Qarağac küçəsində qarabasma (film, 1984)

Qarağac küçəsində qarabasma
Orijinal ad:	ing. A Nightmare on Elm Street
Rejissor:	Ues Kreyven
Ssenari müəllifi:	Ues Kreyven
Operator:	Jak Etkin
Prodüser:	Con Berrouz Robert Dyudelson Sara Pişer
Bəstəkar:	Çarlz Börnşteyn
Montaj edən:	Rik Şeyn Patrik MakMahon
Rollarda:	Robert Enqlund Hizer Lancenkamp Conni Depp Nik Korri Amanda Uiss Roni Blekli Con Sekson
Janr:	Qorxulu filmlər
İlk baxış tarixi:	9 noyabr 1984 6 mart 1985 29 avqust 1985 24 may 1986 27 iyun 1986 26 oktyabr 1990 19 noyabr 2008
Filmin digər adı:	Qarağac küçəsində qarabasma A Nightmare on Elm Street Les Griffes de la nuit A Hora do Pesadelo Koszmar ulicy wiazowej Nightmare dal profondo della notte Nightmare: Mörderische Träume Painajainen Elm Streetillä Pesadilla Pesadilla en Elm Street Pesadilla en la calle del infierno Rémálom az Elm utcában Кошмар на улице Вязов Elm Sokağı Kâbusu エルム街の悪夢 (Erumu gai no akumu) Noční můra v Elm Street Pesadilla en la calle del infierno Strava u ulici Brijestova Les griffes de la nuit Strava u ulici Brestova Kosmaras Guobu gatveje Morderisk mareridt Pesadilla sin fin
Dil:	İngilis dili
Ölkə:	ABŞ
İstehsalçı qurum:	The Elm Street Venture Media Home Entertainment New Line Cinema Smart Egg Pictures
Filmin növü:	dəhşət
Rəng:	Rəngli
Vaxt:	92 dəqiqə
İl:	1984
Büdcəsi:	$1.8 milyon
Gəliri:	$25,5 milyon
Əvvəlki film:	yoxdur
Filmin davamı:	Qarağac küçəsində qarabasma 2: Freddinin qisası
Film çəkilən yerlər:	Los Anceles
IMDb səhifəsi www.nightmareonelmstreet.com/ Rəsmi sayt Rəsmi vebsayt

Qarağac küçəsində qarabasma (ing. A Nightmare on Elm Street 1) – 1980-cı illərin məşhur Qorxulu filmlərindən biridir.Film 1984-cü ildə ABŞ rejissoru Ues Kreyven tərəfindən çəkilmişdir.çəkilmişdir.1985-ci ildə Avoriaz Fantastik Film Festivalında tamaşaçılar tərəfindən mükafatlandırılmışdır.

Filmin B filmləri (az büdcəli filmlərə deyilir) kateqoriyasına daxil olmasına baxmayaraq, böyük müvəffəqiyyət qazanmışdır.Filmin büdcəsi 1,8 milyon , gəliri isə 25,5 milyon olmuşdur. Bu film tənqidçilər tərəfindən yüksək qarşılandı və onun davamı olaraq bir sıra teleseriallar və qorxu filmləri çəkildi.

Bu film qorxu növündə çəkilmişdir. Ayrıca filmin qəhrəmanı Freddi kino tarixində ən çox tanınan pis xarakter oldu. Həm tənqidçilər həm də Ues Kreyven filmin müvəffəqiyyətində sleşer növündə olan (gənclərin psixopat bir ardıcıl qatil tərəfindən qətl edildiyi filmlərə deyilir) və qorxu filmlərinin qızıl çağını başladan Hellouin filminin əhəmiyyətli rol oynadığını ifadə edirdilər.

Filmdə insanların yuxu dəhşətini yaradan qorxunc Freddi Krügerdən danışılır. Freddi insanları yuxuya çəkərək, onlara dəhşətlər çəkdirir, sonra isə onları dəhşətli formada öldürür. Bunu başa düşən Nensi isə onunla mübarizə aparmağa başlayır.

Filmdə Robert Enqlund, Conni Depp, Nik Korri, Con Sekson kimi aktyorlar, Amanda Uiss, Hizer Lancenkamp, Roni Blekli kimi katrisalar iştirak edir.Bu film Conni Deppin çəkildiyi ilk film olmuşdur.Film çəkiləndən sonra bütün film heyətləri, aktyorlar və aktrisalar böyük məşhurluq qazanmışdılar.Filmdə iştirak edən Nik Korri daha çox Hyu qarsiya adı ilə məşhurdur.

Seçilmiş sitatlar

• Sleep Kills (azərb. Yuxu öldürür)
• His name is Freddy. Freddy Krueger (azərb. Onun adı Freddidir)
• Whatever you do, don’t fall asleep…or you’ll meet the terrifying Freddy! (azərb. Nə edirsiz edin, lakin yatmayın...yoxsa siz vahiməli Freddi ilə görüşərsiz)
• Freddie’s coming! See Freddy… before he sees You! (azərb. Freddi gəlir! Freddini görün ... O görənə kimi)
• You can sleep (azərb. Sən yata bilərsən)
• The first word in terror from the director of Scream! (azərb. "Qışqırıq" rejisorundan dəhşətli janrın ilk sözü)
• You never forget your first Nightmare!… The original chilling masterpiece! (azərb. Sən heç vaxt ilk dəhşətini unutmayacaqsan!... Qorxudan şedevr, hansıki hər şeydən başlayıb)
• She is the only one who can stop it… if she fails, no one survives (azərb. O yeganədir ki, onun qarşısını alsın... əgər o müvəffəqiyyətsizliyə uğrayarsa, heç kim sağ qalmayacaq)
• If Nancy Doesn’t Wake Up Screaming, She Won’t Wake Up At All (azərb. Əgər Nensi qışqıraraq yuxudan ayılmasa, onda o heç vaxt ayılmayacaq)
• Whatever you do, don’t fall asleep…or you’ll meet the terrifying Freddy (azərb. Nə edirsinizsə edin, yatmayın.. yoxsa siz dəhşətli Freddi ilə görüşərsiz)
• Come to Freddy (azərb. Freddiyə gəlin)
• Kruger! I'm here!Come out and show yourself you, bastard! (azərb. Krüger! Mən buradayam! Çıx və özünü göstər, düşük!)
• I'm gonna split you in two! (azərb. Mən ikidə sizi parçalamaq üçün hazırlaşıram!)
• Yeah, but you know he's dead, right? (azərb. Bəli, ancaq siz bilirsiniz ki, o ölüdür, düzdür?)
• I'm into survival. (azərb. Mən sağ qalmalıyam)
• I'll kill you slow! (azərb. Mən sizi yavaş öldürəcəyəm!)
• Come on, Freddy. Can't you catch me? (azərb. Gəl Freddi, sən mənə toxunmaq istəmirsən?)
• I'm going to split you in two (azərb. Sən iki deyəndə mən səni parçalayacağam)
• It's only a dream! (azərb. Bu yalnız yuxudur!)

Məzmun

Freddi Krüger yatmış Nensi Tompsonu müşahidə edir

Hadisələr Ohayo ştatının Sprinqvud şəhərinin Qarağac küçəsində baş verir. Bu küçədə yaşayan insanlar qorxulu yuxu görürlər. Onlar çirkin üzlü, çirkin şlyapalı və əlində iti ucları olan əlcəkli bir adamın onlara necə yanlarına gələrək görürlər.Yuxuda olan adamların bəziləri sağ qalır, bəziləri isə yuxuda olan zaman ölürlər...

Bıçaqları olan bir əlcək geyən çirkin insan tərəfindən qaranlıq bir alov qazanı dairəsində izlənilməkdədir. Tam tutulduğu zaman Tina qışqıraraq oyanır. Amma Tina bundan əvvəlki gecələrdə də həminki yuxunu görmüşdür. Ertəsi gün məktəb yoldaşı Nensinin də eyni yuxunu gördüyünü öyrənir. Həmin gecə Nensi və məktəb yoldaşı Qlen, Tinanın özünü daha yaxşı hiss etməsi üçün orada qalmağa qərar verərlər. Daha sonra Tinanın ağıldan məktəb yoldaşı Rod onlara qatılır. Rod və Tina birlikdə yataq otağına çəkilirlər. Tina yuxuya getdiyində kabus görməyə başlayır. Yuxuda bu səfər çirkin adam Tinanı tutur və doğramağa başlayır.Tinanın yataqda təpinməsiylə Rod oyanır. Tinanın görünməz bir bıçaq tərəfindən qarınının deşildiyini və tavana doğru süründürüldüyünü görür. Otaqda başqa kimsə olmadığı üçün bunu Rodun etdiyindən şübhələnirlər və sabahısı gün isə Rod polislərdən qaçmağa başlayır. Rod polislərdən qaçsa da, onu Nensinin atası leytenant Donald Tompson həbs edir. Lakin tutulan zaman Rod günahı boynuna almır və deyir ki, otaqda başqa biri də var idi.

Tinanın ölümündə sonra Nensi 3 dəfə dəhşət verici kabus yuxusu görür. Hamısında da Tinaya hücum edən qorxunc adam vardır. Nensi sonuncu dəhşətli yuxusundan sonra Tinanın necə öldürülməsi haqqında Rod ilə danışmaq üçün həbsxanaya gedir. Rod gördüyünü yuxuları və Tina haqqında izah edəndə Nensi kabus yuxularındakı çirkin adamın Tinanı öldürdüyünü anlamağa başlayır.

Nensi Tompson evdə yatan zaman yuxuda çirkin bir adamın Rodun üzərinə necə gəldiyini görür.Nensi yuxudan ayılandan sonra bu barədə Qlenə xəbər verir. Gecə vaxtı Nensi və Qlen Rodun qaldığı həbsxanaya gedirlər.Artıq gec idi. Rod tavandan asılmış halda qalmışdı. Nensidən başqa hamısı, hətta Qlen də Rodun intihar etdiyini düşünürlər. Nensi başa düşür ki, məktəb yoldaşları Tina və Rodu həm Tinanın, həm də Rodun yuxuda gördükləri çirkin adam öldürüb.

Rodun ölümündən sonra Nensinin anası Marc Tompson onu yuxu pozulması üzrə klinikaya aparır.Nensi klinikada yatan zaman yuxuda həminki çirkin adamı görür və onunla mübarizə aparır. Həkimlər Nensini ayıltdıqdan sonra Nensinin çarpayısında bir papaq və Nensinin qolunda bir kəsik peyda olur. Nensi yuxuda mübarizə aparan zaman çirkin adamın başındakı papaq çarpayıya düşmüşdür. Bu hadisədən sonra Nensi bu barədə anası Marca danışır. Nensi anasına bu barədə xəbər verəndə, anasının nədənsə narahat olduğunu başa düşür. "Çirkin adam" adını çəkəndə isə anası Marc "O artıq ölüb" deyərək bundan kifayətlənir. Amma anası Marc bu barədə bildiyi hər şeyi Nensidən saxlaya bilmir.

Məlum olur ki, əvvəllər 20-dən uşağın və insanların yuxuda ölümünə səbəb olan bu çirkin adamın adı Freddi Krügerdir. Məhkəmədə Freddiyə qarşı dəlil olmadığından, sərbəst azadlığa buraxılır. Lakin Freddinin valideynləri onu cəzalandırmaq üçün özləri qərar qəbul edirlər. Onlar Freddini içi alovlu olan qazanın içinə ataraq, öldürürlər.

Nensi bu barədə Qlenə xəbər verir.Onlar birlikdə Freddini öldürmək üçün bir plan qururlar. Lakin Qlen yuxuya gedir və yuxusunda öldürülür. Qlenin ölümündən sonra Nensi başa düşür ki, o yeganə adamdır ki, Freddini qarşısını ala bilər.Nensi Freddi üçün tələ hazırlayıb, onu yuxudan çıxarır. Freddi yuxudan çıxan zaman Nensinin anasını boğmaq istəyir. Nensi və onun atası anasının otağına girən zaman Freddi yox olur. Lakin Freddi Nensinin onun üçün qurduğu hiyləgər tələsinə düşür və Nensi onu yandıraraq öldürür. Bu hadisədən sonra Nensi həmişəki kimi dostları ilə birlikdə məktəbə gedir. Filmin sonu müxtəlif variantlarla bitir.

Rollarda

	Ad	Rol
	Robert Enqlund	Freddi Krüger
	Hizer Lancenkamp	Nensi Tompson
	Conni Depp	Qlen Lants
	Con Sekson	Leytenant Donald Tompson
	Lesli Hoffman	kolidorda növbətçi
	Çarlz Fleyşer	Həkim Kinq

Digər rollarda

Ad	Rol
Nik Korri	Rod Leyn
Amanda Uiss	Tina Qrey
Mimi Kreyven	tibb bacısı
Donna Vudram	Tinanın anası
Roni Blekli	Marc Tompson
Lin Şey	Nensinin ingilis ədəbiyyat üzrə müəlliməsi
Ceff Levin	Həkim-ekspert
Ed Korl	Mister Lants
Sendi Lipton	Miss Lants
Cozef Uipp	serjant Parker
Co Yanqer	serjant Qarsiya

Film heyətləri

Başlıq mətni	Başlıq mətni
Rejissor	Ues Kreyven
Ssenarist	Ues Kreyven
Bəstəkar	Çarlz Börnşteyn
Operator	Jak Etkin
Aktyorları yığan	Annett Benson
Prodüserlər	Con Berrouz, Robert Dyudelson, Sara Pişer

Maraqlı faktlar

1. Bu film çəkilməmişdən əvvəl New Line Cinema kompaniyası krizis içində idi.
2. Tina adı filmdə 39 dəfə təkrar edilir.
3. Adolf Hitler üçün İkinci Dünya Müharibəsi illərində cavan əsgərləri hazırlayan generalın adı Freddi Vihelm Krüqer olub.Bundan Freddi rolunu ifa edən Robert Enqlund xəbərsiz idi.
4. Rodun rolunu ifa edən Nik Korri "Hyu Qarsia" adı ilə məşhur olub.
5. Film cəmi 30 günə çəkilib.
6. Freddinin əlində olan əlcək Qarağac küçəsində qarabasma 2: Freddinin qisası filmində də var idi. Lakin film çəkiləndən sonra oğurlanmışdır.
7. Qarağac küçəsində olan evin sahibi Enci Hill aktyorlardan çox razı qalmışdır.Lakin evin nömrəsini (No:1428) kimsə oğurlamışdır.
8. Qarağac küçəsində ABŞ prezidenti Con Kennedi öldürülmüşdür.
9. Ues Kreyvenin (filmin rejissoru) məktəb yoldaşını Freddi adı ilə çağırırdılar. Ona görə ki, o, sinifdə hamısını ələ salırdı.
10. Tibb bacısı rolunu ifa edən aktrisa Mimi Kreyven əslində bu film rejissoru Ues Kreyvenin həyat yoldaşıdr.
11. Film iştirak edən aktyorların heç biri "Qarağac" küçəsi adını işlətmir.
12. Filmin gəliri $25,5 milyon dollardır.
13. Filmin büdcəsi $1,8 milyon dollardır.
14. Nensi Tompson rolu üçün 200 aktrisadan (Demi Mur kimi məşhur aktrisadan) yalnız Hizer Lancenkamp seçilmişdir.
15. Nensi yatmamaq üçün Qorxunc ölülər filminə baxır. Əslində bu "Qorxunc ölülər" filminin reklamıdır.
16. Filmin sonuna yaxın Nensi rolunu ifa edən Hizer Lancenkamp Freddidən qaçan zaman ayağını əzmişdir.
17. Hizer Lancenkampın vanna qəbul etməsi səhnəsi 12 saata çəkilmişdir. Həmçinin, Robert Enqlundun əlləri vannada 12 saat qalmışdır.
18. Ues Kreyven Şon Kanninqemə 13-cü Cümə filmini çəkmək üçün ona kömək etmişdir. Şon Konnenqem də öz növbəsində ona filmi çəkmək üçün yardım göstərmişdir.
19. Ues Kreyven qəzetdəki uşaqların yuxuda ölməsindən ilhamlanaraq filmin ssenarisini hazırlamağa başlamışdır.
20. Qlen yatmamışdan əvvəl, televiziya kanalı öz adını deyir: KRGR (KRQR). Bu ifadəni oxuyan zaman bəlli olur ki, ifadədə Freddi Krügerin soyadı vardır.
21. Nensi Qlen ilə danışarkən deyir: "Amanallah, mən bütün 20 görsənirəm". Filmdə həqiqətən də, Xizerin 20 yaşı olur.

Layihənin hazırlanması

Ues Kreyven 1981-ci ildə filmin ssenariyasını yazır. Lakin heç bir kompaniya bu filmə sponsorluq etmir. Yalnız 1984-cü ildə New Line Cinema filmin sponsoru olur.Bu zaman kompaniya krizis içində idi. Film az büdcəli filmlər siyahısına daxil idi.Lakin filmin istehsalı başlandıqdan sonra filmin gəliri ABŞda $25,5 milyon olur. Bu az büdcəli film üçün böyük uğur idi. Ona görə də, bu filmi bəzən New Line Cinema kompaniyasını "Freddinin düzəltdiyi ev" adlandırırlar.

Filmin hazırlanması

"Bu LA Times məqalələrindən idi, immiqrasiya edən ailələrdən olan və qarabasmaların ortalarında ölmüş, Cənub-Şərqi Asiyadan gələn adamlar haqqında üç kiçik məqalə və kağız heç vaxt əlaqəli deyildi və qarabasmaların ortalarında ölmüşlərdən heç vaxt deyilmədi, "Hey, biz bu kimi başqa hekayəyə malik olmuşuq""

- Film yaradılan zaman Ues Kreyven

Filmindəki fikrin ifadəsi, rejissor Ues Kreyvenin uşaqlığında da ola bilər. Ues Kreyven LA Times qəzetindəki müxtəlif məqalələrdən ilhamlanaraq filmin məzmununu yaratmışdır. LA Times qəzetində Amerikaya qaçan bir qrup Kambocalı mühacirdən bəhs edilirdi. Mühacirlərin uşaqları qorxunc kabuslar görürdülər və yata bilmirdilər. Tibbi müalicələrinə başlanan zaman uşaqlar yatdıqdan qısa müddət sonra öldülər. Buna əlavə olaraq bir gecə, gənc Ues Kreyven pəncərədən yaşlı bir adam gördü. Adam dayandı və Ues Kreyvenə baxdı. Sonra da çıxıb getdi. Bu adam Freddi Krüger yaratmaq üçün bir ilham qaynağı olmuşdur.

Ues Kreyven ayrıca filmin anlayışını şərq dinləri üzərində çalışaraq inkişaf etdirdiyini ifadə etmişdir. Başqa qaynaqlar isə 1968-ci ildə Ues Kreyven Klerkson Universitetindəki şagirdlərinin etdiyi bir film proyektindən təsirləndiyini söyləyir.Və Potsdam, Nyu Yorkda Qarağac Küçəsində çəkilmişdi. Filmdə Potsdam şəhərinin adı tərsdən yazılaraq Madstop olaraq dəyişdirilmişdi. Ayrıca, təsadüf olaraq, 1957-ci ildə 3 uşağın qatili olaraq həbsə atılan, Kanadalı qatil Piter Vudkok, 1982-ci ildə adını rəsmi olaraq "Devid Maykl Krüger" olaraq dəyişdirmişdi. Psixiatrik xəstəxanaya göndərilən Vudkok, burada dördüncü cinayətini işləmişdir. Bununla birlikdə Ues Kreyven, Freddi Krügerin xarakterinin bu qatillə əlaqəsi olmadığını söyləmişdir. Kreyven, bu adın uşaqlıq illərindən gəldiyini ifadə edir. Məktəbdə Freddi Krüger adlı bir uşaq tərəfindən narahat edilən Kreyven, xarakterin adının buradan gəldiyini söyləyir. Ayrıca daha əvvəlki filmində (The Last House on the Left, 1972) təcavüzçünün adı Krüger idi.

Ues Kreyven, Freddi Krüger görünüşünü uşaqkən özünü qorxutmaq üçün deyilən qırmızı-yaşıl süveterli evsiz bir adama oxşatmışdır. Başlanğıcda uşaq istismarçısı olaraq düşünülən xarakter daha sonra uşaq qatili olaraq dəyişdirilmişdir. Ues Kreyven filmin ssenarisini 1981-ci ildə yazmağa başladı. Ssenarini müxtəlif film şirkətinə təqdim edir.Kompaniyaların hamısı isə fərqli səbəblərlə bağlı olaraq filmin çəkilməsini öz öhdəliklərinə götürməmişdilər. Maraqlıdır ki, ssenari uşaqlar üçün müxtəlif cizgi filmləri hazırlayan məşhur kompaniya olan Uolt Disneyə də təqdim edilmişdir.Paramount Pictures isə o sıralar istehsalı sürən Yuxudan qaçma filmiylə bənzərliklərindən ötəri Ues Kreyvenin filmini çəkməkdən imtina etmişdir.Sonda film New Line Cinema adlı yeni, müstəqil bir şirkət tərəfindən qəbul edildi. Film, şirkət tarixində əhəmiyyətli yeri vardır. Bu film New Line Cinema Studiyasının "Freddinin düzəltdiyi ev" olaraq xatırlanmasına səbəb olmuşdur.

Çəkiliş

Filmdə istifadə edilən küçə ünvanı 1428 Qarağac Küçəsidir.Küçənin əsl adı Kaliforniya ştatının Los Anceles şəhərindəki 1428 North Genesee küçəsidir. İstehsal əsnasında 500 qallondan çox saxta qan xüsusi efektler üçün istifadə edilmişdir.Tinanın ölümündə istifadə edilən dönən otaq seti, Qlenin ölümündəki qan səhnəsi üçün də istifadə edildi. Set tərs olaraq quruldu. Kameralar buna görə yerləşdirildi. Bu səhnələr üçün süni qan yerinə qırmızı su istifadə edildi. Ona görə ki, fışqırma qan efekti daha həqiqi olsun.

Freddinin Nensiyə hücum etdiyi vanna səhnəsində dibsiz bir ləyən vardır. Üzmə hovuzunun üzərində qurulan bir duşda bu ləyən istifadə edildi. Nensinin sualtına çəkildiyi səhnələrdə Hizer Lancenkamp yerinə dublyor istifadə edilmişdir. Nensinın yuxusunda gördüyü əriyən nərdivan isə tort ilə hazırlanmışdır.

Ues Kreyvenin filmin sonunun daha fərqli olmasını planlayırdı. Nensi, Freddiyə inanmağı buraxaraq onu öldürəcək, sonra oyanacaq və olan hər şeyin uzun bir kabus yuxu olduğunu anlayacaqdır. Amma New Line Cinema kompaniyası başqa cür son istədi. Bu bitməyə görə, Freddi ortadan itəcək, hər şey bir yuxu olaraq görünəcəkdir. Tam o sırada Freddi avtomobil ilə Nensini əsir götürəcəkdir. Həm də Freddi, Nensinin anasını qapının şüşəsindən uzanaraq içəri çəkəcəkdir. Hər iki bitmə səhnələri çəkilmişdir.Nəticədə, New Line Cinema kompaniyası istədiyi səhnədən istifadə edildi. Daha sonra filmin davamının çəkilməsini istəməyən Ues Kreyven, filmin ikinci seriyası olan Qarağac küçəsində qarabasma 2: Freddinin qisası filminə rejissorluq etmədi.

1987-ci ildə isə filmin üçüncü seriyası olan Qarağac küçəsində qarabasma 3: Yuxu döyüşçüləri filmini çəkmək üçün rejissorluq etdi. Ardınca filmin digər seriyalarına da rejissorluq etmişdir.

Kadr

Xizer Lancenkamp

Robert Enqlund

Film heyəti Robert Enqlund və Con Sekson kimi köhnə aktyorların yanında Conni Depp və Xizer Lancenkamp kimi tanınmamış gənc oyunçuları da saxlayır. Aşağı büdcə üzündən filmdə böyük adlar oynadıla bilmədi və oyunçuların çoxu xeyli aşağı ödənişlə çalışdılar.

Ues Kreyven, Nensi rolu üçün Hollivud tərzi birini yox, çox sıravi görünüşlü birini axtarırdı.Xizer Lancenkamp bu istəyini qarşılamışdı. Lancenkamp, aktrisa olmadan əvvəl qəzet çap işində çalışırdı. 1983-cü ildə "Atılmışlar" filmi üçün bir rol axtarıldığını elanını görmüşdü. Bunu çox əhəmiyyət vermədi amma daha sonra bu film üçün seçmələrə qatıldı və 200-dən çox adamı keçərək Nensi Tompson rolu üçün seçildi.Xizer Lancenkamp 1987-ci ildə Nensi olaraq Qarağac küçəsində qarabasma 3: Yuxu döyüşçüləri filmi üçün geri döndü. 1994-cü ildə Ues Kreyvenin yeni qarabasması filmində öz rolu kimi oynadı.

• Hizer Lancenkamp (Rolu: Nensi Tompson): Nensi son zamanlarda yuxularına girən yaşıl-qırmızı paltarlı, qorxunc bir adam tərəfindən narahat edilən gənc, ağıllı bir qızdır. Daha sonra bu adamın Freddi Krüger olduğunu öyrənəcəkdir.
• Freddi Krüger (ifa edir: Robert Enqlund): Krüger bir uşaq qatilidir. Ən azı 20 uşağı öldürmüşdür. Hirsli valideynlər tərəfindən yandırılaraq cəzalandırılmışdır. İndi intiqam üçün geri dönür.Kreyvenə görə Enqlund, Freddi Krüger rolu üçün ilk seçki deyildi. Rolu bir dublyorun oynamasını istəyirdilər. Amma daha sonra İnqlunda ssenarinin bir kopiyası göndərildi. O da oynamağı qəbul etdi.
• Qlen Lants (ifa edir: Conni Depp): Qlen, Nensinin sevgilisi. O da qorxunc yuxular görməsinə baxmayaraq, buna çox əhəmiyyət vermir. Depp seçmələrə qatılaraq müvəffəqiyyətli olmuşdu və filmdə rol almağa haqq qazanmışdı. Wes Cravenin dediyinə görə Deppin seçilməsində qızının və onun yoldaşının təsiri olmuşdu. Conni Depp ayrıca sərinin altıncısı olan Freddi ölüdür: Sonuncu dəhşət filmində kiçicik bir rolda görünməkdədir.
• Tina Qrey (ifa edir: Amanda Uiss): Tina Nensinin ən yaxşı yoldaşıdır. Filmin yalnız birinci hissəsində iştirak edir. Tina gecə vaxtı qarabasmalar görür. Yuxuların birində Freddi Krüger tərəfindən öldürülür. Amanda Uiss seriyanın davam filmlərində hər hansı bir rol almayan yeganə oyunçudur.
• Rod Leyn (ifa edir: Nik Korri): Tinanın kişi yoldaşı. Tina öldürülərkən yalnız o yanında olduğu üçün cineyetle mühakimə olundu. Nik Korrinin Ues Kreyvenin qarabasması filmində kiçik bir rolu var.
• Leytenant Tompson (ifa edir: Con Sekson): Nensinin atası və polis məmurudur. Filmin birinci seriyasında qızı Nensini Roddan qorumağa çalışır. Seriyanın üçüncü və yeddinci filmində də iştirak edir. Üçüncü hissədə Freddi Krüger tərəfindən öldürülür.

Freddi üçün şeir

Uşaqlar "Freddi" şeiri oxuyurlar

"Freddi üçün şeir" Qarağac küçəsində qarabasma film seriyaları üçün uydurulmuş şeirdir.Bu şeirin dəqiq tərcüməsi belədir:

One, Two … Freddy’s coming for you! (ing. Bir , iki … Freddi götürəcək səni!) Three, Four … Better lock your door! (ing. Üç , dörd … Ən yaxşısı qapınızı bağlayın!) Five, Six … Grab your crucifix! (ing. Beş , altı … Öz xaçınızı götürün!) Seven, Eight … Gonna stay up late! (ing. Yeddi , səkkiz … Gec yatmaq üçün hazırlaşın!) Nine, Ten … Never sleep again! … (ing. Doqquz , on … Birdə heç vaxt yatmayın , uşaqlar! ...)

Qarağac küçəsində qarabasma 5: Yuxu övladı filmi üçün:

Nine, Ten… He’s back again!… (ing. Doqquz , on … O yenədə geri qayıdıb , uşaqlar)

Digər dillərdə

Ölkə	Dil	Adı
Azərbaycan	Azərbaycan dili	Qarağac küçəsində qarabasma
ABŞ	İngilis dili	A Nightmare on Elm Street
Böyük Britaniya	İngilis dili	A Nightmare on Elm Street
Argentina	İspan dili	Pesadilla
Fransa	Fransız dili	Les Griffes de la nuit
Braziliya	Portuqal dili	A Hora do Pesadelo
Polşa	Polyak dili	Koszmar ulicy wiazowej
İtaliya	İtalyan dili	Nightmare dal profondo della notte
Almaniya	Alman dili	Nightmare: Mörderische Träume
Finlandiya	Fin dili	Painajainen Elm Streetillä
İspaniya	İspan dili	Pesadilla en Elm Street
Venesuela	İspan dili	Pesadilla en la calle del infierno
Macarıstan	Macar dili	Rémálom az Elm utcában
Rusiya	Rus dili	Кошмар на улице Вязов
Türkiyə	Türk dili	Elm Sokağı Kâbusu
Yaponiya	Yapon dili	エルム街の悪夢 (Erumu gai no akumu)
Çexiya	Çex dili	Noční můra v Elm Street
Meksika	İspan dili	Pesadilla en la calle del infierno
Xorvatiya	Xorvat dili	Strava u ulici Brijestova
Kanada	Fransız dili	Les griffes de la nuit
Serbiya	Serb dili	Strava u ulici Brestova
Litva	Litva dili	Kosmaras Guobu gatveje
Danimarka	Danimarka dili	Morderisk mareridt
Kolumbiya	İspan dili	Pesadilla sin fin

Ölkələrdə çıxış tarixi

Ölkə	Çıxış tarixi
ABŞ	9 Noyabr 1984
ABŞ	16 Noyabr 1984
Fransa	6 Mart 1985
AFR	29 Avqust 1985
Yaponiya	24 May 1986
Finlandiya	27 İyun 1986
Türkiyə	26 Oktyabr 1990
Polşa	19 Noyabr 2008
Macarıstan	11 Yanvar 1990
İsveç	15 Mart 1985
Niderland	11 Sentyabr 1986
Cənubi Koreya	23 Mart 1985
Filippin	13 İyul 1985
Portuqaliya	10 Noyabr 1985
Avstraliya	1 Avqust 1985

Filmin gəliri

Ölkə	Gəlir
ABŞ	$25,504,513
Almaniya	$815,448
Dünya ölkələrində	$26,319,961

Saundtrek

"Qarağac küçəsində qarabasma"
Albom haqqında
Çıxış tarixi	11 Oktyabr 2005
Hazırlanma tarixi	2005
Vaxt	33:58
Ölkə	ABŞ
Firma	Varèse Sarabande

Filmin musiqiləri Çarlz Börnşteynnə məxsusdur.Saundtreklər xüsusi olaraq Çarlz Börnşteyn tərəfindən Ues Kreyvenin 1984-cü ildə çəkdiyi "Qarağac küçəsində qarabasma" filmi üçün hazırlanmışdır. Həmin saundtreklər sayəsində film çox gözəl çəkilmiş və tamaşaçılar tərəfindən bəyənilmişdir. 1984-cü ildə "Qarağac küçəsində qarabasma" filminin saundtrekləri filmin 1985-cı ildə çəkilən ikinci hissəsindən fərqlənir. Filmin ikinci hissəsinin saundtreklərini Kristofer Yanq hazırlamışdır. Saundtreklərin nisbətən yaxşı olmasına baxmayaraq filmin birinci hissəsindəki saundtreklər yaxşı ifa tərzində olmasından heç də həmin saundtreklərdən geri qalmır. Filmin ikinci hissəsindən fərqli olaraq birinci seriyada mahnılar səslənmir. İkinci seriyada çoxlu sayda ifaçıların mahnıları vardır.Filmin birinci hissəsinin əsas saundtrekinə burada baxmaq olar

Saundtrelər ilk dəfə 1985-ci ildə vinil və audio-kassetlərdə çıxmışdır. Filmin saundtrek leyblı Varèse Sarabande musiqi firması idi. 12 Oktyabr 1993-cü ildə "Freddy’s Favorites: Best of A Nightmare on Elm Street" adlı albom-kompilyasıiyaların tərkibində çıxmışdır. 1995-ci ildə Filmin birinci və ikinci seriyalarının saundtrekləri birlikdə olaraq çıxmışdır. Ayrıca olaraq saundtreklər rəsmi şəkildə CD disklərində 11 Oktyabr 2005-ci ildə çıxmışdır.

Track listing
№	Adı	Müddəti
1.	«Prologue»	0:33
2.	«Main Title»	3:32
3.	«Laying the Traps»	2:06
4.	«Dream Attack»	1:20
5.	«Rod Hanged/Night Stalkin»	4:44
6.	«Jail Cell»	1:13
7.	«Confrontation»	1:41
8.	«Sleep Clinic»	2:25
9.	«Terror in the Tub»	0:59
10.	«No Escape»	2:15
11.	«School Horror/Stay Awake»	4:02
12.	«Lurking»	1:02
13.	«Telephone Terror»	1:08
14.	«Fountain of Blood»	1:03
15.	«Evil Freddy»	0:50
16.	«Final Search»	3:58
17.	«Run Nancy»	1:04

Mükafatlar və Nominasiyalar

Mükafatlar

İl	Mükafat	Layiq görülüb	Kateqoriya
1985	Avoriaz Fantastik Film Festivalı	Ues Kreyven	Tənqidçi mükafatı
1985	Avoriaz Fantastik Film Festivalı	Xizer Lancenkamp	Hərəkət etmək üçün xüsusi xatırlatma mükafatı

Nominasiyalar

İl	Mükafat	Layiq görülüb	Kateqoriya
1985	Elmi Fantastika Akademiyası, Fantaziya və Qorxulu filmlər	Qarağac küçəsində qarabasma	Ən yaxşı qorxulu film
1984	Elmi Fantastika Akademiyası, Fantaziya və Qorxulu filmlər	Nik Korri	Ən yaxşı cavan aktyor
2007	Elmi Fantastika Akademiyası, Fantaziya və Qorxulu filmlər	Qarağac küçəsində qarabasma	Ən yaxşı klassik DVD buraxılışı
1985	AFI versiyasına görə 100 ilin ən yaxşı 100 Amerikan kəskin süjetli filmi	Ues Kreyven	Kəskin süjetli film
1985	AFI versiyasına görə 100 ilin ən yaxşı 100 Amerikan qəhrəman və yaramazları	Freddi Krüger	Yaramaz #40
1985	AFI versiyasına görə 100 ilin ən yaxşı 100 Amerikan film sitatları	Qarağac küçəsində qarabasma	Bir , iki … Freddi götürəcək səni!

Filmin remeyki

"Qarağac küçəsində qarabasma" filminin ilk remeyki 1993-cü ildə çəkilən Hindistan filmi "Mahakaal" filmidir. Çəkilən filmdə "Qarağac küçəsində qarabasma" filminin digər seriyasından da bir sıra epizodlara uyğun çəkilmişdir. 2010-cu ildə Qarağac küçəsində qarabasma filminin eyniadlı remeyki çəkilir.Filmin rejissoru Seymuel Bayerdir.Freddinin rolunu isə Ceki Erl Heyli ifa edir.Filmin böyük uğur qazanmasında baxmayaraq 1984-cü ildə çəkilən "Qarağac küçəsində qarabasma" kimi məşhur olmamışdır.

Filmin oyun versiyası

"Qarağac küçəsində qarabasma" filminin oyun versiyası ilk dəfə 1989-cu ildə "Nintendo Entertainment System" (NES) video oyun konsolu tərəfindən hazırlanmışdır..1989-cu ildə yenidən oyunun versiyası "Commodore 64" platforması üçün satışa çıxarılmışdır. Filmin oyununun mobil versiyası 2005-ci ildə Almaniya oyun şirkəti olan "FAKT" tərəfindən istehsal edilmişdir.

İstehsal

1984-cü il 4 oktyabrdan başlayaraq kinozallarda göstərilmişdir. Bu filmi 165 kinozal göstərmişdir.İlk həftədə 1 milyon 271 min ABŞ dolları həcmində qazanc əldə etmişdir.Filmin sonrakı gəliri isə 25 milyona çatmışdır. 1985-ci ildən başlayaraq isə filmin kaseti çıxmış və istehsal edilməyə başlanmışdır.Film ayrıca olaraq Çin, Kanada və Avstraliyada göstərilmişdir.1999-cu ildə Qarağac küçəsində qarabasma filmin 7 seriyasını ehtiva edən DVD hazırlanmışdır. Filmin bütün seriyaları DVD diskində 30 oktyabr 2007-ci ildə çıxmışdır.

Filmin kəsilmiş hissələri

Filmin bütün kəsilmiş hissələrinə burada baxmaq olar

• Tina Freddi ilə görüşməzdən əvvəl əlinə qurdları götürür.Sonra onları əlindən atır.
• Nensi yatmazdan əvvəl sinifdə qısa cümlə işlədilir.
• Rodun qaldığı zindana gələn Nensi atası ilə danışır.
• Tinanın ölümündən sonra Donald və Marc Freddi haqqında çox danışırlar.
• Nensiyə xəstəxanada dərman verməzdən əvvəl kiçik cümlə işlədir.
• Marc leytenant Tompson ilə Freddinin papağı haqqında danışır.
• Nensi və Qlen körpüdə qısa danışır.
• Leytenant Tompson poslis məntəqəsinə gecə vaxtı qayıdır.
• Qlen Nensi ilə görüşmək istəyir.Lakin Qlen fikrini dəyişərək yatağa uzanır.
• Leytenant Tompson Qlenin ölümündən sonra Lants ailəəsi ilə görüşür.
• Leytenant Tompson Mister Lants ilə danışır.
• Nensi Freddi ilə görüşmək üçün zirzəmidə bütün əşyalarını hazırlayır.
• Nensi uçmaq üçün imitasiya edir. Burada baxmaq olar

Filmin final variantları

• Prokat versiyası: Nensi dostlarının maşınına əyləşir və gedir. Tavan qalxmağa başlayır. Freddi Marcı pəncərədən evə çəkir. Uşaqlar Freddi haqqında şeir oxuyur.

Digər versiyalar:

• Nensi dostlarının maşınına əyləşir və gedir. Mark uşaqların Freddi haqqında şeir oxuduğunu görür. Sonra Freddi onu pəncərədən evə çəkir.
• Nensi dostlarının maşınına əyləşir və gedir. Mark uşaqların Freddi haqqında şeir oxuduğunu görür. Film bitir.
• Nensi dostlarının maşınına əyləşir. Tavan qalxmağa başlayır. Maşın şagirdləri aparır. Freddi Markı pəncərədən evə çəkir. Uşaqlar Freddi haqqında şeir oxuyur. Freddi maşını idarə etməyə başlayır.

Filmin seriyaları

• Qarağac küçəsində qarabasma
• 1984 Qarağac küçəsində qarabasma
• 1985 Qarağac küçəsində qarabasma 2: Freddinin qisası
• 1987 Qarağac küçəsində qarabasma 3: Yuxu döyüşçüləri
• 1988 Qarağac küçəsində qarabasma 4: Yuxu hakimi
• 1988-1990 Freddinin qarabasmaları
• 1989 Qarağac küçəsində qarabasma 5: Yuxu övladı
• 1991 Freddi ölüdür: Sonuncu qarabasma
• 1994 Ues Kreyvenin yeni qarabasması
• 2003 Freddi Ceysona qarşı
• 2010 Qarağac küçəsində qarabasma

İzlə

• Qarağac küçəsində qarabasma filmindən fraqment : youtube-da izlə
• Qarağac küçəsində qarabasma filmindən fraqment : youtube-da izlə
• Qarağac küçəsində qarabasma filmindən fraqment : youtube-da izlə

Ədəbiyyat

• John Kenneth Muir, "Career Overview" in Wes Craven: The Art of Horror (Jefferson, N.C.: McFarland and Company, 1998), p. 18, ISBN 0-7864-1923-7.
• Collis, Clark. "Too Cool For Ghoul (B-)". In: "Entertainment Weekly" (USA), Vol. 904, 27 October 2006, Pg. 58, (MG)
• Hise, James Van. "Nightmares on Elm Street: The Freddy Krueger Story". Pop Cult, Inc., 1988, Pg. 98, (BK), ISBN-10: 9992002514
• The Rise and Fall of the Slasher Film (1978-1986)" (Adam Rockoff, McFarland & Company, 2002) ISBN 0-7864-1227-5

Xarici keçidlər

• A Nightmare on Elm Street - Internet Movie Database səhifəsində
• A Nightmare on Elm Street Companion
• Qarağac küçəsində qarabasma
• The Nightmare On Elm Street Companion
• A Nightmare on Elm Street - Internet Movie Database səhifəsində
• A Nightmare on Elm Street 2: Freddy's Revenge - Internet Movie Database səhifəsində
• A Nightmare on Elm Street 3: Dream Warriors - Internet Movie Database səhifəsində
• A Nightmare on Elm Street 4: The Dream Master - Internet Movie Database səhifəsində
• A Nightmare on Elm Street 5: The Dream Child - Internet Movie Database səhifəsində
• Freddy's Dead: The Final Nightmare - Internet Movie Database səhifəsində
• Wes Craven's New Nightmare - Internet Movie Database səhifəsində
• Freddy vs. Jason - Internet Movie Database səhifəsində
• A Nightmare on Elm Street (2010) - Internet Movie Database səhifəsində
• Rəsmi sayt
• Elmstreet.co.uk
• Krueger Lair
• AlloCiné
• Qarağac küçəsində qarabasma filmi Beyazperde.com saytında

Müxtəlif

• Qarağac küçəsində qarabasma Qorxu oyunu Rusca dublyaj
• The Nightmare On Elm Street Companion
• You Tube-də
• You Tube-də
• You Tube-də