Burnaz Atikə Sultan

Vikipediya, azad ensiklopediya
(Burnaz Atiyə Sultan səhifəsindən istiqamətləndirilmişdir)
Jump to navigation Jump to search
Burnaz Atikə Sultan
عاتکه سلطان
Şəxsi məlumatlar
Doğum tarixi
Doğum yeri İstanbul, Osmanlı imperatorluğu
Vəfat tarixi
Vəfat yeri
Vəfat səbəbi səpmə yatalaq
Dəfn yeri
Atası I Əhməd
Anası Kösəm Sultan
Həyat yoldaşları Cəfər Paşa
Qoca Kənan Paşa
Doğancı Yusif Paşa

Atikə Sultan (osm. عاتکه سلطان) və ya Burnaz Atikə Sultan (1614, Konstantinopol – 1674, Konstantinopol) — I. Əhmədin Kösəm Sultandan doğulan dördüncü qızı.

Həyatı[redaktə | mənbəni redaktə et]

1614-cü ildə Şahzadə Qasımla birlikdə əkiz olaraq dünyaya gəldi. Ögey qardaşı Sultan Osmanın səltənəti illərində anası Kösəm Sultanla birlikdə Köhnə Saraya sürgün edildi. Qardaşı Sultan Muradın səltənəti illərində riqabdar Cəfər ağayla evləndirildi. Nigahdan sonra vəzir ünvanı alan Cəfər Paşa Rumeliyə təyin olundu və bir neçə il sonra Sultan Muradın əmriylə cütlük boşandı.

Daha sonra 1633-cü ildə İstanbul naibi gürcü əsilli Kənan Paşa ilə evləndi. Qardaşı Sultan İbrahimin ilk hasəkisi olan Turhan Sultanın saraya gətirilərək yetişdirilməsi ilə şəxsən məşğul olmuşdur.[1] 19 il davam edən ikinci evliliyi Kənan Paşanın 1652-ci ildə vəfat etməsiylə başa çatdı. Həmin ilin iyulunda divan vəzirlərindən Doğancı Yusif Paşa ilə evləndirildi. Tarixlərdə hər hansı bir uşağının olduğu bilinmir. 1672-ci ildə vəfat etmiş və Ayasofya Məscidinin bağçasındakı Sultan İbrahim türbəsinə dəfn edilmişdir.[2]

İstinadlar[redaktə | mənbəni redaktə et]

  1. ↑ İslam Ansiklopedisi, Cilt: 41, s. 424
  2. ↑ Kahraman, Mehmed Süreyya ; Nuri Akbayar. Eski yazıdan aktaran Seyit Ali (1996). Sicill-i Osmanî. İstanbul: Tarih Vakfı. s. 41. ISBN 9753330383.
Mənbə — "https://az.wikipedia.org/w/index.php?title=Burnaz_Atikə_Sultan&oldid=6906346"