Vəfa Quluzadə

Vikipediya, açıq ensiklopediya
Keçid et: naviqasiya, axtar
Vəfa Quluzadə
Vəfa Mirzəağa oğlu Quluzadə
Vəfa Quluzadə
Azərbaycan Respublikasının Xarici Siyasət Məsələləri üzrə Dövlət Müşaviri (1990-1999)
 
İxtisası: Şərqşünas
Dini: İslam
Təvəllüdü: 21 dekabr 1940(1940-12-21)
Bakı
Flag of Azerbaijan SSR.svg Azərbaycan SSR
Vəfatı: 1 may 2015 (74 yaşında)
Bakı
Atası: Mirzəağa Quluzadə
Anası: Yaqut Dilbazi
Həyat yoldaşı: Leyla Əhmədova

Vəfa Quluzadə (tam adı: Vəfa Mirzəağa oğlu Quluzadə; d. 21 dekabr 1940, Bakı, Azərbaycan SSR, SSRİ – ö. 1 may 2015, Bakı, Azərbaycan) — Azərbaycanın görkəmli dövlət xadimi, politoloq, Xəzər regionu dövlətlərinin siyasi tədqiqatı Fondunun prezidenti. Azərbaycan Respublikasının Xarici siyasət məsələləri üzrə dövlət müşaviri (1990-1999).

Həyatı[redaktə | əsas redaktə]

Vəfa Quluzadə 21 dekabr 1940-cı ildə Bakıda anadan olmuşdur.

1958-ci ildə Bakı şəhəri 23 nömrəli orta məktəbi bitirərək Azərbaycan Dövlət Universitetinin Şərqşünaslıq fakültəsinə qəbul olmuş, 1963-cü ildə məzun olmuşdur.

2 il Azərbaycan radiosunda ərəb dilində verilişlər aparmışdır.

1962-1964-cü illərdə SSRİ Elmlər Akademiyasının Şərqşünaslıq İnstitutunun aspiranturasında təhsil almışdır. Dissertasiyasını müvəffəqiyyətlə müdafiə edərək filologiya elmləri namizədi elmi adı almışdır.

1 may 2015-cı ildə Bakı şəhərində ürək xəstəliyindən vəfat etmişdir.[1][2].

Siyasi fəaliyyəti[redaktə | əsas redaktə]

1970-ci ildə Misirdəki SSRİ səfirliyində attaşe kimi işə başlamışdır. Ərəb-İsrail müharibəsinin getdiyi bir vaxtda Misir prezidenti Ənvər Sədatın SSRİ Xarici işlər naziri Andrey Qromıko ilə görüşündə iştirak etmişdir.

1973-cü ildə vətənə qayıdan V.Quluzadə Azərbaycan Kommunist Partiyasının Mərkəzi Komitəsində işə başlamışdır. Həmin illərdə Sov.İKP MK yanında İctimai Elmlər Akademiyasını bitirmişdir.

Yenidən diplomatik xidmətə qaytarılan V.Quluzadə Əlcəzairdəki SSRİ səfirliyinə məsləhətçi qismində göndərilmişdir.

1990-ci ildə Azərbaycana qayıdır və Azərbaycan Respublikasının xarici siyasət üzrə Dövlət Müşaviri işləyir. Növbəti iki prezidentin – Əbülfəz ElçibəyHeydər Əliyevin hakimiyyəti dövründə də öz postunda qalır.

Bu zaman ərzində Vəfa Quluzadə Azərbaycan xarici siyasətinin formalaşmasında yaxından iştirak etmişdir. 1999-cu ildə istefa verənə qədər Azərbaycan Respublikası Təhlükəsizlik Şurasının üzvü olmuşdur.

O, Dağlıq Qarabağdakı münaqişənin həll olunması üzrə aparılmış danışıqlarda aktiv iştirak etmişdir. Azərbaycan-Ermənistan danışıqları zamanı nümayəndə heyətinə rəhbərlik etmiş, ATƏT-in sammitlərində, Cenevrə (1984) və İstanbulda keçirilmiş beynəlxalq konfranslarda, NATO-nun iclaslarında iştirak etmişdir.

V.Quluzudə, H.Əliyev administrasiyasının üzvlərindən (hətta daha aşağı vəzifə sahiblərindən belə) fərqli olaraq, prezidentin siyasi opponentlərinə qarşı çıxışlar etmirdi. Bu da onun professional imicini müəyyən edirdi.

Vəfa Quluzadə millət vəkili Aydın Mirzəzadə ilə fikir mübadiləsində

1999-cu ilin sonlarına yaxın, xarici işlər naziri Tofiq Zülfüqarov və prezident Heydər Əliyev administrasiyasının rəhbəri Eldar Namazovla bir vaxtda istefa verdi. İstefa ərəfisində V.Quluzadə H.Əliyevə məktub yazaraq, 41 illik ağır işdən yorulduğunu və istirahət etmək, sağlamlığının qayğısına qalmaq istədiyini bildirmişdi.

Lakin müşahidəçilər göstərilən səbəbləri diplomatik addım hesab edirlər. Əslində isə onun bu hərəkəti Azərbaycan-Ermənistan danışıqlarından uzaqlaşdırılmasına etiraz kimi dəyərləndirilirdi.

Vəfa Quluzadə ərəb, rus, ingilis və fars dillərini bilirdi. Onun SSRİ XİN-dəki dosyesində belə yazılmışdır:

"Fövqəladə ünsiyyətcil, olduğu ölkənin yüksək dairələri ilə etibarlı əlaqələr qurmağı bacarır."

Ailəsi[redaktə | əsas redaktə]

Atası Mirzəağa Quluzadə ədəbiyyatşünas, filologiya elmləri doktoru, professor idi. Anası Yaqut Dilbazi şairə Mirvarid Dilbazinin bacısıdır.

Vəfa Quluzadə musiqi məktəbinin müəlliməsi Leyla Əhmədova ilə evli idi. Bir qızı və dörd nəvəsi var. Oğlu Murad is 2010-cu ildə 36 yaşında ikən onkoloji xəstəlikdən vəfat etmişdir[3].

Mənbə[redaktə | əsas redaktə]

İstinadlar[redaktə | əsas redaktə]

  1. http://sia.az/az/news/politics/474949-vefa-quluzade-vefat-etdi
  2. Oxu.az - Vəfa Quluzadə vəfat etdi
  3. Politoloq Vəfa Quluzadənin oğlu vəfat edib

Xarici keçidlər[redaktə | əsas redaktə]

VikiAnbarda Vəfa Quluzadə ilə əlaqəli mediafayllar var.