Mirzələdi gölü

Vikipediya, azad ensiklopediya
Jump to navigation Jump to search
Mirzələdi gölü
Ümumi məlumatlar
Mütləq hündürlüyü 12 m
Sahil uzunluğu 12 km
Orta dərinliyi 1 m
Minerallaşma tipi duzlu
Yerləşməsi
40°30′30″ şm. e. 49°49′55″ ş. u.
Ölkə  Azərbaycan
Rayon
  • Abşeron
Mirzələdi gölü xəritədə
Mirzələdi gölü
Mirzələdi gölü

Mirzələdi gölü - Abşeron yarımadasında yerləşən göl.

Ümumi məlumat[redaktə | mənbəni redaktə et]

NovxanıBinəqədi qəsəbələri arasında dəniz səviyyəsindən 12,1 m hündürlükdə yerləşir. Gölün orta dərinliyi 1 m, sahil zolağının uzunluğu 21 km, su tutumu 1,9 mln m³-dir. Mirzələdi gölü duzlu göldür. Gölə il ərzində, əsasən, Binəqədi qəsəbəsindən məişət-kommunal suları (1095 min kub m) və yaxınlıqda yerləşən neft buruqlarından (182 min kub m) lay suları axıdılır.

Suyunun tərkibi[redaktə | mənbəni redaktə et]

Suyunun minerallaşma dərəcəsi 388 q/l olmaqla Mirzələdi gölü şor sulu göllər qrupuna aiddir və onun fon tərkibində xloridlər (231 q/l) üstünlük təşkil edir. Bu da sanitar normaları 160 dəfə aşır. Kalsium 0,6 q/l, maqnezium isə 3,4 q/l olmaqla normadan müvafiq olaraq 3 və 6 dəfə yüksəkdir.

Ekoloji vəziyyəti[redaktə | mənbəni redaktə et]

Çirkləndirici maddələrin konsentrasiyaları kifayət qədər yüksək olmaqla sanitar normaları dəfələrlə aşır. Normanı daha çox kadmium 19 dəfə və mis 12 dəfə aşır. Neft məhsulları və detergenlər normadan 7 və 4 dəfə yüksək qeydə alınmışdır. Gölün suyunun oksigen rejimi də pozulmuşdur. Suyun tərkibində həll olmuş oksigenin miqdarı normadan 8 dəfə azalaraq 0,49 mq/l təşkil edir. Mirzələdi gölünün dib çöküntülərində hər kiloqramında 820 mq neft məhsulları, 560 mq manqan, 55 mq nikel, 42 mq kadmium, 37 mq sink, 30 mq mis, 23 mq xrom və 22 mq kobalt müşahidə olunur. [1]

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1.   Şahid Əhmədov, Mühəndis ekologiyası,Bakı-2012