Zenit raket kompleksi S125

Vikipediya, açıq ensiklopediya
Keçid et: naviqasiya, axtar
SA-3 system.jpg

S125 zenit raket kompleksi (ZRK) – yaxın təsir dairəsinə malik olan silah sistemidir. 1961-ci ildən SSRİ silahlı qüvvələrində istifadəyə qəbul edilmişdir.

Zenit raket kompleksi S-125 "Peçora" aşağıdan uçan pilotlu və ya pilotsuz aparatların 20 – 18 000 m hündürlükdə və 3,5 – 25 km uzaqlıqda vurulması üçün nəzərdə tutulmuşdur. Hədəfin dəqiq nişan alınması da əsas məqsədlərdəndir. Bunun üçün bir-birinə perpendikulyar olan iki müstəvi arasındakı boşluğun skanerlənməsi lazım idi ki, hədəfdən və raketdən gələn siqnalların uzlaşdırılması mümkün olsun. Hədəfin tutulması üçün əlavə antenadan buraxılan nazik şüadan istifadə edilir.

S-125 ZRK üçün "Fakel" konstruktor bürosunda işləib hazırlanmış 2 pilləli, sürətləndirici və marş bərk yanacaqla işləyən mühərriklərdən istifadə edilir.

1961-ci ildə orduya qəbul edilən "Peçora" V=560 m/san sürətlə uçan hədəfi iki raketlə 0,98 ehtimalı ilə vurmaq imkanına malikdir.

İstifadə olunduğu müddətdə dəfələrlə təkmilləşdirilmişdir.

S300 raket komplekslərinin yaranması ilə bir çox köhnə modelli S-125 sistemləri istifadədən çıxarılır. Köhnə sistemləri xaricə satmaq üçün onları təkmilləşdirmək qərarına gəlinir. Bu məqsədlə 2000-ci ildə hazırlanmış "Peçora-2" sistemi daha uzaq məsafədən eyni zamanda bir neçə hədəfi yüksək dəqiqliklə vurmaq imkanı verir. Atıcı qurğu yük avtomobilinə quraşdırılır, bu da ona qısa zamanda yerini dəyişməyə imkan verir. Peçora-2 sistemini həm də qanadlı raketlərə qarşı tətbiq etmək olur.


Taktiki-texniki göstəriciləri[redaktə]

S125 M В-600 raketi ilə "Peçora" В-601P raketi ilə "Peçora" В-601PK raketi ilə "Peçora 2A" В-601D raketi ilə
Hədəfin maksimal uçuş sürəti (m/san) 560 560 560 700
Minimal epr. (m2) 0,5 0,3 0,3 0,3
Hədəfin maksimal uçuş hündürlüyü Н (km) 10 18 16 20
Raketin minimal uçuş hündürlüyü (km) 0,2 0,02 0,02 0,02
Maksimal uzaqlıq (km) 12 17,5 14 28
Minimal uzaqlıq (km) 6 3,5 3 3,5
Hədəfi vurma ehtimalı 0,25 — 0,99 0,41 — 0,98 0,4 — 0,97 0,41 — 0,99

Hərbdə tətbiqi[redaktə]

S-125 Neva Pechora Saaremaa.jpg

1970-ci ilin iyun-iyul aylarında Misirdə tətbiq olunan S125 raketlərinin köməyi ilə 16 atəşlə 9 təyyarə vurulmuş və 3-ü zədələnmişdir.

1973-cü ildə Suriyada mövcud olan hərbi münaqişədə 43 təyyarə vurulmuş, 5 divizon məhv edilmişdir.

Yuqoslaviyada NATO qoşunlarına qarşı döyüşlərdə tətbiq olunan S125 "Peçora" ilə F-117 az görünən hərbi təyyarə vurulmuşdur.