İnam Kərimov

İnam Kərimov
Fayl:Inam.Karimov.png
Azərbaycan Respublikasının kənd təsərrüfatı naziri
21 aprel 2018 – 4 aprel 2023
Əvvəlki	Heydər Əsədov
Sonrakı	Məcnun Məmmədov
Şəxsi məlumatlar
Doğum tarixi	6 iyun 1977
Doğum yeri	Bakı, Azərbaycan SSR
Vətəndaşlığı	Azərbaycan
Təhsili	Bakı Dövlət Universiteti Strasburq Universiteti Paris Universiteti
Fəaliyyəti	məmur, siyasətçi
Elmi fəaliyyəti
Elmi dərəcəsi	hüquq doktoru[d]
Vikianbarda əlaqəli mediafayllar

İnam İmdad oğlu Kərimov (6 iyun 1977, Bakı) — azərbaycanlı siyasətçi və hüquqşünas, Azərbaycanın 5-ci Kənd təsərrüfatı naziri (2018—) və Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1-ci sədri (2012–2018).

Həyatı

İnam Kərimov 1977-ci il iyunun 6-da Bakı şəhərində anadan olub. 1984-cü ildən 1994-cü ilə qədər S. C. Pişəvəri adına Humanitar fənlər Gimnaziyasında təhsil alıb. 1994-cü ildən 1995-ci ilə qədər Birləşmiş Ştatların İndiana ştatında yerləşən "Richmond High School"-da təhsilini davam etdirib.

1995-ci ildə Bakı Dövlət Universitetinin beynəlxalq hüquq fakültəsinə qəbul olunub, 1998-ci ildən 2000-ci ilə qədər Fransanın Strasburq Universitetində hüquq ixtisası üzə bakalavr təhsili alıb. 2000–2002-ci illərdə isə o, Fransanın nüfuzlu universiteti hesab olunan Sorbonna Universitetində hüquq ixtisası üzrə magistr təhsili alıb.

İnam Kərimov Sorbonna Universitetində hüquq üzrə doctor (docteur en droit) elmi dərəcəsi alıb. O, doğma azərbaycan dili ilə yanaşı fars, fransız, ingilis və rus dillərini bilir.

Fəaliyyəti

İnam Kərimov, 2002-ci ildən 2004-cü ilə qədər Azərbaycan Prezidentinin Administrasiyasında məsləhətçi, 2004-cü ildən 2012-ci ilə qədər isə baş məsləhətçi vəzifələrində çalışıb. O, həmdə 2005–2012-ci illərdə Azərbaycanın Korrupsiyaya qarşı mübarizə üzrə Komisiyyasının Katibi və Avropa Şurasının Korrupsiyaya qarşı Dövlətlət Qrupunda (GRECO) Azərbaycanın nümayəndə heyətinin rəhbəri olub.

Azərbaycan Prezidenti İlham Əliyevin 7 sentyabr 2012-ci il tarixli 2426 nömrəli Sərəncamı ilə İnam Kərimov, Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsinə təyin edilib.

O, həmdə 2016-cı ildən Azərbaycan Turizm Şurasının üzvdür.

Azərbaycan Prezidenti İlham Əliyevin 21 aprel 2018-ci il tarixli 9 nömrəli Sərəncamı ilə İnam Kərimov, Azərbaycanın Kənd təsərrüfatı naziri vəzifəsinə təyin edilib. Azərbaycanın 5-ci Kənd təsərrüfatı naziri olan İnam Kərimov, bu postda 2013-cü ildən həmin vəzifəni icra edən Heydər Əsədovu əvəzlədi. Həmin gün İlham Əliyev tərəfindən imzalanan digər Sərəncama əsasən isə İnam Kərimov, Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsindən azad edildi.

Ailəsi

İnam Kərimov ailəlidir, 2 övladı var. İnam Kərimovun qardaşı Mətin Kərimli, 2014-cü ildən Əmək və əhalinin sosial müdafiəsi nazirinin müavini vəzifəsində çalışmış, 2020-ci ilin yanvar ayından etibarən isə Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktoru vəzifəsində çalışır.