Arəş (müğənni)

Vikipediya, açıq ensiklopediya - ویکیپدیا ، آچیق انسایکلوپدیا

ARƏŞ
Tam adı	Arəş Labaf
Digər adları	Araş
Doğum tarixi	23 aprel 1977
Doğum yeri	Tehran, İran

Arəş Labaf - müğənni.

Mündəricat 1 Həyatı 2 Yaradıcılıq 2.1 Sinql və albomları 3 Maraqlı faktlar 4 Xarici keçidlər 5 İstinadlar 6 Mənbə

[redaktə / تحریر] Həyatı

Arəş Ləbaf 1977-ci ildə İranın paytaxtı Tehran şəhərində anadan olub. Əslən azərbaycan türkü olduğunu bildirsə də^{[1][2][3] [4]} öz rəsmi internet səhifəsində fars mədəni irsinin daşıyıcısı kimi təqdim olunur^[5] və Avroviziya Mahnı Müsabiqəsində çıxış edən ilk fars olduğu bildirilir.^[6]

10 yaşına qədər Tehranda yaşayıb. Sonra ailəsi ilə birlikdə İsveçin Uppsala şəhərinə, 5 il sonra isə Malmöyə köçüb.

Arəşin əvvəllər BBC və Əl-Cəzirə telekanallarına verdiyi müsahibələrdə^[7] anasının əfqan, atasının fars mənşəli olduğunu bildirdiyinə dair iddialar da mövcuddur.^[8] Bu fikirlər GAMOH tərəfindən səsləndirilir.

32 yaşlı Arəş hazırda Malmödə yaşayır. Bəstəkar, prodüser və müğənni kimi ixtisaslaşıb. Dayvinq, basketbolla maraqlanır, şlyapa kolleksiyası toplayır. 2004-cü il sentyabrın 22-də farscadan tərcümədə "Get-get" mənasını verən "Boro-boro" adlı ilk sinqlını çıxarıb. Sinql qısa müddət ərzində İsveçdə birinci yeri tutub. 2005-ci ildə Arəşin öz adını daşıyan "Arash" albomu dünyanın məşhur musiqi kanalı MTV-də ən çox izlənən musiqilər sırasına daxil olub. Müğənninin elektronik musiqini, roku, hip-hopu və balladanı özündə cəmləşdirən "Dünya" (World) layihəsi ona bir az da çox uğur gətirib. Almaniyanın Kann şəhərində keçirilən festivalın qalibi olan Arəş həmin il Fransada düzənlənən "İnternational Music Market" müsabiqəsində də İsveçin ən yaxşı debütant müsuqiçisi seçilib. 2006-cı ildə Rusiyada "Grammys" mükafatını alan Arəş bu ölkədə ən məşhur xarici müğənni hesab edilir. İsveç, Avstriya, Almaniya, Polşa, Rusiya, Ukrayna, Türkiyə, Çexiya, İsrail, Tacikistan, Gürcüstan, Serbiya, Xorvatiya, Yunanıstan və Bolqarıstanda onun mahnıları "top" siyahılarında yer alır. Ümumilikdə 35 ölkənin musiqi kanallarında Araşın mahnıları yayımlanır. 2006-da Arəş, DJ Alligator və Şahkar Bineşpacuh 2006 FİFA Dünya Kubokunda çıxış edən İran milli futbol komandasına "Iran, Iran" mahnısını həsr etdilər. DJ Alligator Arəşin 2006-da ifa edilən bir sıra mahnılarını da bəstələyibdir.

Arəş 2009 Avroviziya Mahnı Müsabiqəsində Azərbaycan təmsilçiləri Aysel Teymurzadənin və özünün ifa etdiyi "Always" mahnısının müəllifidir.

[redaktə / تحریر] Yaradıcılıq

Ən böyük konsertləri Almaata (Qazaxıstan) və Şesint (Polşa) şəhərlərinin açıq stadionlarında baş tutub. Qapalı konsert salonlarından isə Moskvanın “Olimpiyski” idman kompleksində iki dəfə şou-proqramla çıxış edib. Bütün dünyada albomu böyük tirajla satılır.

[redaktə / تحریر] Sinql və albomları

• "Temptation" (Rebecca Zadig ilə duet)
• "Yalla"
• "Tike-tike kərdi", "Ey yar begu"
• "Bombay Dreams"
• "Mən o to"
• "Bəskon"
• "Music Is My Language"
• "Salamati"
• "Behnaz"
• "Çori çori" (Aneela ilə duet)
• "Boro boro" (2004)
• "Arəş Arəş" (2005)
• "Crossfade" (2006)

[redaktə / تحریر] Maraqlı faktlar

Arəş İran əfsanəsində bir qəhrəmanın adıdır. Əfsanəyə görə, fars imperatorluğu ilə Turan arasında müharibə elan edilir və Arəş orda döyüşür. Sonda sülh elan olunur, qərara alınır ki, Turanla İranın sərhədini müəyyənləşdirmək üçün Arəş ox atsın. Arəş Dəmavənd dağına çıxır və onun atdığı ox uzun bir məsafə qət etdikdən sonra Ceyhun çayının yaxınlığındakı bir qoz ağacına sancılır. Həmin çay İranla Turanın sərhədi olur. Amma Arəş bütün gücünü oxu atmağa sərf etdiyindən özü paramparça olur və bədəninin hissələri İran torpaqlarına yayılır.

[redaktə / تحریر] Xarici keçidlər

• www.arash.se
• www.arash.com
• www.arash.ru
• www.boro-boro.de
• www.arashlabaf.com
• www.arashlabaf.de
• www.arashfans.info
• www.warnermusic.de

[redaktə / تحریر] İstinadlar

[redaktə / تحریر] Mənbə

• Araş kimdir?

Əvvəlki: Elnur & Samir

Azərbaycan Avroviziya Mahnı Müsabiqəsində (Aysel ilə) 2009

Sonrakı: bilinmir

g • m • r Azərbaycanın Avroviziya Mahnı Müsabiqəsi təmsilçiləri
Elnur Hüseynov & Samir Cavadzadə • Aysel Teymurzadə & Arəş

g • m • r 2009 Avroviziya Mahnı Müsabiqəsi müğənniləri
Final bölməsindəki müğənnilərin adı nəticəyə görə yazılmışdır.
Final	1. Aleksandr Rıbak · 2. Yohanna · 3. Aysel və Arəş · 4. Hadisə · 5. Jade Ewen · 6. Urban Symphony · 7. Sakis Rouvas · 8. Patrisiya Kaas · 9. Regina · 10. İnga & Anuş Arşakyans · 11. Anastasiya Prixodko · 12. Svetlana Loboda · 13. Niels Brinck · 14. Nelly Ciobanu · 15. Flor-de-lis · 16. Noa ve Mira Awad · 17. Kejsi Tola · 18. İgor Cukrov və Andrea Šušnjara  · 19. Elena Gheorghe · 20. Alex Christensen & Oscar Loya · 21. Malena Ernman · 22. Chiara · 23. Soraya Arnelas · 24. Saşa Son · 25. Waldo's People
I yarımfinal	Gipsy.cz · Patrik Ouchène · Pyotr Elfimov · Lovebugs · Krassimir Avramov · Andrea Demirović · Susanne Georgi · Next Time
II yarımfinal	Marko Kon və Milan Nikolić · Zoli Adok · Sinead Mulvey və Black Daisy · Christina Metaxas · Lidia Kopania · Kamil Mikulčík və Nela Pocisková · Quartissimo və Martina Majerle · Intars Busulis · De Toppers
İmtina edən	Stephane & 3G