Pərviz Bağırov (boksçu)

Vikipediya, azad ensiklopediya
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Pərviz Bağırov.
Pərviz Bağırov
Pərviz Bağırov 2016-cı il Rio-de-Janeyro Olimpiadasında
Pərviz Bağırov 2016-cı il Rio-de-Janeyro Olimpiadasında
Şəxsi məlumatlar
Tam adı Pərviz Füzuli oğlu Bağırov
Vətəndaşlığı Azərbaycan Azərbaycan
Doğum tarixi (30 yaş)
Doğum yeri Mingəçevir, Azərbaycan
Boyu 177 sm. (5 ft 6 in)
İdman növü Boks
Məşqçisi Vüqar Ələkbərov
Medallar
Vikianbarın loqosu Vikianbarda əlaqəli mediafayllar

Pərviz Bağırov (10 fevral 1994, Bakı) — Azərbaycanı təmsil edən boksçu, 2015-ci il Avropa Oyunlarının qalibi.[1]

Karyerası

[redaktə | mənbəni redaktə et]

Pərviz Bağırov 2012-ci ildə Ermənistanın İrəvan şəhərində baş tutan yeniyetmələr arasında Dünya Çempionatının bürünc medalına sahib oldu. Bu onun nüfuzlu beynəlxalq turnirlərdə birinci uğuru oldu.

2013-cü ildə isə Pərviz Bağırov Dünya Çempionatlarında debüt elədi.[2] Qazaxıstanın Almatı şəhərində baş tutan turnirdə Pərviz Bağırov 1/32 final mərhələsində Çin Taybeyi nümayəndəsi Vna Yu-Jena (TKO), 1/16 final mərhələsində isə Moldova nümayəndəsi Vasili Belousa (3:0) qalib gəldi və turnirin 1/8 final mərhələsinə adladı.[2] Bu mərhələdə isə o, son olimpiadanın bürünc medalçısı olan İtaliya nümayəndəsi Vinçenzo Mansiasapreya məğlub oldu (0:3) Dünya Çempionatında mübarizəsini başa vurdu.[2]

2014-cü il ərzində Dünya və Avropa Çempionatları baş tutmadı. Pərviz Bağırov 2015-ci ilin iyununda baş tutan Birinci Avropa Oyunlarında mübarizə apardı.[3] Təsnifat mərhələsindən azad olan Pərviz Bağırov turnirin 1/8 final mərhələsində Moldova nümayəndəsi Vasil Belus ilə üz-üzə gəldi.[3] İyunun 20-də baş tutan həmin görüşdə Pərviz Bağırov rəqibi üzərində qələbə qazandı (3:0) və turnirin 1/4 final mərhələsinə adladı.[3] Bu mərhələdə onun rəqibi Almaniya nümayəndəsi Abbas Barau oldu.[3] Bu görüşdə də Pərviz Bağırov rəqibinə qalib gəldi (3:0) və Avropa Oyunlarının yarım-final mərhələsinə adladı.[3] Finala gedən yolda onun rəqibi Birləşmiş Krallıq nümayəndəsi Coş Kelli oldu.[3] İyunun 26-da baş tutan həmin görüşdə Pərviz Bağırov rəqibi üzərində qələbə qazandı (3:0) və Avropa Oyunlarının final görüşünə vəsiqə qazandı.[3] Həlledici görüşdə isə onun rəqibi son Avropa Çempionatının qalibi olan Rusiya nümayəndəsi Olesandr Besputin oldu.[3] İyunun 27-də baş tutan final görüşündə Pərviz Bağırov rəqibinə qalib gəldi (3:0) və Birinci Avropa Oyunlarının qalibi oldu.[3]

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Pərviz Füzuli oğlu Bağırov "Şöhrət" ordeni ilə təltif edildi.[4]

Daha sonra Pərviz Bağırov Qətərin Doha şəhərində baş tutan Dünya Çempionatında mübarizə apardı.[5] Turnirin 1/8 final mərhələsində Meksika nümayəndəsi Marvin Kabrera Vergaraya qalib gələn (3:0) Pərviz Bağırov, 1/4 final mərhələsində 2012-ci il London Olimpiadasının qalibi olan Kuba təmsilçisi Roniel İglesiası da məğlub elədi (2:1) və turnirin yarım-final mərhələsinə adladı.[5] Bu mərhələdə o, Qazaxıstan nümayəndəsi Daniyar Yeleussinova məğlub oldu (0:3) və Dünya Çempionatının bürünc medalına sahib oldu.[5] Pərviz Bağırov həm də olimpiya lisenziyasına sahib oldu və Azərbaycanı 2016-cı ilin avqustunda Braziliyanın Rio-de-Janeyro şəhərində baş tutan XXXI Yay Olimpiya Oyunlarında təmsil elədi.[6]

Pərviz Bağırov Rio-de-Janeyro Olimpiadasında avqustun 11-də mübarizə apardı.[6] Təsnifat mərhələsindən azad olan Pərviz Bağırov turnirin 1/8 final mərhələsində Fransa nümayəndəsi Süleyman Sissoxo ilə üz-üzə gəldi.[6] Görüşün nəticəsinə əsasən Pərviz Bağırov rəqibinə 0:3 hesabı ilə məğlub oldu və Rio-de-Janeyro Olimpiadasında mübarizəsini başa vurdu.[6][7]

Rio-de-Janeyro Olimpiadasından sonra Pərviz Bağırov 2017-ci ilin iyununda baş tutan Avropa Çempionatında mübarizə apardı.[8] Turnirin 1/8 final mərhələsində o, Bolqarıstan nümayəndəsi Simeon Çamova qalib gəlsə də (4:1), 1/4 final mərhələsində Ukrayna təmsilçisi Yevgen Barabanova məğlub oldu (0:3) və Avropa Çempionatını beşinci pillədə başa vurdu.[8]

Daha sonra Pərviz Bağırov 25 avqust-2 sentyabrda Almaniyanın Hamburq şəhərində baş tutan Dünya Çempionatında çıxış elədi.[9] Pərviz Bağırov turnirin 1/8 final mərhələsindəcə Monqolustan nümayəndəsi Byambin Tüvsşinbata məğlub oldu (1:4) və çempionatı medalsız başa vurdu.[9]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
1
2013
 Dünya Çempionatı Qazaxıstan Qazaxıstan
PAT
2
2015
 Avropa Oyunları Azərbaycan Azərbaycan
1.
3
 Dünya Çempionatı Qətər Qətər
3.
4
2016
 Olimpiya Oyunları Braziliya Braziliya
PAT
5
2017
 Avropa Çempionatı Ukrayna Ukrayna
5.
6
 Dünya Çempionatı Almaniya Almaniya
PAT

İstinadlar

[redaktə | mənbəni redaktə et]
  1. ↑ Olympedia.org. "Pərviz BAĞIROV". www.olympedia.org (ingilis). 2022-08-30. 2022-04-18 tarixində arxivləşdirilib. İstifadə tarixi: 30.08.2022.
  2. ↑ 1 2 3 Amateur-boxing.strefa.pl idman portalı. "2013 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
  3. ↑ 1 2 3 4 5 6 7 8 9 Amateur-boxing.strefa.pl idman portalı. "2015 European Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  4. ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 30.06.2015. 2022-07-24 tarixində arxivləşdirilib. İstifadə tarixi: 22.08.2022.
  5. ↑ 1 2 3 Amateur-boxing.strefa.pl idman portalı. "2015 World Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  6. ↑ 1 2 3 4 Olympedia.org. "2016 Summer Olympics / Boxing / Welterweight (69 Kilograms) / Men". www.olympedia.org (ingilis). 2022-08-30. 2022-05-05 tarixində arxivləşdirilib. İstifadə tarixi: 30.08.2022.
  7. ↑ Amateur-boxing.strefa.pl idman portalı. "2016 Summer Olympics Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  8. ↑ 1 2 Amateur-boxing.strefa.pl idman portalı. "2017 European Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  9. ↑ 1 2 Amateur-boxing.strefa.pl idman portalı. "2017 World Championships — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
Mənbə — "https://az.wikipedia.org/w/index.php?title=Pərviz_Bağırov_(boksçu)&oldid=7712129"