsser ilə çalışmağa başlayır və İsfar Sarabski, Diana Hacıyeva və digərləri ilə həmkarlığını davam etdirir. Hal-hazırda yeni mahnıları üzərində çalışır. Bu ilin avqust ayında onun yeni mahnısı işıq üzü görüb.[Mənbə göstərin]

Mükafatlar[redaktə]

Müsabiqə Mükafat İli
2008 Avroviziya Mahnı Müsabiqəsi Milli Finalın Qalibi 2008
8-ci yer
Best Live Act (Ən yaxşı səhnəcik-performans)
Sing Your Song Ən yaxşı ifaçı 2003

Kliplər[redaktə]

Xarici keçidlər[redaktə]

Əvvəlki:
-
Azərbaycan Avroviziya Mahnı Müsabiqəsində
(Samir ilə)
2008
Sonrakı:
Aysel & Arəş