Krımçaqlar

Krımçaqlar
Cəmi say	1.5 min
Əhəmiyyətli sayda yaşadığı bölgələr	Krım yarımadası Rusiya:   157
Dil	Krımçaq dili
Din	İslam, yəhudi
Yaxın etnik qruplar	Türklər, Krım tatarları

Ukrayna əhalisinin milli tərkibi-2001 s.a.

Krımçaqlar əsasən Ukraynanın Krım ərazisində yaşayan türkdilli xalq. Krımçaqlar krımçaq dilində danışırlar. Bu dil Krım-tatar dilinə yaxındır və türk dilinin qıpçaq alt qrupuna daxildir. Lakin müasir danışıq dillərində və yazılarında çoxlu oğuz elementlərdən istifadə olunur. XIX əsrin sonlarına qədər krımçaqlar öz dillərini çaqatay adlandırırdılar.

Krımçaqların bir çoxu özlərini yəhudilərin başqa etnodil qrupuna daxil olduğunu hesab edir və hazırda İsraildə yaşayırlar.

1920-ci ilin əvvəllərində görkəmli türkoloq akademik A.N.Samoyloviç krımçaqlar haqqında araşdırma apararaq, onların xəzər mədəniyyətinin daşıyıcıları olduğu haqqında fikir irəli sürdü. Qan qruplarını tədqiq edən V.Zabolot isə bu nəticəyə gəlir ki, krımçaqlar semit xalqlarına aid deyillər. Rusiya sənədlərində krımçaqlar 1917-ci ilə qədər yəhudi-krımçaqlar kimi gedir.

Krımçaqların ümumi sayı 1500 nəfər civarındadır. Bunlardan 204 nəfəri Krımda, 157 nəfəri Rusiyada yaşayır. ABŞ və İsraildə yaşayan krımçaqların dəqiq sayı bilinmir. 1950-ci ilin əvvəllərində İsraildə 1000 nəfərə yaxın krımçaq yaşayırdı və bunların bir çoxu başqa yəhudi qrupları ilə qaynayıb-qarışıblar.

Xarici keçidlər

• 'Этнография народов Крыма' – Этносы Крыма:Крымчаки
• ЭТНИЧЕСКАЯ ИСТОРИЯ КРЫМЧАКОВ

Həmçinin bax

• Qaraimlər