Kamal Qılıncdaroğlu

Vikipediya, açıq ensiklopediya
Jump to navigation Jump to search
Kamal Qılıncdaroğlu
türk. Kemal Kılıçdaroğlu
KemalKılıçdaroğlu.jpg
Türkiyə Ana Müxalifət lideri,Cümhuriyyət Xalq Partiyasının (Türkiyə) Sədri, Türkiyə Böyük Millət Məclisinin millət vəkili
22 may 2010
Sələfi Dəniz Baykal
Təhsili Ankara İqtisadi ve Ticarət İşləri Akademiyası (indiki adı Gazi Universiteti)
Doğum tarixi 17 dekabr 1948(1948-12-17)
Doğum yeri Nazımiye, Türkiyə
Həyat yoldaşı Selvi Qılıncdaroğlu
İmza
Kamal Qılıncdaroğlunun rəsmi veb saytı
Commons-logo.svg Kamal Qılıncdaroğlu Vikianbarda

Kamal Qılıncdaroğlu (türk. Kemal Kılıçdaroğlu) — Türkiyə Böyük Millət Məclisinin millət vəkili (2002, 2007), 22 may 2010-cu il tarixdən Cümhuriyyət Xalq Partiyasının (Türkiyə) Genel Başqanı.

Təhsili[redaktə | əsas redaktə]

17 dekabr 1948-ci ildə Türkiyənin Tunceli vilayətinin Nazimiyə şəhərində anadan olmuşdur. İbtidai və orta təhsilini Erciş, Tunceli, Genç, Elazığ, Anadolunun müxtəlif məktəblərində aldı. 1971-ci ildə Ankara İqtisadi ve Ticarət İşləri Akademiyası (indiki adı Gazi Universiteti)nin iqtisadiyyət və idarəetmə elmləri fakültəsini bitirib.

İş fəaliyyəti[redaktə | əsas redaktə]

1971-ci ildə əmək fəaliyyətinə Maliyyə Nazirliyində hesab mütəxəssisi yardımçısı kimi başlayıb. 1983-cü ildə Gəlirlər Baş İdarəsinə şöbə müdiri təyin olunub, burada idarə rəisinin müavini vəzifəsinə qədər yüksəlib. Daha sonra sosial sığorta sahəsində çalışıb, Hacəttəpə Universitet ndə müəllim, İş Bankında İdarə Heyətinin üzvü olub.[1]

Siyasi fəaliyyəti[redaktə | əsas redaktə]

1999-cu ildən Kamal Qılıncdaroğlu bir ara Demokratik Sol Partiya ilə əməkldaşlıq edir. 2002-ci və 2007-ci illərdə İstanbul-dan Cümhuriyyət Xalq Partiyası siyahısı ilə Türkiyə Böyük Millət Məclisinin millət vəkili seçilir.

Yüksəlişi[redaktə | əsas redaktə]

2007-ci ildən o həmçinin Türkiyə Böyük Millət Məclisi-ndə o CXP qrupunun Dəniz Baykalla həmsədri olur və bu vəzifəni 17 May 2010-ci il tarixinə qədər daşıyır.

Kamal Qılıncdaroğlu 2009-cu ildə Cumhuriyyət Xalq Partiyasindan İstanbul bələdiyyə başqanlığına namizəd olur, çox böyük uğurla seçkiqabağı kampaniyanı aparır. 36.80 % səs toplasa da kiçik səs fərqi ilə hakim partiyanın namizədinə uduzur.

Genel Başqanlık seçimi[redaktə | əsas redaktə]

Kamal Qılıncdaroğlu

Cümhuriyyət Xalq Partiyası nın Genel Başqanı Dəniz Baykalın 11 may 2010-cu il tarixli istefasından sonra partiya liderliyinə namizədliyini irəli sürür.

22 may2010-cu il tarixində CXP-nin 33-cü qurultayında partiyanın Genel Başqanı seçilir. Onun namizədliyini 1200 qurultay nümayəndəsi dəstəkləyir, bu CXP üçün rekord rəqəmdir.

Qurultaydan əvvəl mətbuatın dili ilə ona "Qandi Kamal" ləqəbi verilir. Keçmiş baş nazir, Demokratik Sol Partiyanın lideri olmuş Bülənt Ecevitin xanımı Rahşan Ecevit də qurultaya qatılaraq Qılıncdaroğluna dəstək verib. Aralarında uzun illər kəskin ziddiyətlər olan iki solçu partiya arasında belə yaxınlaşma yaşanır.

CHP Qılıncdaroğlunun liderliyində ilk reytinqi[redaktə | əsas redaktə]

İctimai rəyi öyrənmə mərkəzlərindən SONAR-ın keçirdiyi rəy sorğusuna əsasən, CXP uzun illərdən sonra ilk dəfə birinci partiyaya çevrilib. Rəyi soruşulanlardan 32 faizi bu partiyaya səs verməyə hazırdır. AKP isə ilk dəfə ikinci sıraya düşüb və ona səs verməyə hazır olanların faizi 31,6-dır.

Qərb mətbuatı isə yazır ki, uzun müddətdir müxalifətin zəiflədiyi Türkiyədə Kamal Qılıncdaroğlunun CXP-yə lider seçilməsi çoxlarında dəyişikliyə olan ümidləri artırıb. Qərb mətbuatına görə, Kamal Qılıncdaroğlu Türkiyənin yeni Kamalı olaraq görənlər var.[2]

Ailə şəcərəsi[redaktə | əsas redaktə]

Kamal Qılıncdaroğlunun Nazimiyeli[3] olan ailəsi Xorasandan köçərək Anadoluya yerləşən nəsillərdəndir[4]. 917-ci ildə aləviliyi qəbul edən Kureyşan aşirətində[4]Kamal Qılıncdaroğlu sülaləsinin, Xorasandan köçüb Dersimə gelmiş Kureyşan ocağından olduğunu bildirmişdir. Ayrıca olaraq soyunun, oğuzların Bozok qolunun Beğdili boyundan olduğunu və Ehl-i Beytə qədər uzanan Seyyid soyuna uzandığını[4][5] bildirmişdir.

Kılıcdaroğlu eyni zamanda müsahibələrindən birində nəsillərinin İrandan olduğuna görə etnik baxımdan azərbaycanlı sayıla biləcəyini deyib. Qeyd edək ki, ermənilər də populyarlığı sürətlə artan və Türkiyənin gələcək baş naziri olaraq görülən Qılıncdaroğlu erməniləşdirməyə çalışıblar. Erməni mənbələrində onun erməni qarışığı olması barədə iddialar yer alıb. Ancaq türkiyəli etnoqraflar bu iddianın əsassız olduğunu bildirir[6].[7].

Şəxsi həyatı[redaktə | əsas redaktə]

Selvi Qılıncdaroğlu ilə evli olan Kamal Qılıncdaroğlunun üç övladı var.

Kitabları[redaktə | əsas redaktə]

Qılıncdaroğlunun üç kitabı və çox sayda məqaləsi vardır.[8]

  • Kemal Kılıçdaroğlu, İşsizlik Sigortası Kanunu-Yorum ve Açıklamalar, TÜRMOB, Ocak 1993.
  • Kemal Kılıçdaroğlu, 1948 Türkiye İktisat Kongresi, 1. baskı DPT, 2. baskı SPK, Eylül 1997.
  • Kemal Kılıçdaroğlu, Kayıtdışı Ekonomi ve Bürokraside Yeniden Yapılanma Gereği, TÜRMOB, Ekim 1997.

İstinadlar[redaktə | əsas redaktə]

  1. ↑ http://www.mediaforum.az/articles.php?lang=az&page=02&article_id=20100523112113543
  2. ↑ http://www.musavat.com/new/Gündəm/77793-KILICDAROĞLUNA_HÜCUMLAR_BAŞLADI
  3. ↑ Nazımiyeli ailenin okuyan tek çocuğu, Radikal, 23 Mayıs 2010, erişim tarihi: 8 Haziran 2010.
  4. ↑ 4,0 4,1 4,2 Kılıçdaroğlu hakkında bilinmeyen tek gerçek, Hürriyet, 23 Mayıs 2010, erişim tarihi: 8 Haziran 2010.
  5. ↑ 'Sünni-Türk açılımı' yolda, Radikal, erişim tarihi: 8 Haziran 2010.
  6. ↑ KILICDAROĞLU ETNİK AZƏRBAYCANLIDIR
  7. ↑ İşte Kılıçdaroğlu'nun doğduğu ev , CNN TURK, erişim tarihi: 8 Haziran 2010.
  8. ↑ http://www.24dakika.com/news_detail.php?id=58293 Kemal Kılıçdaroğlu'nun hikayesi

Xarici keçidlər[redaktə | əsas redaktə]

Mənbə — "https://az.wikipedia.org/w/index.php?title=Kamal_Qılıncdaroğlu&oldid=4609632"