Sirus Təbrizli

Vikipediya, açıq ensiklopediya
Jump to navigation Jump to search
Sirus Təbrizli
Sirus Təbrizli.jpg
Sirus Təbrizli Azərbaycan Parlamentində
bayraqAzərbaycan Milli Məclisinin
II çağırış deputatı
bayraq
25 noyabr 2000 — 6 noyabr 2005
Prezident Heydər Əliyev
bayraqAzərbaycanın mətbuat və informasiya
naziri
bayraq
1997 — 25 noyabr 2000
Prezident Heydər Əliyev
Sələfi Sabir Rüstəmxanlı
Xələfi vəzifə ləğv edildi
bayraqAzərbaycan Milli Məclisinin
I çağırış deputatı
bayraq
12 noyabr 1995 — 1997
Prezident Heydər Əliyev

Partiya 16x16px YAP (1992—2007)
Doğum tarixi 9 may 1942(1942-05-09)
Doğum yeri Təbriz, İran
Vəfat tarixi 7 sentyabr 2013 (71 yaşında)
Vəfat yeri Xaçmaz, Azərbaycan
Vətəndaşlığı Flag of Azerbaijan.svg Azərbaycan
Həyat yoldaşı Rəfiqə Təbrizli
Uşaqları Arzu, Sevinc

Sirus Təbrizli (tam adı: Sirus Xudadat oğlu Təbrizli; d. 9 may 1942, Təbriz, İranö. 7 sentyabr 2013, Xaçmaz, Azərbaycan) — Azərbaycan siyasətçisi və jurnalisti, Azərbaycan Milli Məclisinin I çağırış (1995-1998)II çağırış (2000-2005) üzvü, Azərbaycanın mətbuat və informasiya naziri (1997-2000), Yeni Azərbaycan Partiyasının qurucu 91 üzvündən biri.

Həyatı[redaktə | əsas redaktə]

Sirus Təbrizli 1942-ci il mayın 9-da İranın Təbriz şəhərində anadan olub. Sirus Təbrizli ali təhsilini Azərbaycan Dövlət Universitetində (indinin Bakı Dövlət Universiteti) jurnalist ixtisası üzrə alıb. O, doğma azərbaycan dili ilə yanaşı farsrus dillərini bilirdi.

Ailəsi[redaktə | əsas redaktə]

Sirus Təbrizli Rəfiqə Təbrizli ilə ailəli idi; Arzu və Sevinc adından övladları var idi. Arzu Təbrizli dövlət qulluqçu, Sevinc Təbrizli isə cərrahdır.

Fəaliyyəti[redaktə | əsas redaktə]

2001-ci ildə baş tutan Dünya Azərbaycanlılarının I Qurultayında çıxışı zamanı

Sirus Təbrizlinin siyasi fəaliyyəti 80-cı illərin sonu 90-cı illərin əvvəlində başlayan Azərbaycan Milli Azadlıq Hərəkatının fəal üzvü olması ilə başladı.

1992-ci ildə Sirus Təbrizlinində daxil olduğu və tarixə "91-lər" olaraq yazılan 91 nəfərdən ibarət ziyalılar qrupu, Naxçıvan Ali Məclisinin sədri Heydər Əliyevin, Azərbaycanda iqtidar uğrunda fəal mübarizəyə səsləyən, onun iqtidara qayıdışını tələb edən müraciətə imza atdı. Həmin 91 nəfərdən ibarət qrup, daha sonra 1992-ci il noyabrın 21-də Naxçıvanda Yeni Azərbaycan Partiyasının təsis iclasında partiyanın qurucu üzvlərindən oldu. Sonradan onlar, Yeni Azərbaycan Partiyasının "qızıl fondu" elan olundular.

Sirus Təbrizli 1995-ci il noyabrın 12-də baş tutan Azərbaycan Milli Məclisinə I çağırış seçimlərə qatıldı. 13 saylı Nizami rayonu II seçim dairəsindən Yeni Azərbaycan Partiyasının üzvü olan Sirus Təbrizli majoritar seçimin nəticəsində Milli Məclisə seçildi. Deputat olduğu dövrdə o, Azərbaycan-Yaponiya Parlamentlərarası əlaqələr üzrə işçi qrupunun üzvü olub.

Sirus Təbrizli Milli Məclisdə fəaliyyət göstərdiyi zaman Azərbaycanın 3-cü Prezidenti Heydər Əliyevin Sərəncamı ilə Azərbaycanın mətbuat və informasiya naziri təyin edildi. Nazir təyin olunduğu üçün Sirus Təbrizlinin deputat mandatı ləğv edildi.

Sirus Təbrizli 2000-ci il noyabrın 5-də baş tutan Azərbaycan Milli Məclisinə II çağırış seçimlərə qatıldı. 13 saylı Nizami-Xətai rayonları seçim dairəsindən Yeni Azərbaycan Partiyasının üzvü olan Sirus Təbrizli majoritar seçimin nəticəsində növbəti dəfə Milli Məclisə seçildi. Sirus Təbrizli Milli Məclisdə səlahiyyətlərinə yalnızca həmin il noyabrdın 25-dən sonra başladı. Həmin tarixdə o, Azərbaycanın mətbuat və informasiya naziri vəzifəsindən azad edildi.

Partiyadan uzaqlaşdırılması[redaktə | əsas redaktə]

Sirus Təbrizli Yeni Azərbaycan Partiyasının üzvü olduğu müddət ərzində daim partiyanın apardığı siyasətdə olan nöqsanlara tənqid edənlərdən biri olub. Sirus Təbrizli 2007-ci il martın 27-də baş tutan Yeni Azərbaycan Partiyası Siyasi Şurasının qərarı ilə çıxışlarının birində Yeni Azərbaycan Partiyasını "Simasız Quldurlar Partiyası" adlandırdığı üçün partiyadan uzaqlaşdırılmışdı. Bu uzaqlaşdırılmaya baxmayaq Sirus Təbrizli daim iqtidarın və partiyanın apardığı siyasətin əleyhinə çıxış edirdi.

Ölümü[redaktə | əsas redaktə]

Sirus Təbrizli 2013-cü il sentyabrın 7-si səhər saatlarında Xaçmaz rayonunun Nabran qəsəbəsində istirahət etdiyi bağ evində vəfat etdi. Vəfat səbəbi olaraq qan-damar çatışmazlığı göstərildi.

Sirus Təbrizlinin dəfn mərasimi bir gün sonra, sentyabrın 8-i saat 15.00 radələrində baş tutdu. Dəfn mərasiminə iqtidar nümayəndələri ilə yanaşı, müxalifət nümayəndələridə qatıldı. Onlar sırasında Yeni Azərbaycan Partiyasının sədr müavini Əli Əhmədov, Diaspora ilə İş üzrə Dövlət Komitəsinin sədri Nazim İbrahimov, paytaxtın meri Hacıbala Abutalıbov, Milli Məclisin üzvləri Eldar İbrahimovMübariz Qurbanlı, həmçinin Azərbaycan Milli İstiqlal Partiyasının sədri Etibar Məmmədov, Milli Şuranın sədri Cəmil Həsənli də var idi.

Sirus Təbrizlinin dəfn olunması üçün əvvəlcə II Fəxri Xiyaban nəzərdə tutulsada, ailə üzvləri onun arzusunun yaxın dostu, Azərbaycan Milli Məclisinin I, II və III çağırış deputatı olan Anar Məmmədxanovun yanında dəfn olunmaq istəməsi olduğu bildirdi. Sirus Təbrizli istəyinə uyğun olaraq III Fəxri Xiyabanda əbədiyyata uğurlandı. Amma, Sirus Təbrizlinin qızı Sevinc Təbrizlinin 2017-ci ildə KİV-lərinin birinə verdiyi müsahibə zamanı, atasının Anar Məmmədxanovun yanında dəfn olunmaq istədiyi haqqında olan məlumatların həqiqətə uyğun olmadığını və atasının heç II Fəxri Xiyabanda dəfn olunmasının nəzərdə tutulmadığını bildirdi. O, atasının orada dəfn olunmasının yalnızca təsadüf olduğunu bildirdi.

İstinadlar[redaktə | əsas redaktə]